ၼႂ်းလိူၼ်ၼႆႉ ၸုမ်းၸၢဝ်းၶိူဝ်း NCCT တင်းမၢၼ်ႈ MPC မီးသၢႆငၢႆ တေႁူပ်ႉဢုပ်ႇၵၼ်ထႅင်ႈ။ ပိူဝ်ႈတႃႇဢုပ်ႇဢူဝ်း ၵၼ်ၼႆႉ ၼႂ်းၽူႈၼမ်းၸုမ်း NCCT တေသပ်းလႅင်း ၼႄၵၼ်ဢွၼ်တၢင်း။

ၸုမ်းၸၢဝ်းၶိူဝ်း NCCT တင်းၸုမ်း MPC ဢုပ်ႇဢူဝ်းၵၼ် ပွၵ်ႈၵမ်း 6

ၸုမ်းၸၢဝ်းၶိူဝ်း ၶွမ်ႊမတီႊၵပ်းသၢၼ် ၵၢၼ်ၵိုတ်းယိုဝ်းပတ်းပိုၼ်ႉၸိုင်ႈမိူင်း (NCCT) တင်း သုၼ်ၵၢင် လွင်ႈငမ်း ယဵၼ်မၢၼ်ႈ (MPC) တေၸတ်းႁဵတ်းပၢင်ၵုမ်ၵၼ်ထႅင်ႈ ပွၵ်ႈၵမ်းတီႈ 7 ။ ၵူၺ်းၵႃႈ မိူဝ်ႈလဵဝ် ယင်းပႆႇလႆႈ ၶေႃႈတူၵ်းလူင်းၵၼ်၊ တေၸတ်းႁဵတ်းတီႈလႂ် ဝၼ်းလႂ်ၼၼ်ႉ ဝၢႆးလင်ဝၼ်းတီႈ 10/11/2014 ၼႆႉ တေမီးၵၢၼ် ၸႅင်ႈလၢတ်ႈပွင်ႇၶၢဝ်ႇၸူးၵၼ်ယူႇ- ၽူႈၶၢၼ်ပၢၵ်ႇ MPC ဢူးလႃႉမွင်ႇသူၺ်ႇ လၢတ်ႈ။

ၽူႈၶဝ်ႈၸုမ်းၸၢဝ်းၶိူဝ်း NCCT ၶုၼ်ဢူၵ်ႉၵႃႇ ၵေႃႈလၢတ်ႈဝႃႈ- တႃႇႁဝ်းတေႁူပ်ႉထူပ်းၵၼ်ထႅင်ႈ ၵမ်းတီႈ 7 ၼႆႉ ပႆႇတတ်းမၵ်းလႆႈဝၼ်းမၼ်း။ ၼႂ်းၽူႈၼမ်း NCCT ၼင်ႇၵၼ်ၵေႃႈ ထုၵ်ႇလႆႈဢုပ်ႇဢူဝ်းၵၼ်ထႅင်ႈၵမ်းၼိုင်ႈယူႇ။ ၵဵဝ်ႇၵပ်းၾၢႆႇတပ်ႉသိုၵ်းၸိူဝ်းၼႆႉ မိူဝ်ႈပၢင်ၵုမ် ဢၼ်ၸတ်းပူၼ်ႉမႃးၵေႃႈ ပႆႇလႆႈဢုပ်ႇသပ်းလႅင်းၼႄၵၼ်သင်။ ၵွပ်ႈၼႆ တႃႇတေႁူပ်ႉထူပ်းဢုပ်ႇဢူဝ်းၵၼ် ၵမ်းတီႈ 7 ၼႆႉ ၼႂ်းၽူႈၼမ်း NCCT တေၵၼ်ထႅင်ႈၵမ်းၼိုင်ႈၵွၼ်ႇ ၸင်ႇၵွႆႈၸႅင်ႈလၢတ်ႈပၼ်ၶိုၼ်း- ဝႃႈၼႆ။

ၼွၵ်ႈသေၼၼ်ႉ မိူဝ်ႈဝၼ်းတီႈ 22-26/10/2014 ၵေႃႈ NCCT တင်း MPC လႆႈဢုပ်ႇၵုမ်ၵၼ် တီႈဝဵင်းတႃႈၵုင်ႈ။ ပၢင်ၵုမ် ဢုပ်ႇဢူဝ်းလွင်ႈ လိၵ်ႈၵိၼ်ၵႅၼ်ႇ ပိူဝ်ႈတႃႇၵိုတ်းယိုဝ်းပတ်းပိုၼ်ႉၸိုင်ႈမိူင်း။