ႁူဝ်လိူၼ်ဢွၵ်ႊထူဝ်ႊၿိူဝ်ႊၼႆႉ လူင်ပွင်ၸိုင်ႈမၢၼ်ႈ တေဢွၵ်ႇငိုၼ်းဝႂ် 5,000 မႂ်ႇထႅင်ႈ၊ ဝႂ် 5,000 ၵဝ်ႇၵေႃႈ သိုပ်ႇယိပ်းတိုဝ်းၸႂ်ႉၸၢႆႇၵႂႃႇမိူၼ်ၵဝ်ႇ။

ငိုၼ်းမၢၼ်ႈဝႂ်ႁႃႈႁဵင်မႂ်ႇ တၢင်းၼႃႈ Photo:internet

ပေႃးထိုင်မႃးဝၼ်းတီႈ 01/10/2014 ၼႆႉ တၢင်းလူင်ပွင်ၸိုင်ႈမၢၼ်ႈ တေဢွၵ်ႇငိုၼ်းဝႂ် 5,000 မႂ်ႇထႅင်ႈ။ ဝႂ်ႁႃႈႁဵင်မႂ်ႇၼႆႉ ပဵၼ်ဝႅပ်ႇမႂ်ႇ ဝႂ်မၼ်းယႂ်ႇလိူဝ်ၵဝ်ႇ၊ မီးသွင်သီ၊ ႁဵတ်းဢွၵ်ႇမႃးၶိုတ်းလၵ်းၸဵင်ၵၢၼ်ငိုၼ်းလုမ်ႈၾႃႉ ပိူဝ်ႈတႃႇႁႂ်ႈၸႂ်ႉလႆႈ ၶၢဝ်းယၢဝ်း ႁႄႉၵင်ႈၵၢၼ်ႁဵတ်းငိုၼ်းပွမ်၊ တၢင်းၼႃႈတၢင်းလင် တီႈၼိူဝ်ၸေႈ မီးဝႆႉသီၼမ်ႉမၼ်း၊ ယႃႇႁႂ်ႈမၼ်းၼႆႈငၢႆႈ။ ၾၢႆႇၶႂႃဝႂ်ငိုၼ်းၼၼ်ႉ ပေႃးဢဝ်ထွင်ႇသၢႆလႅင်းတူၺ်း တေႁၼ်လၢႆးႁၢင်ႈၸၢင်ႉၽိူၵ်ႇ။

ငိုၼ်းမၢၼ်ႈဝႂ်ႁႃႈႁဵင်မႂ်ႇ တၢင်းလင် Photo:internet