ၸုမ်းၵူၼ်းၼုမ်ႇၼႂ်းဢိူင်းမိူင်းဝီး ၸႄႈဝဵင်းၼမ်ႉၶမ်း ၼႂ်းၸိုင်ႈတႆးပွတ်းႁွင်ႇ၊ သၢၼ်မိုဝ်းၵၼ်ၶွတ်ႇ ၽွတ်ႈၸုမ်း ၽဵဝ်ႈယႃႈမဝ်းၵမ်၊ တင်ႈတႄႇဝၼ်းထိ 15/123/12 ၼႆႉမႃး သႂ်ႇဢဵၼ်သႂ်ႇႁႅင်းၽဵဝ်ႈယႃႈ မႃးတႄႉတႄႉဝႃႈဝႃႈ။

ပူၼ်ႉမႃးမိူဝ်ႈဝၼ်းထိ 12/12/12 တင်ႈတႄႇၵၢင်ၼႂ်မွၵ်ႈယၢမ်း 09:30 မူင်း၊ ပိူဝ်ႈတႃႇမူၼ်ႉမႄးတၢင်း တိုဝ်းၵမ်/ၸႃရိတ်ႉတ ၵူၼ်းၼုမ်ႇၼႆသေ ၵူၼ်းၼုမ်ႇၼႂ်းဢိူင်ႇမိူင်းဝီးၶဝ် ႁူမ်ႈသၢၼ်မိုဝ်းၵၼ်ႁဵတ်း ပၢင်ၵုမ်၊ မီးၵူၼ်း ၶဝ်ႈႁူမ်ႈ 300 ပၢႆ။ ၼႂ်းပၢင် ၵုမ်ၼၼ်ႉ ၸဝ်ႈၼႃႈတီႈမၢၼ်ႈၾၢႆႇပၢႆးယူႇလီ၊ ၾၢႆႇပလိၵ်ႈ ၸိူဝ်းၼႆႉမႃးၶဝ်ႈႁူမ်ႈၸွမ်း-ၵူၼ်းၼုမ်ႇၵေႃႉၵႂႃႇၶဝ်ႈႁူမ်ႈပၢင်ၵုမ်ၵေႃႉ ၼိုင်ႈလၢတ်ႈၼင်ႇၼႆ။

ၵူၼ်းၼုမ်ႇၵေႃႉၼိုင်ႈၵေႃႈလၢတ်ႈဝႃႈ- ပူၼ်ႉမႃးမိူဝ်ႈဝၼ်းထိ 12/12/12 ၼၼ်ႉ ၸုမ်းၵူၼ်းၼုမ်ႇသၢၼ် ၶတ်း ယႃႈမဝ်းၵမ် ႁူပ်ႉထူပ်းဢုပ်ႇၵၼ်သေ ပိူဝ်ႈတႃႇတိုၵ်းတေႃးၽဵဝ်ႈမူၺ်ႉယႃႈမဝ်းၵမ်ၼၼ်ႉ ၸႅၵ်ႇဝႆႉပဵၼ် 3 ၶၵ်ႉတွၼ်ႈ။ ၼႂ်း 3 ၶၵ်ႉတွၼ်ႈ ၼႆႉ ၶၵ်ႉတွၼ်ႈထိ 1.ပၼ်တၢင်းႁူႉတၢင်းႁၼ်။ 2.ယွင်ႈယေႃး။ 3.ပၼ်တူတ်ႈတၢမ်ႇ။  ပေႃးလၢတ်ႈဢမ်ႇလႆႈ တေတိၺွပ်း သေသူင်ႇပၼ်ပလိၵ်ႈၶဝ်။ ၵွပ်ႈၼၼ် တႄႇဝၼ်းထိ 15/12/12 ပူၼ်ႉမႃးၼႆႉ လႆႈပိုၼ်ၽၢဝ်ႇထိုင်ၵူၼ်းမိူင်းဝႆႉဝႃႈတေတိုၵ်း တေႃးၽဵဝ်ႈမူၺ်ႉယႃႈမဝ်းၵမ်ၵႂႃႇ ႁၢင်ႈႁႅင်း- ဝႃႈၼႆ။

ၸုမ်းၵူၼ်းၼုမ်ႇၽဵဝ်ႈယႃႈမဝ်းၵမ်ၸုမ်းၼႆႉ တႄႇၶွတ်ႇၽွတ်ႈမႃးမိူဝ်ႈလိူၼ်ၼူဝ်ႊဝႅမ်ႊၿိူဝ်ႊ (2012)၊  မိူဝ်ႈတႄႇၶွတ်ႇၽွတ်ႈ မီးၵူၼ်းၶဝ်ႈၸုမ်းမွၵ်ႈ 60 ၵေႃႉ။ ယိူင်းဢၢၼ်းပိူင်လူင် ပိူဝ်ႈတႃႇတိုၵ်းတေႃးယႃႈ မဝ်းၵမ်။ ပေႃႈမႄႈၵူၼ်းဝၢၼ်ႈၵူၼ်းမိူင်းၵေႃႈ ႁၼ်လီၵမ်ႉထႅမ်ၼမ် ၼွၵ်ႈၼိူဝ်သေၵူၼ်း ၸိူဝ်းသူႇ/ ၵိၼ်/သမ်း/သိုဝ်ႉၶၢႆ ယႃႈၶဝ် - ၼႆယဝ်ႉ။