ၸိုင်ႈတႆးပွတ်းႁွင်ႇ ၽႅၼ်ႇလိၼ်ဝႆလၢႆဝဵင်း သုၼ်ၵၢင်ၽႅၼ်ႇလိၼ်ဝႆပႆႇႁူႉ လွင်ႈလူႉသုမ်း တၢႆမၢတ်ႇ ဢမ်ႇမီး။


ဝၼ်းတီႈ 01/08/2017 ယၢမ်းဝၢႆးဝၼ်းမွၵ်ႈ 2 မူင်း ၽႅၼ်ႇလိၼ်ဝႆ(ဢိင်ႇသၼ်ႇ) ၼႂ်းၸိုင်ႈတႆး ပွတ်းႁွင်ႇလၢႆတီႈ လၢႆဝဵင်း။

ၼၢင်းၶိၼ်ႇထႃးယီႇ ၽူႈတႅၼ်းသၽႃးၸႄႈမိူင်းသႅၼ်ဝီၶဵတ်ႇလိူၵ်ႈတင်ႈမၢႆ 1 လၢတ်ႈဝႃႈ - “ၸႂ်ႈဢေႃႈ ၽႅၼ်လိၼ်ဝႆတႄႉဢေႃႈ ႁဝ်းၶႃႈတိုၵ်ႉယူႇၼႂ်းပၢင်ၵုမ်ယူႇလႄႈ ႁူႉတႄႉႁူႉယူႇဝႃႈၽႅၼ်ႇလိၼ်ဝႆ သုၼ်ၵၢင်ၽႅၼ်လိၼ်ဝႆၼၼ်ႉ ပဵၼ်တီႈမိူင်းလႂ်တႄႉဢမ်ႇႁူႉ ယွၼ်ႉမၼ်းဢမ်ႇပေႃဝႆႁႅင်းလႄႈ မၢင်ၵေႃႉယင်းဢမ်ႇႁူႉၵွၼ်ႇၶႃႈ” ဝႃႈၼႆ။


ၼႂ်းၸိုင်ႈတႆးပွတ်းႁွင်ႇ လၢႆဝဵင်း ဢၼ်ၽႅၼ်ႇလိၼ်ဝႆၼႆႉ မိူၼ်ၼင်ႇ မူႇၸေႊ၊ ၵူတ်ႉၶၢႆ၊ သႅၼ်ဝီလႄႈ သၢပ်ႇထုင်ႉမၢဝ်းၵမ်ႈၽွင်ႈ လွင်ႈလူႉသုမ်းတၢႆမၢတ်ႇပႆႇႁူႉ ဝႃႈၼႆ။