ၵူၼ်းမိူင်းတူၼ်ၶၢႆၵႃး လႆႈပႃးငိုၼ်းၵႅၵ်းမႂ် 5 ႁဵင်တႃႇ 25 သႅၼ်ၵျၢတ်ႉ ထုၵ်ႇၸဝ်ႈၼႃႈတီႈ ထဵတ်ႈထၢမ်။


ဝၼ်းတီႈ 11/07/2017 ၸၢႆးၵျေႃႇ ၵူၼ်းမိူင်းတူၼ် ၶၢႆၵႃးတေဢၢၼ်းသိုဝ်ႉၵႃးမႂ်ႇတီႈ ဝဵင်းလူင်တူၼ်ႈ တီး ဢဝ်ငိုၼ်းၵႂႃႇဝႆႉတီႈႁိူၼ်းၼၢင်းၶမ်းသႂ် မၼ်းၼၢင်းသမ်ႉ ၶိုၼ်းဢဝ်ငိုၼ်းၵႂႃႇၾၢၵ်ႇဝႆႉတီႈယေး ငိုၼ်း ၵမ်ႇပေႃးၸႃႉ တႃႇငိုၼ်း100 သႅၼ်ၵျၢတ်ႉ ၸဝ်ႈၼႃႈတီႈထတ်းႁၼ် ငိုၼ်းပွမ်မႂ် 5 ႁဵင် တႃႇ 25 သႅၼ်ၵျၢတ်ႉ လႄႈၺႃးၸႅင်ႈတီႉၺွပ်ႉ။

Photo: DVB

ၸၢႆးဢေး ၵေႃႉသိုဝ်ႉၵႃး လၢတ်ႈဝႃႈ ဢဝ်ငိုၼ်းၼႆႉမႃးတီႈယေးငိုၼ်း လူင်ပွင်ၸိုင်ႈ တီႈမိူင်းသၢတ်ႇ ဢမ်ႇႁူႉဝႃႈပႃးငိုၼ်းၵႅၵ်း/ပွမ် ဝႃႈၼႆ။


ၸၢႆးၶိူဝ်းတႆး ၵူၼ်းၵႆႉသိုဝ်ႉၶၢႆၵႃး မိူင်းပၼ်ႇ လၢတ်ႈဝႃႈ - “ မိူဝ်ႈလဵဝ်ၼႆႉမၼ်းမီးငိုၼ်းတူႉငိုၼ်းပွမ်ၼမ် ၵူၼ်းၵႃႉၶၢႆၵူႈၵေႃႉတေသိုဝ်ႉၶၢႆ တေႁပ်ႉငိုၼ်း တီႈၽႂ်ၵေႃႈ ၶႅၼ်ႉတေႃႈ ထတ်းထွင်တူၺ်းလီလီသေ ၵမ်း သင်ဢမ်ႇၼၼ်တေၺႃးတူတ်ႈတၢမ်ႇမီးတၢင်းၽိတ်းၵႂႃႇလူၺ်ႈဢမ်ႇႁူႉတူဝ်” ဝႃႈၼႆ။


ၵဵဝ်ႇလူၺ်ႈလွင်ႈထတ်းႁၼ်ငိုၼ်းပွမ်ၼႆႉ  ၸဝ်ႈၼႃႈတီႈယေးငိုၼ်းၵေႃႈ ႁွင်ႉၾၢႆႇပလိၵ်ႈမႃးၵူတ်ႇ ထတ်းသေ ႁွင်ႉပႃႈၶမ်းသႂ်လႄႈၸဝ်ႈငိုၼ်းၸၢႆးၵျေႃႇ မႃးထဵတ်ႈထၢမ်။ ၼၢင်းၶမ်းသႂ်တႄႉပွႆႇမိူဝ်းၶိုၼ်း ယဝ်ႉ ၸၢႆးၵျေႃႇတႄႉ တေၵူတ်ႇထတ်းတွင်ႈထၢမ်တႃႇပၼ်တူတ်ႈတၢမ်ႇၵႂႃႇဝႃႈၼႆ။