ၼႂ်းမိူင်းတႆးတႄႉ ၵဵဝ်ႇၵပ်းလူၺ်ႈပၢႆးပၺ်ၺႃသေ တီႈႁူင်းႁဵၼ်းတႄႉ ဢၼ်ၸႅၵ်ႇၸၼ်ႉၸၢႆးယိင်း ၼႆႁၢဝ်ႈႁႅင်းတႄႉဢမ်ႇမီးယဝ်ႉၶႃႈ။ ၵမ်ႈၼမ် တီႈၼင်ႈၵူၺ်းၶႃႈဢေႃႈ တိုၵ်ႉၸႅၵ်ႇၵၼ်ဝႆႉယူႇ။ ယူႇတီႈၸုမ်းၵပ်းသၢၼ်လွင်ႈၼၢင်းယိင်းတႆးႁဝ်းၶႃႈသေ ၾၢႆႇပၢႆးပၺ်ၺႃၼႆႉၸွႆႈၸွမ်းလႅၼ်လိၼ်ယူႇ။ တီႈၼႂ်းမိူင်းတႆးၵေႃႈမိူဝ်ႈၵူႈပွၵ်ႈၸွႆႈယူႇ။ ဝၢႆးၼႆႉ ၵႆႉမီးပၢင်တိုၵ်းဝႃႇသင်ဝႃႇၼႆလႄႈဢမ်ႇလႆႈၸွႆႈယဝ်ႉ။ ယၢမ်းလဵဝ် ဢၼ်မီးပၼ်ႁႃယူႇတႄႉ ပပ်ႉပူင်သွၼ်ၼၼ်ႉၼႃႇ။ ၵမ်ႈၽွင်ႈၸႂ်ႉယၵ်းၶိုၼ်ႈ ၵမ်ႈၽွင်ႈ ဢမ်ႇၸႂ်ႉ။ ဢၼ်ႁဝ်းၶႃႈၶႂ်ႈႁႂ်ႈပဵၼ်တႄႉ လွင်ႈယၵ်းၶိုၼ်ႈယၵ်းလူင်း ၼႆႉႁဝ်းယႃပေၵွႆႈ ထဵင်ၵၼ်သေ ႁဵတ်းႁႂ်ႈလုၵ်ႈဢွၼ်ႇတႆးမေႃလိၵ်ႈတႆးသေလူးၵွၼ်ႇလႃႈ။ ႁႂ်ႈၶဝ်မီးပပ်ႉပဵင်းပေႃးၵူၺ်းၵွၼ်ႇလႃႈ။ ထႅင်ႈလွင်ႈၼိုင်ႈသမ်ႉၶေႉၵၼ်သၢင်ႈႁူင်းႁဵၼ်းမႂ်ႇ ယႂ်ႇလူင်။ မၢင်တီႈမၢင်ဝၢၼ်ႈၼႆႉ တိုၵ်ႉႁဵတ်း ႁူင်းႁဵၼ်းယဝ်ႉၵူၺ်းပဵၼ်ပၢင်တိုၵ်းဝႃႇၼႆသေ ပၢင်သွၼ်လိၵ်ႈတႆးယင်းပႆႇလႆႈတႄႇ လႆႈပႃးၵၼ် ပၢႆႈတၢင်းဝၢၼ်ႈ။ၽိူဝ်ႇတေၵုမ်ႇသၢင်ႈႁူင်းႁဵၼ်းယူႇတိၵ်းတိၵ်းၼၼ်ႉတႃႉဢဝ်လုၵ်ႈဢွၼ်ႇယူႇၵျွင်းမုၼ်ၸဝ်ႈသေ  သွၼ်လိၵ်ႈပၼ်ၶဝ်လႃႈ။ ၵဵဝ်ႇလူၺ်ႈလွင်ႈပၢႆးပၺ်ၺႃတႆး ႁူင်းႁဵၼ်းလိၵ်ႈတႆးၼႆႉသေ ၶႂ်ႈႁႂ်ႈၾၢႆႇပၢႆးပၺ်ႇၺႃတႆးလႆႈၵွင်ႉၵၼ်တၢင်းလူင်ပွင်ၸိုင်ႈသေႁဵတ်းၵႂႃႇ။ ယွၼ်ႉပိူဝ်ႈဝႃႈ ပေႃးဢမ်ႇပဵၼ်တၢင်းၵၢၼ်လူၺ်ႈပၵ်းပိူင်မၢႆမီႈဝၢၼ်ႈမိူင်းၸိုင် လုၵ်ႈဢွၼ်ႇတႆးႁဝ်းၶႂ်ႈၵတ်ႉၵႃႈ ႁိုဝ်ၵေႃႈယဝ်ႉ လႆႈတၢင်းႁိူဝ်ႉၵူၺ်း။ ထုၵ်ႇလႆႈႁႂ်ႈလူင်ပွင်ၸိုင်ႈ မၵ်းမၼ်ႈပၼ်ၵွၼ်ႇ။