ၼႂ်းဝၢၼ်ႈမိူင်းလႄႈသင် ၼႂ်းၵၢၼ်သိုၵ်းလႄႈ သင် ….. ယူႇတီးတူင်ႇဝူင်းလႄႈသင် ယူႇတီႈၵၢၼ် သႃသႃၼႃ သင်ႇသွၼ်လႄႈသင် ႁဝ်းဝႃး လူဝ်ႇဝႆႉလမ်ႇလွင်ႇ။ ထုၵ်ႇလႆႈ ပိုတ်ႇတၢင်း၊ ထုၵ်ႇလႆႈဢဝ်တိုဝ်ႉတၢင်း  ႁဵင်းဢဝ် ၵူႈသမ်ႇၵူႈပိူင်။ ပေႃးတၢင်းႁူႉသုင်မႃးၵေႃႈ ၼၢင်းယိင်းႁဝ်းၵေႃးတေမီးမႃး ၼမ်ႉၵတ်ႉၼၼ်ႉၼႃႇ။ ပေႃးႁဝ်း လႆႈ ပူၵ်းပွင်မႃးၸဵမ်လဵၵ်ႉ ၵေႃႈ ၼႂ်းၵၢၼ်ၸိူဝ်ႉၸၢတ်ႈလႄႈသင် ၵၢၼ်မိူင်းလႄႈသင် တေမီး မႃးၼမ်ႉၵတ်ႉဢိူဝ်ႈ။


မိူဝ်းလဵဝ်ၵေႃး ၼင်ႇႁိုဝ်ၵၢၼ်မိူင်း တေလႅၵ်ႈလၢႆႈ ၼၢင်းယိင်းၵေႃႈ ၶဝ်ႈပႃးတူင်ႉၼိုင်မႃး တင်းၼမ်။ ၼၢင်းယိင်းၼႆႉ ၸဵမ်မိူဝ်ႈ တႄႇၵၼ်လုၵ်ႉၽိုၼ်ႉ မႃး ၼၢင်းယိင်း ၵေႃႈ ၶဝ်ႈပႃးႁဵတ်းသင်ႈတၢင်းၼမ်လူး။ မိူဝ်ႈလဵဝ်ၼႆႉ ႁၢၼ်ထိုင်ဝႃး ၼၢင်းယိင်း ႁဝ်းၵေႃး တူင်ႉတိုၼ်ႇမႃးၼမ်တႄႉတႄႉ၊ၸုမ်းၼၢင်းယိင်းၵေႃႈ မီးၵူႈဝၢၼ်ႈ ၵူႈမိူင်းမႃးယဝ်ႉ ၼႂ်းၾိင်ႈငႄႈ၊ လိၵ်ႈလၢႆး၊ ၵၢၼ်ဝၢၼ်ႈ၊ ၵၢၼ်မိူင်း၊ လႆႈႁၢၼ်ၶဝ်းမႃး တူင်ႉၼိုင် မႃးၼမ်ယူႇ။


ၶႂ်းပၼ်ႁဵင်းၸႂ်ထိုင် ၼၢင်းယိင်းတႆးႁဝ်းၵူႈၵေႃႉတႄႉ ….  ၼၢင်းယိင်းႁဝ်းၼႆႉ ပိတ်ႉႁူႉ ပိတ်ႉတႃသေ ယူႇမိူင်မိူဝ်းၵူးပွၵ်ႈဢမ်ႇၸႂ်းယဝ်ႉ ႁဝ်းလူဝ်ႇတူင်ႉတိုၼ်ႇ ႁဝ်းလူဝ်ႇလဵပ်ႈႁဵင်း ႁဝ်းလူဝ်ႇၶတ်းၸႂ်ႁႂ်ႈၶိုတ်းတင်းပိူၼ်ႈ ၸၢၼ်ႉၵမ်ႇၾႃႇ ႁဝ်းထုၵ်ႇလႆႈႁဵၼ်းႁႃတၢင်းႁူႉ ႁႂ်းလႆႈၶဝ်ႈႁူမ်ႈႁဵတ်းသၢင်ႈပႃး ၶဝ်ႈႁူမ်ႈတဵပ်းတတ်းလႆႈပႃး ၼႂ်းၵၢၼ်ၸိူဝ်ႉၸၢတ်ႈ ဝၢၼ်ႈမိူင်းႁဝ်း ၼၼ်ႉယဝ်ႉ ….