ၵၢၼ်မိူင်း မိူဝ်းလဵဝ် ၼၢင်းယိင်း ၶဝ်ႈပႃးယူႇသေတႃႉၵေႃႈ သႅၼ်းၶဝ်ႈပႃးၼႂ်းၸၼ်ႉ ဢွၼ်ႁူဝ်ယင်း တိုၵ်ႉဢေႇ။မိူၼ်ၼင်ႇ ပၢင်ၵုမ်လူင်ပီႁူဝ်ပၢၵ်ႇ 21 ပၢင်လူင်ၼၼ်ႉ ၼၢင်းယိင်း လႆႈၶဝ်ႈပႃး ဢမ်ႇပူၼ်ႉ 50% ။ ဢၼ်တဵပ်းတတ်းလႆႈ ဢၼ်ဢွၼ်ႁူဝ်လႆႈၵေႃႈ  တိုတ်ႉမီးဢေႇၼႃႇ။   ၵွပ်းၼၼ် လႄႈ ၼၢင်းယိင်းတၵ်းလႆႈ ၶတ်းၸႂ်ထႅင်ႈၼမ်ၼမ် ။ မိူၼ်ၼၼ်ၼင်ႇၵဝ်ႇ ၼႂ်း CSO ၸူမ်းတူင်ႇဝူင်း ၵူၼ်း ၵေႃႈလႆႈႁၼ် ၼၢင်းယိင်း ပႃးၼမ်ယူႇသေတႃႉ ဢၼ်ဢွၼ်ႁူဝ်ၼႂ်း ၸၼ်ႉလူင်ပွင်ၸိုင်ႈ ၸၼ်ႉၸိူဝ်ႉၸၢတ်ႈၼၼ်ႉ ၼၢင်းယိင်းတီးမီး ဢေႇတႄႉတႄႉ။


ၶၵ်ႉတွၼ်ႈၵၢၼ်မိူင်းမိူဝ်းၼႃႈ တႃႇၼၢင်းယိင်းတေၶဝ်ႈႁူမ်ႈပႃးလႆႈၼၼ်ႉ လူဝ်ႇလႆႈၶတ်းၸႂ်ၼမ်ၼမ် ။ ……  ထႅင်ႈဢၼ်ၼိုင်ႈၵေႃး   ယႃႇပေပႂ်ႉႁႂ်းပိူၼ်ႈႁွင်ႉၵူၺ်း။ ၶဝ်ႈႁူမ်ႈႁဵတ်းၸွမ်း  ၼႂ်းၵၢၼ်မိူင်း ၵၢၼ် ဢွၼ်ႁူဝ် ….. ။ ပေႃးၵုမ်ႇပႂ်ႉပိူၼ်ႈႁွင်ႉသေၸင်ႇၶဝ်ႈႁဵတ်းၵၢၼ်တႄႉ   သုၼ်ႇလႆႈႁဝ်းဢၼ်ထုၵ်ႇလႆႈ ၼၼ်ႉ တေလုတ်ႈႁၢမ်း။  ၵွပ်ႈၼၼ်လႄႈမိူဝ်းလဵဝ် ဢွၼ်ၵၼ်တိုၵ်ႉႁဵတ်းသင်ႈယူႇ ၶဝ်ႈႁႃ ၵူၼ်းမိူင်း ဢုပ်ႇဢူဝ်းၼႄ ၶၵ်ႉတွၼ်ႈ ၵၢၼ်ငမ်းယဵၼ်   ၸိူဝ်းၼၼ်ႉၵေႃႈ  ၼၢင်းယိင်း  ၶဝ်ႈႁူမ်ႈ ပႃးၼမ်။ ပေႃးၸိူင်ႉၼႆၵွၼ်ႇ ၼႂ်းၵၢၼ်မိူင်းၵူႈၶၢၵ်ႉတွၼ်ႈၼၼ်ႉ  ၼၢင်းယိင်းၵေႃႈတေ လႆႈၶဝ်ႈ ႁူမ်ႈၸွမ်း။ ပိူင်လူင်တႄႉ ၼၢင်းယိင်းႁဝ်းၼႆႉ တၵ်းလႆႈႁဵၼ်းႁူႉၼမ်ၼမ် တူဝ်ထူပ်းတေလႆႈ မီး ၼမ်ၼမ်။  ပေႃးၸိူင်ႉၼႆမႃးၸင်ႇ ၵၢၼ်မိူင်း ၵူႈလွင်ႈလွင်ႈ  ၵူႈၸၼ်ႉၸၼ်ႉၼၼ်ႉ  ၼၢင်းယိင်း ႁဝ်းတေလႆႈ ၶဝ်ႈပႃးၸွမ်း။


ယိင်းႁၢၼ်ၾႃႉ ၼႆႉ တူင်ႉၼိုင်သုၼ်ႇလႆႈၼၢင်းယိင်း ၊ ႁဵတ်းၵၢၼ်ၼႂ်းၸုမ်း ၵပ်းသၢၼ် လွင်ႈၼၢင်းယိင်းတႆး SWAN ၊ ငဝ်ႈၵေႃၸုမ်းၼၢင်းယိင်းမိူင်းမၢၼ်ႈ WLB မႃး သိပ်းပီပၢႆ ။