သင်ၶၸဝ်ႈလႄႈပီႈၼွင်ႉတႆးၼွၵ်ႈမိူင်းၼႂ်းမိူင်းႁူမ်ႈလူႇငိုၼ်းၵၼ်သေၵႂႃႇၵမ်ႉၸွႆႈ ၊ ၶဝ်ႈၼမ်ႉတၢင်းၵိၼ် ၊ ၶူဝ်းၼုင်ႈတၢင်းဝႆပီႈၼွင်ႉၸိူဝ်းၺႃးၽေးသိုၵ်းသိူဝ်ၼႂ်းၸိုင်ႈတႆး ပွတ်းႁွင်ႇ ။

ဝၼ်းတီႈ 12/06/2016 သင်ၶၸဝ်ႈလႄႈၽူႈမီးပုၼ်ႈၽွၼ်းၵမ်ႈၽွင်ႈဢဝ်ငို်ၼ်းတွင်းၶူဝ်းၵိၼ်ၶူဝ်း ယမ်ႉ ၵႂႃႇၸွႆႈထႅမ်ၵူၼ်းထူပ်းၽေး 180 ၵေႃႉ တီႈဝတ်ႉဝဵင်းၵဝ်ႇ ဝဵင်းသီႇပေႃႉ ။ ၸွႆႈထႅမ်ငိုၼ်း 1,050, 000 ၵျၢပ်ႈ ။ ဝတ်ႉၽူဝ်းတေႃႇၵူၼ်းပၢႆႈမီး 130 ၵေႃႉ ၸွႆႈငိုၼ်း 20 သႅၼ်ၵျၢပ်ႈ ၊မိူဝ်ႈၼႆႉဝၼ်းတီႈ 13/06/2016 ဢွၵ်ႇၶၢဝ်းတၢင်းၵႂႃႇၸွႆႈထႅမ်တၢင်း ၵျွၵ်ႉမႄးထႅင်ႈဝႃႈၼႆ ။


ငိုၼ်းၼႆႉသင်ၶၸဝ်ႈလႄႈၸုမ်းတႆးလၢႆၸုမ်းၼႂ်းမိူင်းထႆးမိူၼ်ၼင်ႇၸုမ်းလုၵ်ႈႁဵၼ်းသင်ၶတႆးမိူင်းၵွၵ်ႇ ၊ မုၵ်ႉၸုမ်းၸၢဝ်းၶိူဝ်းတႆး ၊ ႁိူၼ်းႁူမ်ႈႁၵ်ႉ ၊ သဵင်သၼ်လွႆ ထုင်ႉၵုၼ်ပွၼ် ၊ ၸုမ်းႁူမ်ႈႁႅင်းၸႂ်တႆး၊မုၵ်ႉၸုမ်း ၼၢင်းယိင်းတႆးလႄႈပီႈၼွင်ႉၵူၼ်းမိူင်း ။


ႁူမ်ႈၵၼ်ႁႃလႆႈငိုၼ်းတင်းမူတ်း 182,060 (ၼိုင်ႈသႅၼ်ပႅတ်ႇမိုၼ်ႇသွင်ၽၼ်းပၢႆႁူၵ်းသိပ်း) လႅၵ်ႈလႆႈငိုၼ်းမၢၼ်ႈ 6145,500 (ႁူၵ်းသိပ်းဢဵတ်းသႅၼ်သီႇမိုၼ်ႇ ႁႃႈႁဵင်ႁႃႈပၢၵ်ႇၵျၢပ်ႉ) လိူဝ်ၼၼ်ႉပီႈၼွင်ႉဝဵင်းတႃႈၶီႈလဵၵ်း ၼၢင်းသႅင်လႃႈ လူႇထႅင်ႈငိုၼ်း 100000 ၵျၢပ်ႈ ၊ ပီႈၼွင်ႉ ႁူဝ်ပူင်းၸၢႆးၵျေႃႇဢွင်ႇ + ၼၢင်းမျထူၺ်း လူႇငိုၼ်းထႅင်ႈ 50000 ၵျၢပ်ႈ ၶဝ်ႈသၢၼ်ၼိုင်ႈထူင် ၊ ၶူဝ်းၼုင်ႈတၢင်းဝႆ 2 ထူင်ဢွၼ်ႇ ။


ၸဝ်ႈၼုမ်ႇတႆး ၼၼ်တသႃမိ လၢတ်ႈဝႃႈ - “ ႁဝ်းပီႈၼွင်ႉၼင်ႇၵၼ် ယၢၼ်ၵႆၵၼ်တၢၼ်ႇ လႂ်ၵေႃႈႁဝ်းလူဝ်ႇၸွႆႈထႅမ်ၵၼ် ၊ ပၼ်ႁႅင်းၵၼ် ၊ ၸွႆႈၵၼ်ၵႄႈလိတ်ႈပၼ်ႁႃၵႂႃႇ ” ဝႃႈၼႆ ။


တပ်ႉသိုၵ်းပူတ်းပွႆႇၸိူဝ်ႉၸၢတ်ႈတဢၢင်း TNLA တင်းၶွင်ႊသီႊဢဝ်ၶိုၼ်းၸိုင်ႈတႆး RCSS/SSA လႆႈပဵၼ်ပၢင်တိုၵ်းၵၼ်ၶိုၼ်းႁၢဝ်ႈႁႅင်းမိူဝ်ႈႁူဝ်လိူၼ်မေႊ ၼၼ်ႉလႄႈသင် ၊ ပၢင်တိုၵ်း ယွၼ်ႉသိုၵ်း မၢၼ်ႈ ႁႅၼ်းသိုၵ်း လေႃႇတိုၵ်း တပ်ႉသိုၵ်းၸိုင်ႈတႆး SSPP/SSA ၊ သိုၵ်းၶၢင် KIA လႄႈသိုၵ်းတဢၢင်း TNLA မိူဝ်ႈၵၢင်လိူၼ် မေႊ ၼႆႉလႄႈသင် ၊ ႁဵတ်းႁႂ်ႈၵူၼ်းမိူင်းၼပ်ႉႁူဝ်ႁဵင် လႆႈပၢႆႈယၢၼ်ႁိူၼ်းယေးတီႈယူႇ ။