ၵၢင်လိူၼ်ၵျႃၼ်ႊ 2016 ၼႆႉၸုမ်းၵွင်ႉသၢၼ်ၶွမ်ႊၽိဝ်ႊၻိူဝ်ႊ S.A.C.T တေပိုတ်ႇပၢင်သွၼ် IT / ၶွမ်ႊၽိဝ်ႊၻိူဝ်ႊပွၵ်ႈၵမ်းတီႈ 11 တီႈသုၼ်ၵၢၼ်ႁဵၼ်း S.A.C.T  ဝဵင်းၵျွၵ်ႉမႄး ။

ဝၼ်းတီႈ 16/06/2016 ၼႆႉၸုမ်းၵွင်ႉသၢၼ်ၶွမ်ႊၽိဝ်ႊၻိူဝ်ႊ Shan Association Computer Training ဝဵင်းၵျွၵ်ႉမႄး တေၸတ်းႁဵတ်း ပၢင်သွၼ်လွင်ႈ IT ( IT-Imformation Teachnology ) တေပူင်သွၼ်ပၼ် -1. Basic Course ပိုၼ်ႉထၢၼ်ၵၢၼ်ၸႂ်ႉၶွမ်ႊၽိဝ်ႊၻိူဝ်ႊ ၊ 2. Designer Couse (ၸၼ်ႁၢင်ႈ မႄႈၶႅပ်းႁၢင်ႈ) ၊ 3. Video Editing Couse (တတ်းတေႃႇႁၢင်ႈတူင်ႉ) ၊ 4. A+Hardware Couse  တွၼ်ႈမႄးၶွမ်း ၊ ပၢႆးၸၢၵ်ႈၶွမ်ႊၽိဝ်ႊၻိူဝ်ႊၸဵမ်ၸိူဝ်းၼႆႉ ပၢင်သွၼ်တေဢၢၼ်းၸတ်းႁဵတ်းတီႈ ဝၢၼ်ႈၸွႆးၵုင်း ဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇ ။ ပၢင်ၾိုၵ်းၽွၼ်ႉၼႆႉ မီးၶူးပူင်သွၼ်  6 ၵေႃႉတေ ဢၢၼ်းႁပ်ႉ လုၵ်ႈႁဵၼ်း 40-50 ၵေႃႉဝႃႈၼႆ ။


ၸဝ်ႈသေႃး ၽူႈၵုမ်းပၢင်သွၼ် လၢတ်ႈဝႃႈ - “ ယိူင်းဢၢၼ်းၼင်ႇႁိုဝ်တႆးႁဝ်းပေႃးတေမေႃၸႂ်ႉ IT ၼင်ႇႁိုဝ် IT တႆးႁဝ်းပေႃးတေၶိုၼ်ႈယႂ်ႇမႂ်ႇသုင်ၵႂႃႇမိူဝ်းၼႃႈၼၼ်ႉလႄႈသင် ႁႂ်ႈလုၵ်ႈဢွၼ်ႇတႆးႁဝ်း ပေႃးၶိုၼ်ႈယႂ်ႇမႂ်ႇသုင်ၶိုတ်းၸၼ်ႉလုမ်ႈၾႃႉ ၵၢပ်ႈပၢၼ်မႂ်ႇၼၼ်ႉ ၸုမ်း S.A.C.T ႁဝ်းၶႃႈ ၸင်ႇပၼ် တိုဝ်ႉတၢင်းတႃႇလဵပ်ႈႁဵၼ်း ဢဝ်ငၢႆႈငၢႆႈၼႆလႄႈ သင်ၽႂ်သူၼ်ၸႂ်ၵေႃႈမႃးၶဝ်ႈႁူမ်ႈ ႁဵၼ်းလႆႈယူႇ ” ဝႃႈၼႆ ။


ၸုမ်းၵွင်ႉသၢၼ်ၶွမ်ႊၽိဝ်ႊၻိူဝ်ႊ Shan Association Computer Training (S.A.C.T) ၼႆႉတႄႇတင်ႈ မႃးမိူဝ်ႈ ပီႈ 2012 /12/23 ပူင်သွၼ်ပၼ်လွင်ႈၶွမ်ႊၽိဝ်ႊၻိူဝ်ႊ ၊ လွင်ႈ IT ၊ လႆႈပူင်သွၼ်ပၼ်လုၵ်ႈ ႁဵၼ်းၵႂႃယဝ်ႉ 500 ၵေႃႉပၢႆ ။