ၾႆးမႆႈ ႁၢၼ်ႉၶၢႆၶူဝ်း တင်းမူတ်း 6 ႁၢၼ်ႉ တီႈဝၢၼ်ႈၼွႆႉၼေႃး ပွၵ်ႈ 5 ဝဵင်းၵဵင်းတုင်ၼၼ်ႉ ၾႆးၾႃႉသျွတ်ႊမႆႈလုသုမ်း ၶူဝ်းၶွင်ငိုၼ်းတွင်း မႅၼ်ႈငိုၼ်း ႁိမ်း 20 သႅၼ်ပျႃး ၼႆယဝ်ႉ ။

ဝၼ်းတီႈ 22/03/2016 ယၢမ်း 23:20 မူင်းပၢႆၼၼ်ႉ တီႈႁၢၼ်ႉၶၢႆၶူဝ်း ၶွင်ၵိၼ် ၶွင်ၸႂ်ႉလႄႈ ၶၢႆၼမ်ႉမၼ်းရူတ်ႉ တီႈဝၢၼ်ႈၼွႆႉၼေႃး ပွၵ်ႉႁႃႈ ၸႄႈဝဵင်းၵဵင်းတုင် ၸိုင်ႈတႆး ပွတ်းဢွၵ်ႇၶူင်း ယွၼ်ႉၾႆးၾႃႉသျွတ်ႊ တူႈယဵၼ် ႁၢၼ်ႉမႄးရူတ်ႉၶိူင်ႈသေ လမ်းမႆႈပႃးႁၢၼ်ႉၶၢႆၶွင် ၸဵမ်ၸိူဝ်းၼႆ ။


ၸဝ်ႈၶွင်ႁၢၼ်ႉၶၢႆၶဝ်ႈသွႆး ၺႃးၾႆးမႆႈၼၼ်ႉလၢတ်ႈဝႃႈ “ ၾႆးၼႆႉ မၼ်းတႄႇမႆႈမႃးတီႈႁၢၼ်ႉ မႄးရူတ်ႉၶိူင်ႈ လုၵ်ႈမႆႈမႃးတီႈၼၼ်ႈဢွၼ်တၢင်း ၊ ထႅင်ႈၾၢႆႇၼိုင်ႈၵေႃႈ ႁၢၼ်ႉၸိူဝ်းၼႆႉ သမ်ႉမီးႁၢၼ်ႉၶၢႆၼမ်ႉမၼ်းရူတ်ႉ သွင်ႁၢၼ်ႉ ၊ မၢင်ႁၢၼ်ႉၵေႃႈတၼ်းလႆႈဢဝ်ၶူဝ်းၶွင်ၵေႃႈမီး ဢမ်ႇတၼ်းဢဝ်ဢွၵ်ႇတၼ်းၵေႃႈမီး ၊ ရူတ်ႉၶိူင်ႈ 2-3 လမ်းတႄႉဢမ်ႇတၼ်းလႆႈဢဝ်ဢွၵ်ႇ ပေႃးမႃးၼပ်ႉသွၼ်ႇ တူၺ်းငိုၼ်းၼႆၸိုင် တေမႅၼ်ႈငိုၼ်း ႁိမ်း 20 သႅၼ်ပျႃး ” ဝႃႈၼႆ ။


ၸဝ်ႈၼႃႈတီႈ ၾၢႆႇၶႄၾႆးလႄႈရူတ်ႉၶႄၾႆး ဝဵင်းၵဵင်းတုင် မႃးႁူတ်းၾႆးမွတ်ႇ ယၢမ်း 12 မူင်းပၢႆ (ၵၢင်ၶိုၼ်း) ဝၼ်းတီႈ 23 ယၢမ်းၵၢင်ၼႂ်ၼၼ်ႉ ၸဝ်ႈၼႃႈတီႈပလိၵ်ႈၶဝ်ႁႄႉႁၢမ်ႈၵူၼ်းၵႂႃႇမႃး ၼိူဝ်သဵၼ်ႈတၢင်း  ၼၼ်ႉ ဝႃႈၼႆ ။


ႁွင်ႉႁၢၼ်ႉၶၢတ်ႈၶၢႆ ၼွႆႉၼေႃးၼႆႉ ၵမ်းၼမ်တေပဵၼ်လၢၼ်ႉၶၢႆၶွင်ၵိၼ်ၶွင်ယမ်ႉ ၊ ႁၢၼ်ႉၶၢႆၶဝ်ႈသွႆး၊ ႁၢၼ်ႉၶၢႆၼမ်ႉမၼ်းရူတ်ႉလႄႈ ႁၢၼ်ႉမႄးရူတ်ႉၶိူင်ႈ တင်းမူတ်းမီး 6 ႁၢၼ်ႉ ၵႃႈၶၢတ်ႇႁၢၼ်ႉ ၼိုင်ႈလိူၼ်လႂ် 3 မိုၼ်ႇထိုင် 5 မိုၼ်ႇ ။ ၵမ်ႉၼမ် ပဵၼ်ပီႈၼွင်ႉၸၢဝ်းၶိူဝ်းၶႄႇလႄႈ မၢၼ်ႈ ၶၢတ်ႇယူႇ / ၶၢႆ ၼႆယဝ်ႉ ။