ႁူဝ်ပဝ်ႈပႃႊတီႊႁူဝ်သိူဝ် (SNLD) ၸဝ်ႈၶုၼ်ထုၼ်းဢူး ၵႂႃႇဢႅဝ်ႇယႅမ်ႈ ပၢင်သဝ်းၵူၼ်းပၢႆႈၽေး သိုၵ်း တီႈႁၢႆးပႃ ၸႄႈဝဵင်းမိူင်းသူႈ ၸိုင်ႈတႆး ပွတ်း ၸၢၼ်း ။  မွပ်ႈယိုၼ်ႈၶူဝ်းၶွင်ပၼ် ၵူၼ်းပၢႆႈၽေး ။

ဝၼ်းတီႈ 04/02/2016 ၶၢဝ်းယၢမ်း ၵၢင်ဝၼ်း ၶုၼ်ထုၼ်းဢူးဢွၼ်ႁူဝ် ၶွမ်ႊမတီႊ ငဝ်ႈငုၼ်း ပႃႇတီႇ ႁူဝ်သိူဝ် ႁွတ်ႈၽႅဝ်တီႈပၢင်သဝ်းၵူၼ်းပၢႆႈၽေးသိုၵ်း တီႈႁၢႆးပႃ ႁူပ်ႉထူပ်းပၼ်ႁႅင်း ၵူၼ်းပၢႆႈၽေး ။


ၼေႃႇၽူႈတႅၼ်းဢၼ်ပေႉပၢင်လိူၵ်ႈတင်ႈ ၵေႃႉၼိုင်ႈ ဢၼ်ပႃးၵႂႃႇၸွမ်း ၶၢဝ်းတၢင်းႁၢႆးပႃၼၼ်ႉလၢတ်ႈ ဝႃႈ ပႃႇတီႇႁူဝ်သိူဝ် လႆႈဢဝ်ၶူဝ်းၶွင်ႈၵိၼ်ၼုင်ႈၸႂ်ႉသွႆ မႃးယိုၼ်ႈမွပ်ႈပၼ်ၵူၼ်းထူပ်းၽေး ။ လႆႈဢဝ် ယႃႈယႃလႄႈတၢင်းၵိၼ်တၢင်းယႅမ်ႉ ဢၼ်ၸုမ်း ၶႅၵ်ႇလီပၢင်ၸႃႉ ၼမ်ႉၶူင်း ၾၢၵ်ႇမႃးၼၼ်ႉ ယိုၼ်ႈ မွပ်ႈပၼ်ပႃးထႅင်ႈလူးၵွၼ်ႇ ။


ၸၢႆးသူႇရိင်ႇဢူး ၼေႃႇၽူႈတႅၼ်းၸႄႈဝဵင်းၼမ်ႉၸၢင် လၢတ်ႈဝႃႈ ဝၼ်းထိ 5 ၼႆႉသမ်ႉ ၶုၼ်ထုၼ်းဢူး လႄႈပႃႇတီႇႁူဝ်သိူဝ်  ႁူပ်ႉထူပ်းၵူၼ်းပၢႆႈၽေးလႄႈၵူၼ်းမိူင်း ၼႂ်းဝဵင်းမိူင်းသူႈ။ တေထွမ်ႇ သဵင်ႁူဝ်ၸႂ် ၵူၼ်းမိူင်းဢၼ်ဢုပ်ႇလၢတ်ႈၶႆႈၼေမႃး - ဝႃႈၼႆ ။


တပ်ႉသိုၵ်းလူင်ပွင်ၸိုင်ႈမၢၼ်ႈ ႁႅၼ်းသိုၵ်းလေႃႇတိုၵ်း ပႃႊတီႊမႂ်ႇသုင်ၸိုင်ႈတႆး / တပ်ႉသိုၵ်းၸိုင်ႈတႆး SSPP/SSA မိူဝ်ႈပီၵၢႆ 2015 ။ သွင်ၾၢႆႇလႆႈပဵၼ်ပၢင်တိုၵ်းၵၼ်ဢမ်ႇယွမ်း 100 ၵမ်း ။ ၵူၼ်းမိူင်းၸိုင်ႈ တႆးပွတ်းၵၢင် ပၢႆႈၽေးသိုၵ်း မီးမိုၼ်ႇပၢႆ ။ ႁၢင်ပီ 2015 တပ်ႉသွင်ၾၢႆႇလႆႈႁူပ်ႉထူပ်း ဢုပ်ႇၵုမ်လႆႈ ၸႂ်ၵၼ် တေထွႆထွၼ်တပ်ႉတင်းသွင်ၾၢႆႇ ၼႆသေ သဵင်ၵွင်ႈၸင်ႇတဵတ်ႇယဵၼ် ။


ၵူၺ်းၵႃႈထိုင်ယၢမ်းလဵဝ် သိုၵ်းမၢၼ်ႈယင်းတိုၵ်ႉပၵ်းတပ်ႉယူႇႁိမ်းဝၢၼ်ႈ ၊  ယင်းပႆႇထွႆထွၼ်ပၼ် ။ ႁိူၼ်းယေးတီႈယူႇ လုလႅဝ်ၵွႆၸွမ်းပၢင်တိုၵ်း ၊ မၢၵ်ႇၶဝ်ႈတဝ်ႈၼမ်ႉၵေႃႈ လုသုမ်းတင်းၼမ်လၢႆ လႄႈတီႈႁၢႆးပႃၼၼ်ႉ ၸိူဝ်းပႆႇၸၢင်ႈပွၵ်ႈႁိူၼ်းၶိုၼ်းထိုင်ဝၼ်းမိူဝ်ႈၼႆႉ တိုၵ်ႉမီးယူႇ မွၵ်ႈ 1000 ပၢႆ ။