ၵူၼ်းထႆး သွင်ၵေႃႉပီႈၼွင်ႉ ၶီႇရူတ်ႉၶိူင်ႈလတ်းတူင်ႈၼႃး ထုၵ်ႇၾႃႉၽႃႇ။ ၵေႃႉပဵၼ်ပီႈၼၢင်းတၢႆထင်တီႈ။  ၽူႈလူင်ႉလႅၼ်ႇပၢႆးသၢႆႊ ၾၢင်ႉလွင်ႈၸႂ်ႉၾူၼ်းၶၢဝ်းၾူၼ် ။

ထီႊဝီႊထႆး ၶျႂင်ႉ 7 ႁၢႆးငၢၼ်းၶၢဝ်ႇဝႃႈ ဝၼ်းတီႈ 2 လိူၼ်ဢေႃႊၵတ်ႉသ် 2015 ယၢမ်းၵၢင်ဝၼ်း ယွၼ်ႉၾူၼ်တူၵ်းႁႅင်း တီႈၸႄႈတွၼ်ႈ ပထုမ်ႊထႃႊတီႊၼၼ်ႉ သွင်ၵေႃႉပီႈၼွင်ႉလႄႈ လၢၼ်ဢွၼ်ႇၵေႃႉၼိုင်ႈ ၶီႇရူတ်ႉၶိူင်ႈ တေပွၵ်ႈႁိူၼ်းလႄႈၽွင်းၶီလတ်းမိူဝ်းၸွမ်းသဵၼ်ႈ တၢင်းၵၢင်တူင်ႈၼႃး ၼၼ်ႉ ထုၵ်ႇၾႃႉၽႃႇ။

မိူဝ်ႈၾႃႉၽႃႇၼၼ်ႉ မိူၼ်ၼင်ႇၵႃးလူင်မႃးၽႃႇ သႂ်ႇၵူၼ်ႈလူတ်ႉၶိူင်ႈ။ ၶဝ်သၢမ်ၵေႃႉသဵၼ်တူၵ်းရူတ်ႉၶိူင်ႈ - ၵေႃႉပဵၼ်ပီႈၼၢင်း ဢႃယု 24 ပီ တႄႉၼွၼ်းငူပ်ႉၼႃႈ တၢႆ ထင်တီႈ ၊ လိူတ်ႈဢွၵ်ႇပၢၵ်ႇ။ သိူဝ်ႈၵေႃႈယွၵ်းယွႆႈ ၼင်ႇၾႆးမႆႈ။

လၢၼ်ဢွၼ်ႇလႄႈ ၼွင်ႉၸၢႆးမၼ်း ၵေႃႉၶပ်းလူတ်ႉၶိူင်ႈတႄႉဝၢတ်ႇၸဵပ်းႁွႆးတူၵ်းရူတ်ႉ လွၵ်ႈဢိတ်းဢွတ်း ၵူၺ်းဝႃႈၼႆ။

ၵဵဝ်ႇလူၺ်ႈလွင်ႈၼႆႉ ၵႅမ်ႈၽူႈလူင်ႉလႅၼ်ႇႁွင်ႈၵၢၼ်ပၢႆႈသၢႆႊ  ၸၼ်ႉၸွမ်ၸူးရႃႊလူင်းၵွၼ်း မိူင်းထႆးလၢတ်ႈၼႄဝႃႈ-တီႈတူဝ်ပီႈၼၢင်းၼၼ်ႉ ၸၢင်ႈမီးဢၼ်ၸၼ်ႁႅင်းထၢတ်ႈၾႆးၾႃႉ မိူၼ်ၼင်ႇ ပီႇႁူ ၊ သၢႆၶေႃး ၊ ဝႅၼ်၊ လဵၵ်း၊ ၶေႃၵွင်ႉသိူဝ်ႈ ၸဵမ်ၸိူဝ်းၼႆႉ။

ၼွင်ႉၸၢႆးမၼ်းၼၢင်းလၢတ်ႈၼႄဝႃႈ  ပီႈၼၢင်းမၼ်းဢမ်ႇသႂ်ႇ ၶိူင်ႈတိုဝ်းႁွႆႈသင်သေဢၼ်။ ၵူၺ်းၵႃႈတႂ်ႈတီႈၼင်ႈ၊ ၼႂ်းလူတ်ႉၶိူင်ႈၼၼ်ႉ မီးၾူၼ်ႊမိုဝ်းထိုဝ် 3 ၶိူင်ႈ၊ ၵဵပ်းဝႆႉယွၼ်ႉၵူဝ်ယမ်းၾူၼ်။ ၵူၺ်းၵႃႈသမ်ႉဢမ်ႇလႆႈပိတ်းၶိူင်ႈဝႆႉ။

ၾၢႆႇၽူႈလူင်ႉလႅၼ်ႇ ၾၢင်ႉဝႃႈ ပေႃးၾူၼ်တူၵ်းႁႃႇယႂ်ႇ ႁႂ်ႈၾၢင်ႉ ၵၢၼ်ၸႂ်ႉၾူၼ်း၊ ၶွမ်းၽိဝ်းၻိူဝ်ႊ၊ ပေႃးပဵၼ်လႆႈ ႁႂ်ႈပိတ်းၶိူင်ႈၾူၼ်းဝႆႉ ဝႃႈၼႆ။