ပႃႊတီႊသိူဝ်ၽိူၵ်ႇ SNDP တေၸတ်းႁဵတ်း ပၢင်သွၼ် ၵပ်းၵၢႆႇလွင်ႈၵၢၼ်လိူၵ်ႈတင်ႈ ႁူမ်ႈတင်းၵူႈပႃႊတီႊ ဢၼ်မီးၼႂ်းမိူင်းတႆး၊ တီႈဝဵင်းတူၼ်ႈတီး ပွတ်းၸၢၼ်း။

ဝၼ်းတီႈ 20-26/06/2015 ပႃႊတီႊသိူဝ်ၽိူၵ်ႇ SNDP ဢွၼ်ႁူဝ်ၼမ်းၼႃႈ တေၸတ်းႁဵတ်းပၢင်သွၼ် ၵဵဝ်ႇၵပ်းလွင်ႈၵၢၼ်လိူၵ်ႈတင်ႈ တေႁဵတ်းႁိုဝ်ပေႉပိူၼ်ႈ တေႁဵတ်းႁိုဝ်သူၼ်းတုမ်ၵူၼ်းမိူင်း ႁႂ်ႈတွတ်ႈၶႅပ်ႈၵၢင်ၸႂ်ပၼ်၊  ၼင်ႇႁိုဝ်သမ်ႉတေပေႉ တၢင်ႇပႃႊတီႊတေလႆႈႁႃလွၵ်းလၢႆးၸိူင်ႉႁိုဝ်၊ ပၢင်သွၼ်ၼႆႉ တေၸတ်းႁဵတ်းတီႈ ဝဵင်းတူၼ်ႈတီး ၸိုင်ႈတႆးပွတ်းၸၢၼ်း ။

ၽူႈတေမႃးပၼ်ပၢင်ၽိုၵ်းၾွၼ်ႉ  ပဵၼ်ၸုမ်း The Sun Institute ဢၼ်လုၵ်ႉတီႈၸုမ်း Myammar Egrass ၻွၵ်ႉတိူဝ်ႊ ၼေႇဝိၼ်းမွင်ႇ ဢွၼ်ႁူဝ်ဝႆႉ။ ဝၢႆးၼႆႉၸုမ်း MyammarEgrass လူမ်ႉၵႂႃႇသေ ၸင်ႇၵေႃႇတင်ႈၶိႈၼ်ႉမႃး The Sun Institute ။ တေမီးၽူႈပၼ်ပၢင်သွၼ် ၸၢဝ်းၶိူဝ်းမၢၼ်ႈလႄႈ ၵူၼ်းဝၼ်းတူၵ်းၶဝ် ၸိူဝ်းၼႆႉ ။

ၽွင်းတႅၼ်းၼႂ်းပႃႊတီႊသိူဝ်ၽိူၵ်ႇ ဢၼ်တေမႃးၶဝ်ႈႁူမ်ႈ ၼႂ်းၸႄႈဝဵင်းမိူင်းတႆး ဢမ်ႇယွမ်း 60 ၵေႃႉပၢႆ၊ တၢင်ႇပႃႊတီႊဢၼ်တေမႃးၶဝ်ႈႁူမ်ႈ ဢမ်ႇယွမ်း 30 ပၢႆ ႁူမ်ႈၵၼ်တင်းမူတ်းတေမီး မွၵ်ႈ 90 ၵေႃႉပၢႆ ၼႆယဝ်ႉ။

ပၢင်သွၼ်ၵဵဝ်ႇၵပ်းၵၢၼ်လိူၵ်ႈတင်ႈ ၼင်ႇႁိုဝ် ၽွင်းတႅၼ်း ပေႃးတေလႆႈႁူႉလွၵ်းလၢႆးၵၢၼ်ပေႉလႄႈ ထုၵ်ႇလိူၵ်ႈၼၼ်ႉ တေႁဵတ်းႁိုဝ်သူၼ်းတုမ်ၵူၼ်းမိူင်း ၸဵမ်ၸိူဝ်းၼႆႉယဝ်ႉ။