ပႃႊတီႊႁူဝ်သိူဝ် SNLD ဢွၵ်ႇၶၢဝ်းတၢင်း လူင်းပိုၼ်ႉတီႈ တၢင်းၸိုင်ႈတႆး ပွတ်းၸၢၼ်းသေ ၽႅဝ်ၵႂႃႇတၢင်းၾင်ႇၶူင်း။ ၵႂႃႇ ပိုတ်ႇပၢႆႉလုမ်းမႂ်ႇ ၼႂ်းၸႄႈဝဵင်းမိူင်းပဵင်း ။

မိူဝ်ႈဝၼ်းတီႈ 11/ 06/ 2015 ၼၼ်ႉ ၸုမ်းပႃႊတီႊႁူဝ်သိူဝ် SNLD  လူင်းပိုၼ်ႉတီႈ ၵႂႃႇႁူပ်ႉထူပ်း ၵူၼ်းမိူင်းသေ  ပိုတ်ႇပၢႆႉလုမ်းမႂ်ႇ ၼႂ်းဝၢၼ်ႈသွင်လၵ်း ဢိူင်ႇတႃႈၵေႃႈ ၸႄႈဝဵင်းမိူင်းပဵင်း၊ ၼႂ်းၸႄႈတွၼ်ႈမိူင်းသၢတ်ႇ၊ ယၢၼ်ၵႆၵၼ်တၢင်း ၵုၼ်ႁိင်း မွၵ်ႈ 30 လၵ်း ယၢၼ်ၶူဝ်တႃႈၵေႃႈ မွၵ်ႈ 2  လၵ်း  ။


လိူဝ်သေၼၼ်ႉ ၽွင်းတႅၼ်းၸၢႆးၵျေႃႇဢူး ဝဵင်းၵႃႇလိ ၵပ်းသိုပ်ႇမိုတ်ႈပၼ်ၵူၼ်းမိူင်းသေ လုင်းဢေႃးၼၼ်ႇတိယ ဝၢၼ်ႈသွင်လၵ်း ၶိုၼ်းလၢတ်ႈၵႂၢမ်းယိၼ်းလီယိၼ်းၸူမ်း ႁပ်ႉတွၼ်ႈဢၼ်ၸုမ်းပႃႊတီႊႁူဝ်သိူဝ် မႃးပိုတ်ႇလုမ်းမႂ်ႇတီႈသွင်လၵ်း ဝႃႈၼႆ။

ဝၢႆးသေၼၼ်ႉ လုင်ဢဵၵ်ႉၵ ၵေႃႈၶိုၼ်းလၢတ်ႈၶႆႈၼႄလွင်ႈဢၼ်ႁူဝ်ပဝ်ႈလုင်းၶုၼ်ထုၼ်းဢူး လႆႈတူၵ်းၶွၵ်ႈမႃး ငဝ်ႈတေႃႇပၢႆ  မိူဝ်ႈတႄႇတင်ႈၸုမ်းမႃးၵေႃႈပဵၼ်ႁူဝ်သိူဝ်ၵူၺ်း ၵူၺ်းၵႃႈပဵၼ်ႁိုဝ်ၵေႃႈယဝ်ႉပႃႊတီႊႁူဝ်သိူဝ်တႄႉ တိုၼ်းတေႁဵတ်းၸွမ်း လွင်ႈၸိုဝ်ႈၸႂ်ႈထုၵ်ႇမႅၼ်ႈ ၸွမ်းလိၵ်ႈႁူမ်ႈမၢႆပၢင်လူင်ၵူၺ်းၼႆ ယိင်းၼုမ်ႇၵေႃႉၼိုင်ႈလၢတ်ႈ ၼႄ ၼင်ႇၼႆ  ။


ၶၢဝ်းတၢင်းဢၼ်ႁူဝ်ပဝ်ႈၸဝ်ႈၶုၼ်ထုၼ်းဢူး ဢွၼ်ႁူဝ်သေ လူင်းသူၼ်းတုမ်ၵူၼ်းမိူင်း ပိုတ်ႇပၢႆႉမႂ်ႇၼႆႉ ၸဵမ်ဝၢၼ်ႈတေႃႇဢိူင်ႇ တေႃႇၸႄႈဝဵင်းၸိူဝ်းၼႆႉ မီးမွၵ်ႈၸမ် 60 လုမ်းယဝ်ႉ ဝႃႈၼႆ။