တပ်ႉသိုၵ်းၵူၼ်းမိူင်း (ႁိုဝ်) ပျီႇတူႉၸိတ်ႉ မိူင်းၶိူဝ်း ၸႄႈဝဵင်းသီႇ ပေႃႉ ၸတ်းပၢင်ၽဝ် ယႃႈမဝ်းၵမ် ၵူႈသႅၼ်းသႅၼ်း ဢၼ်ၵႃႈၶၼ်မီးမွၵ်ႈ 200 သႅၼ်ပျႃး။

ဝၼ်းတီႈ 25/3/2015 ယၢမ်း 09.00 – 14.00 မူင်းပၢႆငဝ်ႈငုၼ်းပျီႇတုၸိတ်ႉ ပိုၼ်ႉတီႈ မိူင်းၶိူဝ်း ဢၼ်ၸဝ်ႈသိုၵ်း ၸၢႆးဢွၼ်ႊ ဢွၼ်ႁူဝ် ၸတ်းႁဵတ်းပၢင်ႁူပ်ႉထူပ်း ပေႃႈမႄႈ ၵူၼ်းမိူင်း တီႈဝိႁၢရ်လူင်မိူင်းၶိူဝ်း။ ၵူၼ်းၶဝ်ႈႁူမ်ႈ 400 ပၢႆ။ ဝၢႆးၼၼ်ႉ ယၢမ်း 15.00 မူင်း ၸုတ်ႇၽဝ်ယႃႈမဝ်းၵမ် ၵူႈသႅၼ်းသႅၼ်း ဢၼ်ၵႃႈၶၼ်မီး မွၵ်ႈ 200 ပျႃး။ ၶၢဝ်းတၢင်းတိၺွပ်းတီႇၽဵဝ်ႈယႃႈမဝ်းၵမ် တွၼ်ႈတႃႇပီ 2014 – 2015။ ၸဝ်ႈႁၢၼ် ၸူမ်းၶိူဝ်း ၽူႈၸတ်းၵၢၼ်လုမ်း ၾၢႆႇၽွင်းငမ်း တင်း ၸဝ်ႈႁၢၼ် ထုၼ်းလႃႉ ၽူႈၸတ်းၵၢၼ် လုမ်းသိုၵ်းမၢႆ (1)  ဢွၼ်ႁူဝ်ၸုတ်ႇၽဝ်ၵႂႃႇ။

ပၢင်ၽဝ်ယႃႈမဝ်းၵမ် ၵူႈသႅၼ်းသႅၼ်း

ပၢင်ၽဝ်ယႃႈမဝ်းၵမ် ၵူႈသႅၼ်းသႅၼ်း

ယႃႈမဝ်းၵမ်ဢၼ်ပျီႇတုၸိတ်ႉမိူင်းၶိူဝ်း ၸုတ်ႇၽဝ်ၵမ်းၼႆႉ ပဵၼ်ယႃႈမႃႉ ၊ ယႃႈလမ် ၊ ယႃႈၽိူၵ်ႇ ယႃႈယွႆႈယွႆႈယႅမ်းယႅမ်း ဢၼ်တိ လႆႈမႃးၶၢဝ်းတၢင်း ပီ 2014 – 2015။


ပျီႇတုၸိတ်ႉမိူင်းၶိူဝ်း ၼႆႉ  - မိူဝ်ႈဢွၼ်တၢင်းပဵၼ် တပ်ႉၸုမ်း(3) ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး  SSPP/SSA ။ မိူဝ်ႈပီ 2009 ၽွင်း ႁူဝ်ပဝ်ႈလူင် ၸဝ်ႈလွႆမၢဝ်း ငဝ်ႈငုၼ်းသႅင်ၵႅဝ်ႉ ဢွၼ်တပ်ႉၸုမ်းၵမ်ႈၽွင်ႈ လႅၵ်ႈႁဵတ်း ပီႇတုၸိတ်ႉၵႂႃႇၼၼ်ႉ တပ်ႉၸုမ်း  3 ဢၼ်ၸဝ်ႈ လႃႉမျိၼ်ႉဢွၼ်ႁူဝ် ၵေႃႈပႃးၵႂႃႇၸွမ်း တပ်ႉၸုမ်း 7 (ၵႃႈလိ) ၊ တပ်ႉႁူမ်ႇလူမ်ႇငဝ်ႈငုၼ်း သႅင်ၵႅဝ်ႉ ။