ဝတ်ႉပိတၵၢတ်ႈ ဝဵင်းပၢင်လူင်၊ တေၵေႃႇသၢင်ႈ လုမ်းလူင် ငဝ်ႈငုၼ်းမုၵ်ႉၸုမ်းလူင်သင်ႇၶ ၸိုင်ႈတႆး။ ယူႇတီႈငဝ်ႈငုၼ်း မုၵ်ႉၸုမ်းလူင်သင်ႇၶၸိုင်ႈတႆး ႁူမ်ၸူမ်းႁပ်ႉတုင်းဢဝ် ၸေႇတၼႃႇသတ်ႉထႃႇ ၸဝ်ႈၽူႈၵူၼ်းလီ ၸိူဝ်းၶႂ်ႈႁူမ်ႈႁွမ်းတၢၼ်း။

မိူဝ်ႈဝၼ်းတီႈ 27/05/2014 ငဝ်ႈငုၼ်းမုၵ်ႉၸုမ်းလူင်သင်ႇၶၸိုင်ႈတႆး ဝတ်ႉပိတၵၢတ်ႈ ဝဵင်းပၢင်လူင် ၸိုင်ႈတႆးပွတ်းၸၢၼ်း၊ လႆႈၸတ်းႁဵတ်းပၢင်ၵုမ် တီႈႁူင်းႁေႃးလူင်သုဝၼ်ၼပူမိ။ မီးၶေႃႈတႅပ်းတတ်းဝႃႈ တေၵေႃႇသၢင်ႈလုမ်းလူင် ငဝ်ႈငုၼ်းမုၵ်ႉၸုမ်းသင်ႇၶလူင်ၸိုင်ႈတႆး။ လွင်ႈၼႆႉ လႆႈပၼ်ပုၼ်ႈၽွၼ်း ၸဝ်ႈသြႃႇဝိသႃရၼ ဝတ်ႉပိတၵၢတ်ႈ ဢွၼ်ႁူဝ်ႁဵတ်းသၢင်ႈ- ၼႆယဝ်ႉ။

ၸွမ်းၼင်ႇၶေႃႈတႅပ်းတတ်းမီးဝႆႉၼၼ်ႉ မိူဝ်ႈဝၼ်းဢႃးတိတ်ႉတီႈ 04/01/2015 (ဝၼ်းလိူၼ်ၵမ်မူၼ်း) ၵၢင်ၼႂ် 08:45 မူင်း၊ ၸဝ်ႈသြႃႇဝိသႃရၼ ဢွၼ်ႁူဝ်သင်ႇၶ၊ ၸုမ်းၵေႃးပၵ ဝတ်ႉပိတၵၢတ်ႈ၊ ဝတ်ႉမူၺ်ႇတေႃႇ ဢိၵ်ႇ ပေႃႈမႄႈၵူၼ်းမိူင်းသေ ၸတ်းႁဵတ်းပွႆး တမ်းဝၢင်းဢုတ်ႇယဝ်ႉတူဝ်ႈၵႂႃႇလီငၢမ်း။

လုမ်းလူင်ငဝ်ႈငုၼ်း မုၵ်ႉၸုမ်းလူင်သင်ႇၶၸိုင်ႈတႆးၼႆႉ တေႁဵတ်းသၢမ်ၸၼ်ႉ၊ တၢင်းယၢဝ်းမီး 54 ထတ်း၊ တၢင်းပွတ်းမီး 45 ထတ်း။ ပိူဝ်ႈတႃႇၵေႃႇသၢင်ႈလုမ်းလူင်ၼႆႉ တေသဵင်ႈငိုၼ်းမွၵ်ႈ 2,000 သႅၼ်ပၢႆ (200 လၢၼ်ႉပၢႆ) ငိုၼ်းမၢၼ်ႈ။

ယူႇတီႈငဝ်ႈငုၼ်းမုၵ်ႉၸုမ်းလူင်သင်ႇၶၸိုင်ႈတႆး ႁူမ်ၸူမ်းႁပ်ႉဢဝ် ၸေႇတၼႃႇသတ်ႉထႃႇပေႃႈမႄႈ ၵူၼ်ႈမိူင်း။ ပေႃႈမႄႈၵူၼ်းမိူင်း ၸိူဝ်းမီးၸႂ်သတ်ႉထႃႇ ၶႂ်ႈလူႇႁူမ်ႈႁွမ်းတၢၼ်းၸွမ်း ၶႂ်ႈႁပ်ႉပဵၼ်ၸဝ်ႈတႃႇၼၼၼ်ႉ တိတ်းတေႃႇၵပ်းသိုပ်ႇမႃးလႆႈတီႈ-

ၸဝ်ႈသြႃႇဝိသရၼ ဝတ်ႉပိတၵၢတ်ႈ ဝဵင်းပၢင်လူင် မၢႆၾူၼ်း 09401575730
ၸဝ်ႈၶူးၶေႇမႃႇၸရ ဝတ်ႉပိတၵၢတ်ႈ ဝဵင်းပၢင်လူင် မၢႆၾူၼ်း 09401625472
ၸၢႆးသုၼ်ယုၵ်ႉ ၽူႈမၢႆၸုမ်းၵေႃးပၵဝတ်ႉပိတၵၢတ်ႈ ဝဵင်းပၢင်လူင် မၢႆၾူၼ်း 09250484095