ၸွမ်းၼင်ႇပၢင်ၵုမ် မိူဝ်ႈဝၼ်းတီႈ 14/12/2014 ၊ ပေႃးထိုင်မႃးတိုဝ်ႉတၢင်းပီ 2014 သုတ်းသဵင်ႈ လႄႈ ပီမႂ်ႇ 2015 ၶဝ်ႈမႃးထိုင်ၼႆႉ ၵေႃလိၵ်ႈလၢႆး လႄႈၾိင်ႈငႄႈတႆး ၵဵင်းမႆႇ လႆႈၸႂ်ၵၼ်၊ တေလူင်းပိုၼ်ႉတီႈ ၼႂ်းၸႄႈဝဵင်းၸွမ်တွင်း သေ ၸတ်းပၢင်ႁူပ်ႉထူပ်း ၶိုင်သၢင်ႈလွင်ႈၸမ်ၸႂ်ၵၼ် ဢိၵ်ႇတင်း ၾိုၵ်းၵၢၼ်တူင်ႉၼိုင်လွင်ႈႁူမ်ႈမိုဝ်းၵၼ်။ ၼႂ်းဝၼ်းပီမႂ်ႇသမ်ႉ တေလိူၵ်ႈတင်ႈ ႁူဝ်ပဝ်ႈၵေႃႉမႂ်ႇ တႃႇဢွၼ်ၼမ်း ႁဵတ်းသၢင်ႈၼႃႈၵၢၼ်ၵႂႃႇ တႄႇၼႂ်းပီ 2015 ။

ယွၼ်ႉၼႆႉ ယူႇတီႈၵေႃလိၵ်ႈလၢႆးလႄႈ ၾိင်ႈငႄႈတႆး ၵဵင်းမႆႇ လႆႈဝွၵ်ႇၸိူၼ်းလုၵ်ႈၸုမ်း ၵေႃလိၵ်ႈလၢႆးၾိင်ႈငႄႈတႆး ၵဵင်းမႆႇ တင်းသဵင်ႈ ႁႂ်ႈလႆႈၶဝ်ႈႁူမ်ႈၸွမ်းၵူႈၵေႃႉလႄႈ မီးသုၼ်ႇလႆႈ လိူၵ်ႈတင်ႈႁူဝ်ပဝ်ႈၵေႃႉမႂ်ႇ ပိူဝ်ႈတႃႇၼမ်းပႃးဢဝ်ၵေႃလိၵ်ႈလၢႆးၾိင်ႈငႄႈတႆး ၵဵင်းမႆႇ ႁဵတ်းသၢင်ႈႁၢင်ႈပွင်ၼႃႈၵၢၼ်ၵႂႃႇ ႁႂ်ႈလီသေဢွၼ်တွၼ်းလိူဝ်ၵဝ်ႇ- ၼႆယဝ်ႉ။ (ႁူဝ်ယွႆႈမၼ်း တူၺ်းတႂ်ႈၼႆႉ)