ၸုမ်းတူင်ႉၼိုင် ၾၢႆႇႁႅင်းၵၢၼ်ယၢၼ်မိူင်း ၸတ်းႁဵတ်း ဝၼ်းႁႅင်းၵၢၼ်လုမ်ႈၾႃႉ တီႈၵဵင်းမႂ်ႇ



ၸုမ်းတူင်ႉၼိုင် ႁႅင်းၵၢၼ်ယၢၼ်မိူင်း လၢႆလၢႆၸုမ်း ၼႂ်းၵဵင်းမႂ်ႇ ၸိုင်ႈထႆး ႁူမ်ႈၵၼ်ၸတ်းႁဵတ်းဝၼ်းႁႅင်း ၵၢၼ်ယၢၼ်မိူင်းလုမ်ႈၾႃႉ တီႈႁူင်းႁႅမ်းထႃးလိၼ်း ၵဵင်းမႂ်ႇ ၸိုင်ႈထႆး ။



ဝၼ်းတီႈ 18  လိူၼ်ၻီႊသဵမ်ႊၿိူဝ်ႊ  ပဵၼ်ဝၼ်းႁႅင်းၵၢၼ်ယၢၼ်မိူင်းလုမ်ႈၾႃႉ  International Migrant Day 2014  ။  ဝၼ်းတီႈ 18 လိူၼ်ႈၻီႊသဵမ်ႊၿိူဝ်ႊ2014 ၼႆႉၵေႃႈ ၸုမ်းတူင်ႉၼိုင်သုၼ်ႇလႆႈႁႅင်းၵၢၼ် မိူၼ်ၼင်ႇၶူင်းၵၢၼ်ပၢႆးယူႇလီ လႄႈ ပၼ်တၢင်းႁူႉႁႅင်းၵၢၼ်ၸၢဝ်းၶိူဝ်း  MAP ၊ ၸုမ်းႁႅင်းၵၢၼ်ၽွမ်ႉႁူမ်ႈ WSA ၸုမ်းႁူမ်ႈတုမ်ႁႅင်းၵၢၼ်ယၢၼ်မိူင်း HRDF ၊ ၸုမ်းၵပ်းသၢၼ်လွင်ႈ ၼၢင်းယိင်းတႆး  SWAN ၊ ၶိူဝ်းၶၢႆႇၵၢၼ်ၶၢႆႉဢွင်ႈတီႈလုမ်ႈမႄႈၼမ်ႉၶူင် MMN ၊ ၸုမ်းႁႅင်း ၵၢၼ်ယၢၼ်မိူင်း MWF ၸဵမ်ၸိူဝ်းၼႆႉ ႁူမ်ႈၵၼ်ၸတ်းႁဵတ်းဝၼ်းႁႅင်း ၵၢၼ်ယၢၼ်မိူင်းလုမ်ႈၾႃႉ တီႈႁူင်းႁႅမ်းထႃးလိၼ်း ၵဵင်းမႂ်ႇ ၸိုင်ႈထႆး ။


မီးၸဝ်ႈၼႃႈတီႈထႆး မိူၼ်ၼင်ႇ ႁွင်ႈၵၢၼ်ၸတ်းႁႃၵၢၼ်ငၢၼ်း ၊ပၵၼ်သင်ၶူမ်း  (ၵၢၼ် ၵမ်ႉၸွႆႈငိုၼ်းၵွင် ၵၢင်တူင်ႇဝူင်းၵူၼ်း) ၊ ၾၢႆႇမၢႆမီးႁႅင်းၵၢၼ်ယၢၼ်မိူင်းလႄႈ ႁႅင်းၵၢၼ်ယၢၼ်မိူင်းၶဝ်ႈႁူမ်ႈ 160 ၵေႃႉ။ 
ပီႈထွင်းၶမ်း ၽူႈၵိူဝ်းၵုမ်ႁႅင်းၵၢၼ် ၶူင်းၵၢၼ်ပၢႆးယူႇလီလႄႈပၼ်တၢင်းႁူႉၸၢဝ်းၶိူဝ်း လၢတ်ႈဝႃႈလႆႈတႅမ်ႈ လိၵ်ႈတုၵ်းယွၼ်းထိုင် ၽူႈၵွၼ်းၸေႈတွၼ်ႈၵဵင်းမႆႇ 3 ၶေႃႈ -
1. ႁႂ်ႈၵႄႈလိတ်ႈပၼ်လွင်ႈၸိူဝ်းၵိၼ်ၸၢင်ႈႁဵတ်းပၼ်ၼၢႆးၸၢင်ႈ (ပေႃႈလဵင်ႉ) ၊ လွင်ႈႁႅင်းၵၢၼ်ယၢၼ်မိူင်း လုတ်ႈႁၢမ်းသုၼ်ႇလႆႈၵၢၼ်ၵမ်ႉၸွႆႈ ငိုၼ်းၵွင်ၵၢင်တူင်ႇဝူင်းၵူၼ်း၊
2. ႁႂ်ႈၸဝ်ႈၼႃႈတီႈထႆးၸိူဝ်းႁပ်ႉပုၼ်ႈၽွၼ်းၵဵဝ်ႇၵပ်းႁႅင်းၵၢၼ်ယၢၼ်မိူင်းၶဝ်ႁဵတ်းၸွမ်းပၵ်းပိူင်မၢႆမီႈၼင်ႇတမ်းဝၢင်းဝႆႉ။
3.ႁႂ်ႈၶွတ်ႇၽွတ်ႈၶွမ်ႊမတီႊ တႃႇၸွႆႈထႅမ်ႁႅင်းၵၢၼ်ယၢၼ်မိူင်း ၸၼ်ႉၸေႈတွၼ်ႈၵဵင်းမႆႇသေ ၸွႆႈထႅမ်ၵႄႈလိတ်ႈပၼ်ႁႃ ႁႅင်းၵၢၼ်ယၢၼ်မိူင်းတဵမ်ထူၼ်ႈ။

ဢၼ်တုၵ်းယွၼ်းထိုင် ၶွမ်ႊမတီႊ ပၵ်းပိူင်မၢႆမီႈသမ်ႉ-

1-    ႁႂ်ႈဢွၵ်ႇပၵ်းပိူင်မၢႆမီႈပၼ် ဢၼ်ႁူမ်ႇငမ်းႁႄႉၵင်ႈပၼ်ႁႅင်းၵၢၼ်ယၢၼ်မိူင်း လႆႈလီငၢမ်း။
2-    ႁႂ်ႈမူၼ်ႉမႄးပၼ်ပၵ်းပိူင်မၢႆမီႈ တႃႇၵၢၼ်ၵမ်ႉၸွႆႈငိုၼ်း ၵွင်ၵၢင်တူင်ႇဝူင်းၵူၼ်း (ပၵၼ်သင်ၶူမ်း) ဢၼ်ႁႅင်းၵၢၼ်ယၢၼ်မိူင်း ၵိုင်ႇလႆႈႁပ်ႉ - ၸဵမ်ၸိူဝ်းၼႆႉ။
 




 
© 2012 All Rights Reserved | Asean Celebrity | Fonts @ AtFonts | Free Templates