ပူၼ်ႉမႃးမိူဝ်ႈဝၼ်းတီႈ 14/10/2014 ၸွမ်ၽွင်းလူင် တိူင်းဝဵင်းလိူဝ်ႇ (မၼ်းတလေး) ၸတ်းႁဵတ်းပၢင်ပွႆးၶေႉၶႅင်ႇ ၸၢႆးမႃႇၶႅင်ႁႅင်းၵိုမ်း (ၵႃႇယပလမွင်ႇ) လႄႈ ၼၢင်းငၢမ်း / ၼၢင်းႁၢင်ႈလီလဝ်းဝိုၼ်း (ၵႃႇယပလမႄႇ)။ ၼႂ်းၼၼ်ႉ ၵူၼ်းၼုမ်ႇၸၢႆးတႆး ၸႃႇတိမိူင်းၵုတ်ႈ ၸိုဝ်ႈၸၢႆးႁိၼ်ပဝ်း ၶဝ်ႈၶႅင်ႇၸၼ်ႉၼမ်ႉၼၵ်းတူဝ် 70 ၵီႊလူဝ်ႊ၊ လႆႈရၢင်းဝလ်း (သူး) တီႈ 1 ။ ၼၢင်းငၢမ်းသမ်ႉ ၼၢင်းလၢဝ်ၶမ်း ၶဝ်ႈၶႅင်ႇၸၼ်ႉတၢင်းသုင် 5.3 ထတ်း၊ လႆႈရၢင်းဝလ်း တီႈ 1 ၼင်ႇၵဝ်ႇ။

ဢိင်ၼိူဝ်ၵူၼ်းၼုမ်ႇ ၸၢႆး/ယိင်းတႆး 2 ၵေႃႉၼႆႉ လႆႈရၢင်းဝလ်း တီႈၼိုင်ႈၼင်ႇၵၼ်သေ တင်းသွင်တေလႆႈ ၵႂႃႇၶႅင်ႇၸၼ်ႉၸႄႈမိူင်း လႄႈ တိူင်း ဢၼ်တေၸတ်းပၢင်ပွႆးၶေႉၶႅင်ႇ တီႈဝဵင်းမျိတ်ႉၵျီးၼႃး ၸႄႈမိူင်းၶၢင် ၼႂ်းဝၼ်းတီႈ 24/10/2014 တေမႃးၼႆႉ- ၼႆယဝ်ႉ။

ၸၢႆးႁိၼ်ပဝ်း (ၸၢႆးၶျိတ်ႉငူၺ်ႇ)ၼႆႉ ပဵၼ်ၵူၼ်းလဵၼ်ႈႁႅင်း ၾၢႆႇၵၢမ်ႈၼိူဝ်ႉမၢၵ်ႈ (ၵႃႇယပလ)၊ ယၢမ်ႈၶဝ်ႈ ၶႄႉၶဵင်ႇတီႈဝဵင်းလိူဝ်ႇသေ လႆႈတီႈၼိုင်ႈ 3 ပီထပ်းၵၼ်။

မၼ်းၸၢႆးၼႆႉ ပေႃႈၸိုဝ်ႈ ၸၢႆးၶျိၼ်ႉပဝ်း၊ မႄႈၸိုဝ်ႈၼၢင်းဢေယိင်း၊ တီႈယူႇဝဵင်းမိူင်းၵုတ်ႈ၊ ပဵၼ်ၵူၼ်းၶိူဝ်း မိူင်းဝၼ်း ၶိူဝ်းႁိူၼ်းႁိၼ်၊ ၼပ်ႉထိုဝ်ၵိူဝ်းလီ ပုတ်ႉထသႃသၼႃ၊ ၶဝ်ႈပၢင်ၶႄႉၶဵင်ႇ 30 ပွၵ်ႈပၢႆ၊  ဢွင်ႇပေႉ လႆႈသူး (ရၢင်းဝလ်း) ၼႂ်း 1-3 ၵူႈပၢင်။ တၢင်တူဝ် ၸၼ်ႉၸႄႈမိူင်း ၸၼ်ႉတိူင်းသေ ၶဝ်ႈၶႄႉၶဵင်ႇ။ ၵႃႈပူၼ်ႉမႃး  တၢင်တူဝ်မိူင်းတႆးပွတ်းႁွင်ႇသေ ၶဝ်ႈၶႄႉၶဵင်ႇၸၼ်ႉတိူင်း လႆႈသူးတီႈ 3 - ၼႆယဝ်ႉ။