တဝ်တိူဝ်ၵျိင်း ပပ်ႉဝႃႈလူၺ်ႈ သဵၼ်ႈတၢင်းလႄႈဢူငဝ်း ၵၼ် 36-37
တဝ်တိူဝ်ၵျိင်း ပပ်ႉဝႃႈလူၺ်ႈ သဵၼ်ႈတၢင်းလႄႈဢူငဝ်း ၵၼ် 36-37 ။
တေၵေႃႇပဵၼ်ၵွင် ဢဝ်ၽႄႇဝႆႉၵွၼ်ႇ တေဢဝ်ႁူတ်း ပွႆႇယိုတ်ႈဝႆႉၵွၼ်ႇ တေဢဝ်သင်ႁၢႆ
ႁႂ်ႈမၼ်းတင်ႈၶိုၼ်ႈမႃးၵွၼ်ႇ တေဢဝ်သုတ်းၵွႆ ႁႂ်ႈမၼ်းတႄႇငဝ်ႈသေၵွၼ်ႇ
ၼႆႉပဵၼ်ပၢႆးႁူႉ ဢၼ်လိုၵ်ႉလမ်ႇ။ (ပိၼ်ႇၵမ်းသွင်)
ၵၼ် 36
တေၵေႃႇပဵၼ်ၵွင် ဢဝ်ၽႄႇဝႆႉၵွၼ်ႇ
တေဢဝ်ႁူတ်း ပွႆႇယိုတ်ႈဝႆႉၵွၼ်ႇ
တေဢဝ်သင်ႁၢႆ ႁႂ်ႈမၼ်းတင်ႈၶိုၼ်ႈမႃးၵွၼ်ႇ
တေဢဝ်သုတ်းၵွႆ ႁႂ်ႈမၼ်းတႄႇငဝ်ႈသေၵွၼ်ႇ
ၼႆႉပဵၼ်ပၢႆးႁူႉဢၼ်လိုၵ်ႉလမ်ႇ။
ဢူၼ်ႈဢွၼ်ႇ ပေႉၵႅၼ်ႇၶႅင်လႆႈ
ပႃဢမ်ႇၸၢင်ႈလွတ်ႈတိုင်းလိုၵ်ႉ
ၸင်ႇဝႃႈၶိူင်ႈၵွင်ႈၵၢင်ႇၽၢႆလႅမ်ၼၼ်ႉ
ဢမ်ႇတၢပ်ႈဢဝ်မႃးၼႄပိူၼ်ႈ။
ပႃဢမ်ႇၸၢင်ႈလွတ်ႈတိုင်းလိုၵ်ႉ
ၸင်ႇဝႃႈၶိူင်ႈၵွင်ႈၵၢင်ႇၽၢႆလႅမ်ၼၼ်ႉ
ဢမ်ႇတၢပ်ႈဢဝ်မႃးၼႄပိူၼ်ႈ။
ၶေႃႈမၢႆတွင်း
1.ၵႂၢမ်းသင်ႇသွၼ် လဝ်ႇၸိုဝ်ႇၼႆႉ ဢမ်ႇမိူၼ်ပိူၼ်ႈ။ ဢမ်ႇဢဝ်ၶႅင်ပေႉၶႅင်။ ဢမ်ႇဢဝ်ႁႅင်းပေႉႁႅင်း။ ပဵၼ်လၢႆးဢူၼ်ႈပေႉၶႅင်၊ ဢွၼ်ႇပေႉၵႅၼ်ႇ။ မၼ်းငၢႆးၼင်ႇၵႂၢမ်းသင်ႇသွၼ်ပုတ်ႉထ ၼင်ႇၼႆ။
2.ဢၼ်မိူၼ်ၵၼ်ထႅင်ႈၼၼ်ႉ ပဵၼ်ၵႂၢမ်းဢၼ်ဝႃႈ ပေႃးထိုင်ၸိၵ်း တၵ်းလႆႈလူင်း။ ပေႃးႁႅင်းပူၼ်ႉယဝ်ႉ တၵ်းလႆႈႁႅင်းဢွၼ်ႇ။
ၵၼ် 37
တဝ်ယူႇယိုၼ်းလႆႈလူၺ်ႈ ဢမ်ႇမီးၸိုဝ်ႈမီးသဵင်
ၵူၺ်း ဢမ်ႇမီးသင် ဢၼ်မၼ်းဢမ်ႇလႆႈႁဵတ်းသင်ဝႆႉ
သင်ၶုၼ်မိူင်း ပဵၼ်ၸဝ်ႈၶွင်မၼ်းလႆႈ
ၵူႈသမ်ႇသိင်ႇ တၵ်းယႂ်ႇမႃႈၵႃႈသုင်။
မိူဝ်ႈယႂ်ႇမႃႈၵႃႈသုင်မႃး ၶဝ်တေၶႂ်ႈပွင်ၶႂ်ႈသၢင်ႈ
ၵဝ်တေၵွမ်ႇၸႂ်ၶဝ်လူၺ်ႈ တဝ် ဢၼ်ဢမ်ႇမီးၸိုဝ်ႈသဵင် ၵူၺ်းတႅတ်ႈငၢႆႈ
မိူဝ်ႈၼၼ်ႉ ၸႂ်ယၢၵ်ႇ ၸႂ်ၶႂ်ႈတေယဵၼ်ၵႂႃႇ
ဢမ်ႇမီး ၸႂ်ယၢၵ်ႇၸႂ်ၶႂ်ႈ ပိူၼ်ႈဝႃႈၼိမ်သဝ်း
လုမ်ႈၾႃႉၵေႃႈ တေၼွၼ်းႁူၼ်းၵႂႃႇႁင်းမၼ်း။
Tags: Feature, General Knowledge