ပၢင်ပွႆးလွင်ႈၵိူဝ်းမိုတ်ႈၸမ်ၸႂ် မိူင်းၵျပၼ်ႊ တင်း မိူင်းႁူမ်ႈတုမ်မၢၼ်ႈ



ၸုမ်းတူင်ႇဝူင်းၵူၼ်း မိူင်းမၢၼ်ႈ ၸတ်းပၢင်ပွႆး ၵိူဝ်းမိုတ်ႈၸမ်ၸႂ် မိူင်းၵျပၼ်ႊ တင်းမိူင်းမၢၼ်ႈ တီႈမိူင်းၵျပၼ်ႊ၊ မီးၵၢၼ်ၼႄ ၾိင်ႈငႄႈႁိတ်ႈႁွႆးတႆး ၶူဝ်းတႆး၊ မေႃႁွင်ႉၽဵင်းၵႂၢမ်းမၢၼ်ႈ ၶဝ်ႈႁူမ်ႈမူၼ်ႈၸႂ်ပၼ်။


မိူဝ်ႈဝၼ်းတီႈ 19/10/2014 တီႈမိူင်းၵျပၼ်ႊ ဝဵင်းလူင်တူဝ်ႇၵျဵဝ်ႇ မီးၵၢၼ်ၸတ်းႁဵတ်းပၢင်ပွႆး ၵိူဝ်းမိုတ်ႈၸမ်ၸႂ်ၵၼ် ၵူၼ်းမိူင်းၵျပၼ်ႊ-မိူင်းမၢၼ်ႈ မၢႆတွင်း 60 ပီ။ ပၢင်ပွႆးၼႆႉ ပီႈၼွင်ႉၵူၼ်းမိူင်းမၢၼ်ႈ မိူင်းတႆး ၸိူဝ်းတူင်ႉၼိုင်ၼႂ်း ၸုမ်းတူင်ႇဝူင်းၵူၼ်း ၸိူဝ်းႁွတ်ႈတီႈမိူင်းၵျပၼ်ႊ ဢွၼ်ႁူဝ်ၼမ်းၼႃႈၸတ်းႁဵတ်း၊ မေးၼၢင်းၸွမ်ၽွင်းလူင် မိူင်းၵျပၼ်ႊ (သျိၼ်းၸူဝ်းဢႃးပေး) ၵေႃႈမႃးၶဝ်ႈႁူမ်ႈ၊ တင်းမူတ်း မီးၵူၼ်းၶဝ်ႈႁူမ်ႈႁဵင်ပၢႆ- ၼႆယဝ်ႉ။

ပၢင်ပွႆးၼႆႉ ဢဝ်ၾိင်ႈငႄႈႁိတ်ႈႁွႆးလွင်ႈတႆး ပဵၼ်ပိူင်လူင်သေ ၸတ်းၼႄၼႂ်းပၢင်ပွႆး၊ မိူၼ်ၼင်ႇ လၢႆးၵႃႈၼူၵ်ႉ ၵႃႈတူဝ်း၊ ႁႆႇၵွင်ႁႆႇမွင်း၊ ပၢင်ၼႄတၢင်းႁၢင်ႈလီသိူဝ်ႈၶူဝ်းတႆး (Fashion show) ၸိူဝ်းၼႆႉ။ ၾၢႆႇတၢင်း ပီႈၼွင်ႉမၢၼ်ႈတႄႉ ဢမ်ႇမီးၵၢၼ်ၼႄၾိင်ႈငႄႈသင်ၼႂ်းပၢင်ပွႆး၊ ၵူၺ်းၵႃႈ မီးၽူႈႁွင်ႉၽဵင်းၵႂၢမ်း ၸိုဝ်ႈယႂ်ႇ ၼၢင်းမေႇသုၺ်ႉ မႃးႁွင်ႉၵႂၢမ်း လဝ်ႇမူၼ်ႈတူၼ်ၸႂ်ပၼ်ၵူၺ်း။

ၵူၼ်းၶဝ်ႈတူဝ်း ပဵၼ်ၵူၼ်းၵဵင်းတုင် တင်းၵူၼ်းလႃႈသဵဝ်ႈ၊ ၵူၼ်းႁႆႇၵွင်ႁႆႇမွင်း ပဵၼ်ၵူၼ်းတၢင်ႉယၢၼ်း ၵူတ်ႉၶၢႆ တႃႈၶီႈလဵၵ်း မိူင်းၵုတ်ႈ၊ ၵူၼ်းၵႃႈၼူၵ်ႉ ပဵၼ်ၵူၼ်းလႃႈသဵဝ်ႈ- ၵူၼ်းတႆး ႁွတ်ႈထိုင်မိူင်းၵျပၼ်ႊၵေႃႉၼိုင်ႈ လၢတ်ႈၼင်ႇၼႆ။




 
© 2012 All Rights Reserved | Asean Celebrity | Fonts @ AtFonts | Free Templates