သင်ၶလႄႈတၵ်ႉၵႃႇ ဝတ်ႉမူင်ႈပွၵ်း တေၸတ်းပွႆးဢွၵ်ႇဝႃႇသႃ
ၾၢႆႇသင်ၶ တင်းတၵ်ႉၵႃႇသတ်ႉထႃး ဝတ်ႉမူင်ႈပွၵ်း ဢိူင်ႇသႅၼ်ႁႆ
ၸႄႈဝဵင်းဝဵင်းႁႅင် တေၸတ်းပၢင်ပွႆး ဢွၵ်ႇဝႃႇသႃ ၸွမ်းၾိင်ႈထုင်း ပုတ်ႉထသႃသၼႃ၊
ပီတီႈ 5 ။ ႁွင်ႉဝွၵ်ႇၸိူၼ်းထိုင် ၸဝ်ႈၽူႈၵူၼ်းလီ တင်းသဵင်ႈၶဝ်ႈႁူမ်ႈ။
ပေႃးထိုင်မႃးဝၼ်းတီႈ 08/10/2014
(ဝၼ်းလိူၼ်သိပ်းဢဵတ်းမူၼ်း) သင်ၶလႄႈတၵ်ႉၵႃႇသတ်ႉထႃး ဝတ်ႉမူင်ႈပွၵ်း
ဝၢၼ်ႈမူင်ႈပွၵ်း (မူႇ 3)၊ ဢိူင်ႇသႅၼ်ႁႆ ၸႄႈဝဵင်းဝဵင်းႁႅင်
ၸႄႈတွၼ်ႈၵဵင်းမႆႇ၊ ဢၼ်မီးပူႇႁဵင်ၵႅဝ်ႈ (ပေႃႈၵမ်ႇၼၼ်းၵႅဝ်ႈ)
ပႃးၸဵမ်ၽူႈယႂ်ႇၵူၼ်းလူင် ၼႂ်းဝၢၼ်ႈဢိူင်ႇ ၼႃးယူၵ်ႉဢိၼ်းထွၼ်း၊
ၼႃးယူၵ်ႉထဵတ်ႉသၿၢလ်း ဢိူင်ႇသႅၼ်ႁႆ၊ ၾၢႆႇပူၵ်းပွင်ဢိူင်ႇသႅၼ်ႁႆ
ၶုၼ်းသုရၶျႆး၊ ၾၢႆႇပူၵ်းပွင် ၸႄႈဝဵင်းဝဵင်းႁႅင် ဢိၵ်ႇ
ၸုမ်းတၵ်ႉၵႃႇပီႈၼွင်ႉတႆး ၼႂ်းဝၢၼ်ႈမူင်ႈပွၵ်း၊ တူၼ်ၸဝ်ႈၵွၼ်းဝတ်ႉမူင်ႈပွၵ်း
ၸဝ်ႈၶူးဝိလၢတ်ႉ တေႁူမ်ႈၵၼ်ၸတ်းႁဵတ်းပၢင်ပွႆးဢွၵ်ႇဝႃႇ၊ ပွႆးတဵၼ်း၊
ပိူဝ်ႈတႃႇ သိုပ်ႇသၢႆၸႂ်ပုတ်ႉထသႃသၼႃ လႄႈ
ယုၵ်ႉယွင်ႈၾိင်ႈငႄႈၾိင်ႈထုင်းၶိုၼ်ႈယႂ်ႇ-ၼႆယဝ်ႉ။
ယူႇတီႈတၵ်ႉၵႃႇသတ်ႉထႃး ဢိၵ်ႇ သင်ၶ
တၢင်းဝတ်ႉမူင်ႈပွၵ်းသေ ႁွင်ႉမွၵ်ႇၸိူၼ်းထိုင် ပီႈၼွင်ႉတီႈၸမ်တီႈၵႆ
ၸဝ်ႈၽူႈၵူၼ်းလီ ၵူႈၵေႃႉၵူႈၵူၼ်း ၵူႈၸဝ်ႈၵူႈတူၼ် ၸိူဝ်းပွင်ပဵၼ်လႆႈ
မႃးၶဝ်ႈႁူမ်ႈပၢင်ပွႆး။ တွၼ်ႈတႃႇ ပီႈၼွင်ႉတႆးၼၼ်ႉ ႁႂ်ႈဢွၼ်ၵၼ်ၼုင်ႈၶူဝ်းတႆး
တင်းယိင်းတင်းၸၢႆးသေ ဢွၼ်ၵၼ်မႃးၶဝ်ႈႁူမ်ႈယႂ်ႇယႂ်ႇၼမ်ၼမ်- ၼႆယဝ်ႉ။
ၶပ်ႉမၢႆပၢင်ပွႆး
ဝၼ်းတီႈ 08/10/2014 (လိူၼ် 11 မူၼ်း၊ 2557)
-ၵၢင်ၼႂ်ယၢမ်း 10:00 မူင်း၊ ၶဝ်ႈဝတ်ႉထွမ်ႇထမ်း/တြႃး ဢဝ်ၵုသူလ် လူႇတၢၼ်းတူၼ်ႈငိုၼ်း။
-ၵၢင်ၶမ်ႈယၢမ်း 19:39 မူင်း တႄႇပၢင်ႁွင်ႉၽဵင်းၵႂၢမ်းၵႂႃႇလႄႈ ၼႄတၢင်းၵႃႈ။
ၵၢင်ၶမ်ႈယၢမ်း 20:30 မူင်း တႄႇၶေႉၶႅင်ႇမွၵ်ႇၾႆး (မွၵ်ႇၾႆးၻွၵ်ႇ)။
ဝၼ်းတီႈ 08/10/2014 (လိူၼ် 11 မူၼ်း၊ 2557)
-ၵၢင်ၼႂ်ယၢမ်း 10:00 မူင်း၊ ၶဝ်ႈဝတ်ႉထွမ်ႇထမ်း/တြႃး ဢဝ်ၵုသူလ် လူႇတၢၼ်းတူၼ်ႈငိုၼ်း။
-ၵၢင်ၶမ်ႈယၢမ်း 19:39 မူင်း တႄႇပၢင်ႁွင်ႉၽဵင်းၵႂၢမ်းၵႂႃႇလႄႈ ၼႄတၢင်းၵႃႈ။
ၵၢင်ၶမ်ႈယၢမ်း 20:30 မူင်း တႄႇၶေႉၶႅင်ႇမွၵ်ႇၾႆး (မွၵ်ႇၾႆးၻွၵ်ႇ)။
ဝၼ်းတီႈ 09/10/2014 (လိူၼ် 11 လွင်ႈၼိုင်ႈၶမ်ႈ)
ၵၢင်ၶမ်ႈယၢမ်း 19:00 မူင်း ပႂ်ႉႁပ်ႉၶႅၵ်ႇပီႈၶႅၵ်ႇၼွင်ႉ မႃးၶဝ်ႈပွႆး။ ၸုတ်ႇၾႆးတူၼ်ႈပႅၵ်ႇ၊ ပွႆႇႁူင်းၾႆးမိၼ်။
-ၵၢင်ၶမ်ႈယၢမ်း 20:30 မူင်း တႄႇၼႄတၢင်းၵႃႈ ၶွင်ပီႈၼွင်ႉတၢင်ႇမူႇဝၢၼ်ႈ ၸိူဝ်းမႃးၼႄတၢင်းၵႃႈၼူၵ်ႉ ၵႃႈတူဝ် ၵႃႈလၢႆး လႄႈ လၢႆးၵႃႈထႅင်ႈတင်းၼမ်- ၼႆယဝ်ႉ။
ၵၢင်ၶမ်ႈယၢမ်း 19:00 မူင်း ပႂ်ႉႁပ်ႉၶႅၵ်ႇပီႈၶႅၵ်ႇၼွင်ႉ မႃးၶဝ်ႈပွႆး။ ၸုတ်ႇၾႆးတူၼ်ႈပႅၵ်ႇ၊ ပွႆႇႁူင်းၾႆးမိၼ်။
-ၵၢင်ၶမ်ႈယၢမ်း 20:30 မူင်း တႄႇၼႄတၢင်းၵႃႈ ၶွင်ပီႈၼွင်ႉတၢင်ႇမူႇဝၢၼ်ႈ ၸိူဝ်းမႃးၼႄတၢင်းၵႃႈၼူၵ်ႉ ၵႃႈတူဝ် ၵႃႈလၢႆး လႄႈ လၢႆးၵႃႈထႅင်ႈတင်းၼမ်- ၼႆယဝ်ႉ။
ပၢင်ပွႆး ဝၼ်းတီႈ 09/10/2014 ၵၢင်ၶမ်ႈ၊
ပၢင်းႁူဝ်ဝတ်ႉ (ႁူဝ်ၵျွင်း) မႃးလူႇႁူမ်ႈႁွမ်းတၢၼ်း 20 ႁူဝ်ဝတ်ႉ။
မီးၵၢၼ်ၸႅၵ်ႇႁေႃႇၶဝ်ႈၸွၵ်းၽၵ်း ပၼ်ပီႈၼွင်ႉၽူႈၶဝ်ႈႁူမ်ႈပၢင်ပွႆး။
ၼွၵ်ႈသေၼၼ်ႉ ပီႈၼွင်ႉၽူႈၶဝ်ႈႁူမ်ႈ ပၢင်ပွႆးတင်းသဵင်ႈ
တေလႆႈငိၼ်းထွမ်ႇလႄႈပၼ်ႁႅင်း ၽူႈႁွင်ႉၽဵင်းၵႂၢမ်း ၸုမ်းပၢၼ်မႂ်ႇတႆး
ၼႂ်းထုင်ႉဝဵင်းႁႅင် ၸုမ်းပၢင်ႁွင်ႉၽဵင်းၵႂၢမ်းတႆး-ထႆး - ၼႆယဝ်ႉ။
ပၢင်ပွႆးဢွၵ်ႇဝႃႈ (ပွႆးတူၼ်ႈပႅၵ်ႇ)
တီႈဝတ်ႉမူင်ႈပွၵ်း ဢိူင်ႇသႅၼ်ႁႆၼႆႉ ၸတ်းမႃးယဝ်ႉ 4 ပွၵ်ႈ။ ပီၼႆႉ
ပဵၼ်ပွၵ်ႈၵမ်းတီႈ 5 ။ ပၢင်ပွႆးဢွၵ်ႇဝႃႇပီၵၢႆ (2013) ၼၼ်ႉ
ႁူဝ်ပဝ်ႈလူင်ၶွင်ႊသီႊဢဝ်ၶိုၼ်းၸိုင်ႈတႆး (RCSS/SSA) ၸဝ်ႈယွတ်ႈသိုၵ်းၵေႃႈ
မႃးၶဝ်ႈႁူမ်ႈႁွမ်းတၢၼ်း- ၸဝ်ႈၵွၼ်းဝတ်ႉမူင်ႈပွၵ်း လၢတ်ႈၼႄၼင်ႇၼႆ။
ႁူဝ်ပဝ်ႈလူင်ၶွင်ႊသီႊဢဝ်ၶိုၼ်းၸိုင်ႈတႆး (RCSS/SSA) ၸဝ်ႈယွတ်ႈသိုၵ်း ၶဝ်ႈႁူမ်ႈႁွမ်းတၢၼ်း |
သင်ဝႃႈၸဝ်ႈၽူႈၵူၼ်းလီ တၵ်ႉၵႃႇသတ်ႉထႃးၵေႃႉလႂ် ၶႂ်ႈႁပ်ႉႁဵတ်းၸဝ်ႈတႃႇၼ
ၶူဝ်းလူႇၶူဝ်းတၢၼ်း တႃႇတၢၼ်းႁူဝ်ဝတ်ႉ ဢၼ်ၼိမၼ်တၼမႃး (20 ႁူဝ်ဝတ်ႉ)
ၼၼ်ႉၸိုင် ၶႅၼ်းတေႃႈတိတ်းတေႃႇၵပ်းသိုပ်ႇ မႃးတီႈ ၸဝ်ႈၵွၼ်းဝတ်ႉမူင်ႈပွၵ်း
ၸဝ်ႈၶူးဝိလၢတ်ႉ လႆႈတီႈမၢႆၾူၼ်ႊ 087-1783452 လႄႈ 083-571 8478
Tags: News, Religion