မၢၼ်ႈႁၢင်ႈႁႅၼ်းႁဵတ်း ႁုၼ်ႇႁၢင်ႈဢွင်ႇသၢၼ်း တီႈဝဵင်းတႃႈၶီႈလဵၵ်း
မိူဝ်ႈပေႉၵေႃႈ ၾင်ႁူၵ်ႈၾင်ႁႄႇ ႄတႇပၵ်းသၢင်ႈလၵ်း သၢင်ႈထၢၼ်ပဵၼ်မဵတ်ႇမၢႆ
ၶွင်ၵဝ်ႇၶွင်မွၼ်ပိူၼ်ႈသမ်ႉ ၵူၼ်ႇပင်း ယႃႉၵွႆ ၶုတ်းႁူဝ်ၶုတ်းႁၢၵ်ႈ
ဢမ်ႇဝႆႉႁႂ်ႈ လိူဝ်ႈသၢၵ်ႈလိူဝ်ထၢၼ်။ ဝႃႈႄတႉ တေၵေႃႈသၢင်ႈၶိုၼ်းမိူင်း
ႁူမ်ႈတုမ် ဢၼ်ၸိုၼ်ႈ ၸၢင်ႇမၢင်ႇယွမ်ႉၸႂ်တူတ်းႁႂ်ႈမႃ ၸႂ်လီၵူၺ်း။
ပူၼ်ႉမႃးဢမ်ႇႁိုင်ၼႆႉ
မၢၼ်ႈဢၢၼ်းႁဵတ်းႁုၼ်ႇႁၢင်ႈၸွမ်သိုၵ်းဢွင်ႇသၢၼ်း တီႈတႃႈၶီႈလဵၵ်းထႅင်ႈ
မိူဝ်ႈလဵဝ် တိုၵ်ႉၵေႃႇထၢၼ်မၼ်းဝႆႉ ယူႇတီႈၶၢင်ႈယေးငိုၼ်းၵမ်ႇပေႃးၸ။
ၵဵဝ်ႇၵပ်းလွင်ႈၼႆႉ
Snld Karli kunhing ၵေႃႉၼိုင်ႈ
လႆႈသႅၼ်ႇသဵင်ႁႅၵ်ႇဢွၵ်ႇမႃးၼိူဝ်ၾဵတ်ႉၶ်ၿုၵ်ႉဝႃႈ - ၵၢပ်ႈပၢၼ် ယၢမ်းလဵဝ်ၼႆႉ
တေဢဝ်ဢမ်းၼၢၸ်ႈ၊ ဢဝ်ဢူမုၼ်ငဝ်းသေႁူမ်ႇၵုမ်းသုၼ်ႇတူဝ်ၵေႃႉၼိုင်ႈၵေႃႉလႂ်
ၵေႃႈလီ ႁူမ်ႇငမ်း ၵုုမ်းသုမ်ႇတူမ်းႁူဝ် ၼိူဝ်ၽႃသႃ ၸိူဝ်ႉၶိူဝ်း
ၵူၼ်းၶိူဝ်းၼိုင်ႈၶိူဝ်းလႂ်ၸိူဝ်းၼႆႉ သုတ်းသဵင်ႈပၢၼ် မၼ်းယဝ်ႉ။ ပၢၼ်
ပတေႇသလိတ်ႉၵေႃႈ ပူၼ်ႉၵၢပ်ႈၵႂႃႇယဝ်ႉ။ ၵမ်းၼႆႉ မၢၼ်ႈသမ်ႉတေမႃးႁဵတ်းႁုၼ်ႇႁၢင်ႈ ဢွင်ႇသၢၼ်း ၶုၼ်မၢၼ်ႈ
ၼႂ်းပိုၼ်ႉတီႈၵူၼ်းၶိူဝ်းလႂ်ၶိူဝ်းၼိုင်ႈၼႆႉ မၼ်းဢမ်ႇသၢင်ႇထုၵ်ႇ၊
ဢမ်ႇႁိုင်ၼႆႉ ႁုၼ်ႇႁၢင်ႈ ပယိၼ်ႉၼွင်ႇ ဢၼ်မီးဝႆႉယူႇ ႁိမ်းႁူဝ်ၶူဝ်ၼမ်ႉသၢႆ
လႅၼ်လိၼ်တႆး - ထႆးၼႆႉၵေႃႈ တၵ်းတေလႆႈၵူၼ်ႇ ယႃပင်းပႅတ်ႈဢမ်ႇႁၢင်ႉ၊
ဢဵၼ်းဢၢၼ်းလူင် သုင်သုတ်းမိူင်းႁူမ်ႈတုမ်ၼႆႉ
တၵ်းတေလႆႈမီးသုၼ်ႇလႆႈၽဵင်ႇပဵင်းၵၼ်ၵူႈၸႄႈမိူင်းလႄႈ ၵူႈၶိူဝ်းၵူၼ်း။
လၵ်းသဝ်ႁိၼ်
ဢၼ်ပဵၼ်မဵတ်ႇမၢႆၶေႃႈၵိၼ်ၵႅၼ်ႇ လူင်းလၢႆးမိုဝ်းႁူမ်ႈဝၢၼ်ႈႁူမ်ႈမိူင်းၵၼ်ဝႆႉ
မီးယူႇတီႈဝဵင်း တႃႈၶီႈလဵၵ်းၼႆၵေႃႈ ပဵၼ်မိၵ်ႈမၢႆမိူင်းႁူမ်ႈတုမ်
တႅၵ်ႇလႅင်းလႄႈထုၵ်ႇလီဝႆႉၼၵ်းၼိူဝ်ႉၼမ်ႉၸႂ်ပၢင်လူင် ၼႆၼၼ်ႉ ဢမ်ႇလီလူင်လိုမ်း။
ပေႃးၵွမ်ႉၵႃႈ ဢွင်ႇသၢၼ်းၵေႃႉလဵဝ်သေ ဢဝ်မိူင်းၵွၼ်းၶေႃၵေႃႈ
မိူင်းမၢၼ်ႈၵူၺ်းတေလႆႈၵွၼ်းၶေႃ၊ မိူင်းၶၢင် ယၢင်း ယၢင်းလႅင် ၶျၢင်း မွၼ်း
ရၶႅင်ႇ တႆး ၸိူဝ်းၼႆႉတေဢမ်ႇၶဝ်ႈ ပႃးၸွမ်းၼႂ်းမိူင်းႁူမ်ႈတုမ်
လႄႈယင်းတေပဵၼ်မိူင်းလွတ်ႈ လႅဝ်းၵွၼ်းၶေႃ ႁင်းၽႂ်မိူင်းမၼ်းၸဵမ်လႂ်ယဝ်ႉ။
ၵွပ်ႈၼၼ် ယွၼ်ႉဢွင်ႇသၢၼ်းၵေႃႉလဵဝ်သေဢဝ်မိူင်းၵွၼ်းၶေႃလႆႈမႃး ဢမ်ႇၸႂ်ႈ
ၼႆႉၶႂ်ႈႁႂ်ႈမၢၼ်ႈၵူႈၵေႃႉႁူႉဝႆႉ။
တွၼ်ႈတႃႇၵူၼ်းမိူင်းတႆးတေလႆႈၵွၼ်းၶေႃၼၼ်ႉႄတႉ
ၸဝ်ႈၾႃႉ လႄႈၵူၼ်းမိူင်းၶဝ်ပေႃးႁူပ်ႉထူပ်း ႁဵတ်းပၢင် ၵုမ်ၵၼ် တီႈပၢင်လူင်သေ
ႁၢင်ႈႁႅၼ်းဝႆႉယဝ်ႉ ဢွင်ႇသၢၼ်းမႃးဝၢႆးၼၼ်ႉၵူၺ်း။
ၵွပ်ႈတႆးၸႂ်လီပူၼ်ႉတီႈလႄႈ ယွၼ်းႁူမ်ႈ၊ ထၢင်ႇဝႃႈတေသိုဝ်ႈသႂ် ၸႂ်ၵႂၢင်ႈ၊
မၢၼ်ႈၼိုင်ႈပျႃး တႆးၼိုင်ႈပျႃး ၼႆသေ
ၸင်ႇလႆႈၸႂ်ႁူမ်ႈလူင်း လၢႆးမိုဝ်းႁဵတ်းလိၵ်ႈၵိၼ် ၵႅၼ်ႇပၢင်လူင်မႃး။
ဝၢႆးသေၼၼ်ႉၵေႃႈ
လႆႈၵေႃႇသၢင်ႈသဝ်ႁိၼ်ပဵၼ်မဵတ်ႇမၢႆၶေႃႈ ၵိၼ်ၵႅၼ်ႇမိူင်းႁူမ်ႈတုမ်၊ ဢွင်ႇသၢၼ်း
ဢမ်ႇၸႂ်ႈၽူႈၼမ်းၵူၼ်းမိူင်းတႆး၊ ဢွင်ႇသၢၼ်းဢမ်ႇ ၸႂ်ႈၸဝ်ႈၶွင်မိူင်းတႆး၊
ဢွင်ႇသၢၼ်း ဢမ်ႇၸႂ်ႈၶုၼ်လူင်မိူင်းတႆး၊ ၵွပ်ႈဢွင်ႇသၢၼ်းၵေႃႉလဵဝ်သေ
လႆႈၵွၼ်းၶေႃ မိူင်းႁူမ်ႈတုမ်ဢမ်ႇၸႂ်ႈ၊ ၵွပ်ႈၼႆ ၵူၼ်းၶိူဝ်းၼိုင်ႈၼၼ်ႉ
ၵိုင်ႇႁဵတ်းလႆႈသင် မွၵ်ႈၵႃႈႁိုဝ်ၵေႃႈ ႁဵတ်းၵႃႈၼၼ်ႉ - ဝႃႈၼႆ။
Tags: General, News