ၸိုင်ႈတႆးပွတ်းႁွင်ႇ ၸႄႈဝဵင်းသီႇပေႃႉ ဢိူင်ႇသႅင်ၵႅဝ်ႉ ၸတ်းႁဵတ်းပၢင်ပွႆး တၢင်ႇထီးထၢတ်ႈ (ၵွင်းမူး)၊ ပၢင်ပွႆးဝၼ်းၵိူတ်ႇ ၸဝ်ႈတူၼ်ၶူး ဢိၼ်တသႃမိ၊ ပွႆးယေႃးမုၼ် ၸဝ်ႈတူၼ်ၶူး 7 တူၼ် လႄႈ ပၢင်ပွႆးလွင်း။

ဝၼ်းတီႈ 18 -22/ 3/ 2017  ၼၼ်ႉ ၵူၼ်းမိူင်း ၼႂ်းဢိူင်ႇသႅင်ၵႅဝ်ႉ ၼႃႈလိၼ်ၶိုၵ်ႉတွၼ်းမၢႆ 3 ၸတ်း ႁဵတ်းထၢင်ႇထီးထၢတ်ႈ (မူၺ်ႇတေႃႇ - 24 သူႇ၊ သႅင်ၵႅဝ်ႉ)၊ ပၢင်ပွႆးတေသၼႃထမ်း (ႁေႃးပထၢၼ်း) ၊ ပွႆးယၢတ်ႇ ၼမ်ႉဝိႁၢရ်မႂ်ႇ၊ ပွႆးဝၼ်း ၵိူတ်ႇၸဝ်ႈတူၼ်ၶူး ဢိၼ်တသႃမိ ဢႃယု ၶွပ်ႈတဵမ် 77 ပီ ၊ ပွႆးသၢင်ႇလွင်း၊ ပွႆးယေႃးမုၼ် (ထၢပ်ႈၵၢမ်ႇ) ၸဝ်ႈတူၼ်ၶူး 7 တူၼ် - ၸဝ်ႈတႃႇၼလူင်ပဵၼ် ၸွမ်သိုၵ်းလူင် ပၢင်ႇၾႃႉ- ဝႃႈၼႆ။


ၽူႈၶဝ်ႈၵေႃပွင်ပဵၼ်ပၢင်ပွႆး ၸဝ်ႈၼိုင်ႈလၢတ်ႈဝႃႈ - “ပေႃးႁွတ်ႈထိုင်ဝၼ်းတီႈ 21/3/2017 ယၢမ်း12မူင်း တေမီးပၢင်တၢၼ်းသွမ်းသၢၼ်၊ သင်ၶၸဝ်ႈ တေယေႃးတူဝ် မႃးၵူႈဝတ်ႉ၊  ၵၢင်ၶမ်ႈ တႄႉ မီး သႅင်းတႆး သီႇပေႃႉ မႃးမူၼ်ႈၸႂ်ပၼ်” - ဝႃႈၼႆ။


ၸဝ်ႈတူၼ်ၶူး ၸိူဝ်းယေႃးမုၼ် (ထၢပ်ႈၵၢမ်ႇ) သင်ၶၸဝ်ႈ 7 တူၼ် ၼၼ်ႉတႄႉ ၸဝ်ႈၶူး မိလိၼ်တ ဝၢတ်ႉဢွင်ႇ မင်ႇၵလႃႇ ၊ ၸဝ်ႈၵေႃးလိၼ်တသႃရ ဝၢတ်ႉၵၢင်ဝဵင်း  ၊ ၸဝ်ႈၶူးပၼ်တိတ်ႉၸ ဝတ်ႉႁူဝ်ၼမ်ႉ ၊ ၸဝ်ႈၶူးတေဝိၼ်တ ဝတ်ႉၵၢင်ႉမေႃႇ၊  ၸဝ်ႈၶူး ၺႃၼေႃးၽႃသ ဝတ်ႉၵၢင်ဝဵင်း ၼမ်ႉလၢၼ်ႈ၊  ၸဝ်ႈၶူး ၸိၼေႃးဝႃတ ဝတ်ႉသိမ်ႇတႆး ဝဵင်းတႃႈလိူဝ်ႇ ၊ ၸဝ်ၶူး သေႃးပႃႇၵ ဝိႁၢရ်သႅင်ၵႅဝ်ႉ လႄႈ ၸဝ်ႈၶူးလူင် ၸဝ်ႈတူၼ်ၶူး ဢိၼ်တသႃမိ - ၸဵမ်ၸိူဝ်းၼႆႉ။