ဝၼ်းတီႈ 22/09/2016 ၶၢဝ်းယၢမ်းၵၢင်ၶမ်ႈ 04:00-08:30 ၼႆႉ လုမ်းၵပ်းသၢၼ်ၶွင်ႊသီႊဢဝ်ၶိုၼ်း ၸိုင်ႈတႆး/တပ်ႉသိုၵ်းၸိုင်ႈတႆး (RCSS/SSA)ၸတ်းႁဵတ်းပၢင်လူင်းပၢင်သွၼ်ပၢင်ပၼ်တၢင်းႁူႉလႄႈ ၽိူမ်ႉထႅမ်ၼမ်ႉၵတ်ႉၵူၼ်းၼုမ်ႇ ၸတ်းႁဵတ်းတီႈ လုမ်းၵပ်းသၢၼ် ဝဵင်းၶူဝ်လမ် (ၶူဝ်ၶမ်း) ၸႄႈဝဵင်း ၼမ်ႉၸၢင် ၸႄႈတွၼ်ႈလွႆလႅမ် ၸိုင်ႈတႆးပွတ်းၸၢၼ်း မီးလုမ်းၵပ်း သၢၼ်RCSS/ SSA တူၼ်ႈတီး ၊မိူင်းပၼ်ႇ၊ ထဝ်ႈဝၢၼ်ႈထဝ်ႈၼႃးၵူၼ်း ၼုမ်ႇဢိၵ်ႇ လုၵ်ႈႁဵၼ်းလႄႈ ၵူၼ်းၼႂ်းပိုၼ်ႉ တီႈၶဝ်ႈႁူမ်ႈ 150 ပၢႆ ။

Photo By - Sai Da

ၸဝ်ႈၸၢႆးဢူး ၽူႈၼင်ႈလုမ်းၵပ်းသၢၼ်တူၼ်ႈတီးလၢတ်ႈဝႃႈ - “ ဢၼ်လႆႈႁၼ်ၵူၼ်းမိူင်းဢွၼ်ၵၼ် ၶတ်းၸႂ်ၸတ်းပၢင်ၾိုၵ်းၽွၼ်ႉၼမ်ႉၵတ်ႉၵူၼ်းၼုမ်ႇၸိူင်ႉၼႆၼႆႉ ၽူႈပွင်ပဵၼ်ပၢင်ၾိုၵ်းၽွၼ်ႉလႄႈ သင် ၶူးလႄႈသင် ယိၼ်းၸူမ်းဢဝ်ၵုင်ႇမုၼ်ၸွမ်းတႄႉတႄႉ ။ ၼင်ႇႁိုဝ်ၵူၼ်းၼုမ်ႇႁဝ်းပေႃး တေႁတ်းႁၢၼ်မီးတၢင်းႁူႉၵႂႃႇၼၼ်ႉၵေႃႈႁႂ်ႈဢွၼ်ၵၼ်လဵပ်ႈႁဵၼ်းၵႂႃႇတိၵ်းတိၵ်း” ဝႃႈၼႆ ။


ၸဝ်ႈတေႇဝိင်ႇ ၽူႈၼင်ႈလုမ်းၵပ်းသၢၼ် ၶူဝ်ၶမ်း လၢတ်ႈဝႃႈ - “ ၵူၼ်းၼုမ်ႇၵူႈၵေႃႉထုၵ်ႇလီႁူႉ လႄႈဝႆႉၵႃႈၶၼ်ၵုင်ႇထွတ်ႈမျၢတ်ႈ4 ယိူင်ႈမိူၼ်ၼင်ႇ ၸိူဝ်ႉၸၢတ်ႈ၊ဝၢၼ်ႈမိူင်း၊ၽႃႇသႃႇ၊သႃႇသၼႃႇ သေၸွႆႈၵၼ်ပူၵ်းပွင်ႁႂ်ႈႁိူဝ်ႈႁိူင်းၶိုၼ်ႈယႂ်ႇၵႂႃႇသေၵမ်း ”ဝႃႈၼႆ ။


ၸိူင်ႉၼၼ်ၼင်ႇၵဝ်ႇ ၸၢႆးၶိူဝ်းတႆး ၽူႈၶဝ်ႈႁူမ်ႈပွႆးလူင်းပၢင်သွၼ်ၵေႃႈလၢတ်ႈဝႃႈ - တၢင်းႁူႉပၺ်ၺႃ တၢင်းမေႃၵိၼ်ဢမ်ႇသဵင်ႈၸႂ်ႉဢမ်ႇသဵင်ႈ ၵႃႈၶၼ်မၼ်းယႂ်ႇၵႂၢင်ႈၼႃႇ ဢဝ်သင်မႃးတႅၵ်ႈၼိူင်းဢမ်ႇလႆႈ ၵွပ်ႈ ၼၼ်ႁႂ်ႈဢွၼ် ၵၼ်လဵပ်ႈႁဵၼ်းပၢႆးပၺ်ၺႃၼမ်ၼမ်- ဝႃႈၼႆ ။


ပၢင်ပၼ်တၢင်းႁူႉလႄႈၽိူမ်ႉထႅမ်ၼမ်ႉၵတ်ႉၵူၼ်းၼုမ်ႇၼႆႉ တႄႇပူင်သွၼ်မႃးမိူဝ်ႈဝၼ်းတီႈ 10/09/ 2016 ၶၢဝ်းတၢင်း10ဝၼ်း။ ၶူးပူင်သွၼ်ပဵၼ် ၸဝ်ႈၶူးၺၢၼ်ႇၸွမ် သွၼ်ပၼ်လၢႆးပဵၼ်ၽူႈဢွၼ်ႁူဝ်လီ၊ ၶူးလုင်းၵျေႃႇထေး သွၼ်ပၼ်လၢႆးတႆး၊ ၸၢႆးၼႅင်ႇဝိၼ်း ႁွင်ႈၵၢၼ်ၾၢႆႇၽုၵ်ႇသွမ်ႈ သွၼ်ပၼ်ႁႂ်ႈ မီးတၢင်း ႁတ်းႁၢၼ်၊ ၼၢင်းၵေႇၶႅင်ႇ သွၼ်ပၼ်တၢင်းႁူႉၵူႈလွင်ႈလွင်ႈ၊ ၸၢႆးၼွင်ႉ သွၼ်ပၼ်တၢင်းႁူႉ လႄႈၵၢၼ်မိူင်း လိူဝ်ၼၼ်ႉပူင်သွၼ်ပႃးပိုၼ်ႉထၢၼ်ၶွမ်း Computer ၸဵမ်ၸိူဝ်းၼႆႉ မီႈလုၵ်ႈႁဵၼ်း ဢိၵ်ႇၽူႈသူၼ်ၸႂ်ၶိုၼ်ႈလဵပ်ႈႁဵၼ်းဢဝ် မွၵ်ႈ 75 ၵေႃႉ ။