ဝၼ်းတီႈ 25/05/2016 ၵေႃလိၵ်ႈလၢႆးလႄႈၾိင်ႈငႄႈတႆး ဝဵင်းၼမ်ႉၶမ်း ၸတ်းႁဵတ်းပွႆးလူင်းပၢင် သွၼ်လိၵ်ႈတႆးၶၢဝ်းမႆႈ တီႈႁူင်းႁေႃၵေႃလိၵ်ႈလၢႆးလႄႈၾိင်ငႄႈတႆးၼမ်ႉၶမ်း ၽူႈယႂ်ႇၵူၼ်း လူင်၊မေႃသွၼ်လုၵ်ႈႁဵၼ်းလႄႈၵူၼ်းဝၢၼ်ႈၶဝ်ႈႁူမ်ႈၼပ်ႉပၢၵ်ႇ ။

ၸၢႆးသၢမ်မူၼ်ႇ ႁူဝ်ပဝ်ႈၵေႃလိၵ်ႈလၢႆးလႄႈၾိင်ႈငႄႈတႆး လၢတ်ႈဝႃႈ - “ ႁႂ်ႈၵူႈၵေႃႉဢွၼ်ၵၼ်ႁၵ်ႉသႃ မႅတ်ႇပႅင်းၾိင်ႈငႄႈႁိတ်ႈႁွႆးလႄႈလိၵ်ႈလၢႆးတူဝ်ၸဝ်ႈၵဝ်ႇၵႂႃႇမိူဝ်းၼႃႈၶၢဝ်းယၢဝ်း ” ဝႃႈၼႆ ။


လုင်းၸၢႆးၵျေႃႇဝုၼ်း ၽူႈၼမ်းၼႃႈ ၵေႃလိၵ်ႈလၢႆးၵေႃႈ လၢတ်ႈဝႃႈ- “တၢင်းၵွတ်းၽၢၼ်ငိုၼ်းၶမ်း ၼႆႉဢမ်ႇတၢၼ်ႇတၢင်းၵွတ်းပၢႆးပၺ်ႇၺႃႇ ၵွပ်ႈၼၼ်ၵူႈၵေႃႉယႃႇပေႁႂ်ႈၽၢၼ်ပၢႆးပၺ်ၺႃပေႃးႁဝ်း ၽၢၼ်ပၢႆးပၺ်ႇၺႃႇပွင်ႇဝႃႈႁဝ်းၽၢၼ်သုတ်းၼႂ်းၸူဝ်ႈပၢၼ်ႁဝ်းယဝ်ႉ ႁႂ်ႈဢွၼ်ၵၼ်ၶတ်းၸႂ်ႁႃ ပၺ်ၺႃၼမ်ၼမ် ” ဝႃႈၼႆ ။


ပၢင်သွၼ်ၼႆႉ လႆႈပိုတ်ႇယဝ်ႉၵႂႃႇ 2 ၸုပ်ႈ ၸုပ်ႈဢွၼ်တၢင်းလုၵ်ႈႁဵၼ်း မီး124 ၵေႃႉတႄႇပိုတ်ႇမိူဝ်ႈ 09/03/2016 – 08/04/2016၊  ၸုပ်ႈတီႈ 2 မီးလုၵ်ႈႁဵၼ်း 100 ၵေႃႉတႄႇပိုတ်ႇမိူဝ်ႈ 19/04/2016 – 17/05/2016 မီးမေႃသွၼ် 6 ၵေႃႉ မေႃသွၼ်ဢၼ်မႃးသွၼ်ပၼ်ၵူႈဝၼ်းသဝ်မီး 8ၵေႃႉ ။ ၵေႃလိၵ်ႈလၢႆးလႄႈၾိင်ႈငႄႈတႆးဝဵင်းၼမ်ႉၶမ်းၼႆႉယင်းမီးၽႅၼ်ၵၢၼ်ဝႆႉဝႃႈတေၸတ်းႁဵတ်းပၢင်သွၼ်လိၵ်ႈတႆးၼိုင်ႈပီလႂ် 2 ပွၵ်ႈ ၵႂႃႇၵူႈပီ - ဝႃႈၼႆ ။