ၸုမ်းၵူၼ်းၼုမ်ႇမိူင်းသူႈ ပဵၼ်ၵဝ်ႉၵၢၼ်းသေ ႁပ်ႉငိုၼ်းတွင်းလႄႈ ၶူဝ်းၶွင်ၵိၼ်ၸႂ်ႉ  တီႈၽူႈမီးၼမ်ႉၸႂ်ၸေႇတၼႃႇ တႃႇၵႂႃႇၸွႆႈထႅမ်ၵူၼ်းထူပ်းၽေးသိုၵ်းတီႈႁၢႆးပႃ ၊လႆႈငိုၼ်း 1 လၢၼ်ႉပၢႆ ။

ဝၼ်းတီႈ 08/05/2016 ၸုမ်းၵူၼ်းၼုမ်ႇဝဵင်းမိူင်းသူႈ ဢဝ်ပုၼ်ႈၽွၼ်းၶဝ်ႈ ၼမ်ႉတၢင်းၵိၼ် ဢၼ်ပီႈ ၼွင်ႉၽူႈမီးၼမ်ႉၸႂ်ၸေႇတၼႃႇၼွၵ်ႈမိူင်း ၼႂ်းမိူင်း ၵႂႃႇၸွႆႈထႅမ်ပၼ် ပီႈၼွင်ႉၵူၼ်းၽူပ်းၽေးသိုၵ်း တီႈႁၢႆးပႃမိူၼ်ၼင်ႇ ၼမ်ႉမၼ်း ၊ ထူဝ်ႇလိူင် ၊ ၵိူဝ် ၊ ၽွင်ဝၢၼ် တၢင်းၵိၼ်တၢင်းယႅမ်ႉၸိူဝ်းၼႆႉၼပ်ႉ ပဵၼ်ငိုၼ်း 1,580,000 (ၼိုင်ႈလၢၼ်ႉႁႃႈသႅၼ်ပႅတ်ႇမိုၼ်ပၢႆ) ဝႃႈၼႆ ။ ၵူၼ်းပၢႆႈၽေး တီႈႁၢႆးပႃၼႆႉၵမ်ႈ ၼမ်ပဵၼ်ပီႈၼွင်ႉတဢၢင်း ၊ တႆး ၊ လိသေႃး ၸိူဝ်းၼႆႉတင်းမူတ်းၵိုတ်းယူႇ 1,000 ၵေႃႉပၢႆ ။


ၼၢင်းယိင်း ၵူၼ်းမိူင်းသူႈ လၢတ်ႈဝႃႈ - “ ဢၼ်ႁဝ်းၵႂႃႇၸွႆႈပွၵ်ႈၵမ်းၼႆႉၵေႃႈပီႈ ၼွင်ႉၽူႈမီးၼမ်ႉ ၸႂ်ၼွၵ်ႈမိူင်းၶဝ်ၸွႆႈထႅမ်မႃးလႄႈႁဝ်းၶႃႈၵေႃႈၸင်ႇႁူမ်ႈၵၼ်သေၵႂႃႇၸွႆႈထႅမ် ၊ ယၢမ်းလဵဝ်တီႈႁၢႆးပႃ ၼႆႉဢမ်ႇပေႃးမီးၸဝ်ႈတႃႇၼမႃးၸွႆႈယဝ်ႉလႄႈ ပေႃးပဵၼ်လႆႈ ၶႂ်ႈႁႂ်ႈၾၢႆႇၸဝ်ႈ ၼႃႈတီႈၶဝ်ၶတ်း ၸႂ်တူၺ်းပၼ်ၽွင်ႈ ” ဝႃႈၼႆ ။


ၵူၼ်းပၢႆႈၽေးၵေႃႉၼိုင်ႈလၢတ်ႈဝႃႈ “ ယၢမ်းလဵဝ်ၼႆႉဢမ်ႇႁူႉတေႁဵတ်း ၸိူင်ႉႁိုဝ်။ တေပွၵ်ႈႁိူၼ်း ၵေႃႈ မႆႈၸႂ်လွင်ႈႁူမ်ႇလူမ်ႈ ။ ယူႇၵႂႃႇၸိူင်ႉၼႆၵေႃႈဢမ်ႇလႆႈႁဵတ်းၵၢၼ်သင် ။ ပေႃးဢမ်ႇမီးၵူၼ်း မႃးၸွႆႈတႄႉ ယၢပ်ႇၸႂ်တႄႉတႄႉ ။ ပေႃးလႆႈႁၼ်ၽူႈမီးၼမ်ႉၸႂ်မႃးၸွႆႈ  ႁဝ်းၶႃႈၵေႃႈ ဢုၼ်ႇၸႂ်ဢိတ်းၼိုင်ႈၶႃႈဢေႃႈ ” ဝႃႈၼႆ ။


တပ်ႉသိုၵ်းလူင်ပွင်ၸိုင်ႈမၢၼ်ႈႁၢင်ႈသိူၵ်းလေႃႇတိုၵ်းပႃႊတီႊမႂ်ႇသုင်ၸိုင်ႈတႆးတပ်ႉသိုၵ်းၸိုင်ႈတႆး SSPP/SSA မိူဝ်ႈႁၢင်ပီ 2015 ႁၢဝ်ႉႁႅင်း။ႁဵတ်းႁႂ်ႈၵူၼ်းဝၢၼ်ႈၵူၼ်းမိူင်းၼပ်ႉႁူဝ်မိုၼ်ႇ လႆႈပၢႆႈယၢၼ်  ႁိူၼ်းယေး။  မၢင်ၸိူဝ်းၵမ်ႈၽွင်ႈ ၵေႃႈပွၵ်ႈၶိုၼ်းႁိူၼ်းယေးယဝ်ႉသေတႃႉ  ထိုင်ယၢမ်းလဵဝ်တိုၵ်ႉ ၵိုတ်းယူႇ 1000 ပၢႆ ။ ပႆႇႁတ်းပွၵ်ႈႁိူၼ်း ။ ယွၼ်ႉပႆႇတမ်းၸႂ် လွင်ႈႁူမ်ႇလူမ်ႈဝႃႈၼႆ ။