ဝၼ်းတီႈ 26/04/2016 ၼႆႉၵေႃလိၵ်ႈလၢႆးလႄႈၾိင်ႈငႄႈတႆးဝဵင်းမိူင်းပၼ်ႇလႄႈ ပီႈၼွင်ႉၵူၼ်း မိူင်းပၼ်ႇ တေၸတ်းႁဵတ်းပၢင်ႁူပ်ႉထူပ်း ၶူးပူင်သွၼ်လူင်ၸၢႆႈၾႃႈ ။ တီႈဝတ်ႉၵျွင်းမူၺ်ႇတေႃႇ ဝဵင်းမိူင်းပၼ်ႇ ၸိုင်ႈတႆးပွတ်းၸၢၼ်း ။

ၼႂ်းပၢင်ႁူပ်ႉထူပ်းၼႆႉတေမီးၶူးပူင်သွၼ်လူင်လုင်းၸၢႆးၾႃႈ မႃးမွၵ်ႇလၢတ်ႈသပ်းၸႅင်ႈလွင်ႈလိၵ်ႈ လၢႆးတႆး ၊ လၢႆးပူင်သွၼ်လိၵ်ႈတႆး၊လၢႆးၸႂ်ႉတိုဝ်းၶေႃႈၵႂၢမ်းတႆး လႄႈဢုပ်ႇဢူဝ်းလႅၵ်ႈလၢႆႈတၢင်းႁူႉ တၢင်းႁၼ်ၵၼ်ၼႆယဝ်ႉ ။


ၸၢႆးၶိူဝ်းတႆး ၵူၼ်းမိူင်းပၼ်ႇလၢတ်ႈဝႃႈ - “ ပၢင်ႁူပ်ႉထူပ်းၼႆႉဢမ်ႇၸႅၵ်ႇၽႄမုၵ်ႉၸုမ်း ယိူင်းဢၢၼ်း တႄႉၵေႃႈၶႂ်ႈႁႂ်ႈပေႃႈမႄႈပီႈၼွင်ႉၵူၼ်းမိူင်းတႆးပေႃးတေမီးလွင်ႈၸမ်ၸႂ်ၵၼ်၊ၸွႆႈၵၼ်မႅတ်ႇပႅင်းႁၵ်ႉသႃ ၼင်ႇႁိုဝ်လိၵ်ႈတႆးပေႃးတေႁိူဝ်ႈႁိူင်းလႄႈၸိူဝ်းပႆႇမေႃလိၵ်ႈတႆးၼၼ်ႉၵေႃႈႁႂ်ႈပေႃးလႆႈၶိုၼ်ႈႁဵၼ်း ဢဝ် ” ၼႆယဝ်ႉ ။


ၶူးပူင်သွၼ်လူင်လုင်းၸၢႆႈၾႃႈၼႆႉဝၢႆးသေႁူပ်ႉထူပ်ႉပေႃႈမႄႈပီႈၼွင်ႉၵူၼ်းမိူင်းပၼ်ႇယဝ်ႉ တေသိုပ်ႇ ၵႂႃႇၽိုၵ်းၾွၼ်ႉယုၵ်ႉမုၼ်းၼမ်ႉၵတ်ႉမေႃသွၼ်တီႈဝဵင်းပုင်ႇပႃႇၶႅမ်ထႅင်ႈ ယူႇတီႈပီႈၼွင်ႉၵူၼ်းမိူင်း ပၼ်ႇၶဝ်ၵေႃႈတေသူင်ႇမေႃသွၼ်ယိင်း 1 ၵေႃႉ ၸၢႆး 1 ၵေႃႉၵႂႃႇၶဝ်ႈႁူမ်ႈပၢင်ၽိုၵ်းၾွၼ်ႉၸွမ်းပိူဝ်ႈ တႃႇမႃးသွၼ်ပၼ်ၶိုၼ်းၼႂ်းဢိူင်ႇဝၢၼ်ႈၼႆယဝ်ႉ ။