ၸုမ်းၼမ်ႉၶူင်း ၶႅၵ်ႇလီပၢင်ၸႃႉ ဝဵင်းတူၼ်ႈတီး ဢွၼ်ဢဝ် မေႃယႃ လူင်းယူတ်ႈယႃ ပီႈၼွင်ႉၵူၼ်း ၸွမ်းၼႂ်းဢိူင်ႇဝၢၼ်ႈ ပွတ်းၸၢၼ်းလၢႆလၢႆၸႄႈဝဵင်းလႄႈ ၼႂ်းပွႆးသၢင်ႇလွင်း ဝဵင်းၵႃလိ ၸဵမ်ၸိူဝ်း ၼႆႉ ။


ဝၼ်းတီႈ 22-23/04/2016 ယၢမ်းၸဝ်ႉထိုင်ႁူဝ်ၶမ်ႈ ၸုမ်းၼမ်ႉၶူင်းၶႅၵ်ႇလီပၢင်ၸႃႉ ဝဵင်းတူၼ်ႈတီး ဢွၼ်ဢဝ်လုၵ်ႈၸုမ်းလႄႈ မေႃယႃ လူင်းပိုၼ်ႉတီႈ ၼႂ်းပွႆးသၢင်ႇလွင်း ဝတ်ႉဝေႇလုၺ်ႉဝုၼ်ႇ ဝဵင်းၵႃလိ ၸိုင်ႈတႆး ပွတ်းၸၢၼ်း တေမီးမေႃယႃ ၾၢႆႇၶဵဝ်ႈ၊ ၾၢႆႇတႃလႄႈ ယူတ်းယႃ ၵူႈလွင်ႈလွင်ႈ ဢမ်ႇဢဝ်ၵႃႈၸႂ်ႉၸၢႆႇသင်သေပျႃး ၼႆယဝ်ႉ ။

ၼၢင်းၼူၼ်းမူဝ် ၽူႈပွင်ၵၢၼ်ၼႂ်းၸုမ်းၼမ်ႉၶူင်း လၢတ်ႈဝႃႈ “ လွင်ႈယူတ်းယႃသမ်ႉ ႁဝ်းၶႃႈတေႁွင်ႉဢဝ်မေႃယႃ မိူဝ်းယူတ်းယႃပၼ် ပီႈၼွင်ႉၵူၼ်းမိူင်းႁဝ်း မိူၼ် ၶဵဝ်ႈ၊ တႃလႄႈ ၵူႈလွင်ႈလွင်ႈ ၵႃႈၶၼ်လွင်ႈယူတ်းယႃသမ်ႉ တေတမ်းဝၢင်းဝႆႉ 30-40 သႅၼ်ပျႃး ၊ ယူႇတီႈၸုမ်းၼမ်ႉၶူင်းႁဝ်း လူင်းပိုၼ်ႉတီႈၵမ်းၼႆႉ တေမီးၶိူင်ႈၸၢၵ်ႈ မိူၼ် ၸၢၵ်ႈထူၺ်ႈၶဵဝ်ႈ ၊ ၸၢၵ်ႈၵုပ်းၶဵဝ်ႈလႄႈ တင်ႇၼင်ႈ တေပႃးၵႂႃႇၸေးၸေး ” ဝႃႈၼႆ ။


သိုပ်ႇလၢတ်ႈထႅင်ႈဝႃႈ လွင်ႈယူတ်းယႃ ပၼ်ပီႈၼွင်ႉၵူၼ်းမိူင်းႁဝ်းၼႆႉ ဢမ်ႇလႆႈသဵင်ႈၵႃႈၶၼ်သင်သေ ပျႃး တေလူင်းယူတ်းယႃ ပၼ်လၢႆလၢႆ သင်ပီႈၼွင်ႉၵူၼ်းမိူင်း ၶႂ်ႈယူတ်းယႃ ၵူတ်ႇထတ်းၸိုင် ႁႂ်ႈဢွၼ်ၵၼ်မႃးၵူတ်ႇထတ်းလႆႈ ” ဝႃႈၼႆ ။


ၼွၵ်ႈလိူဝ်ၼၼ်ႉ ဝၼ်းတီႈ 24-25/04/2016 သမ်ႉ တေလူင်းပိုၼ်ႉတီႈ ၵႂႃႇယူတ်းယႃပၼ်ပီႈၼွင်ႉ ၵူၼ်းမိူင်းတၢင်း ပွတ်းမိူင်းၼွင် ၵျေးသီး မိူင်းၼၢင်း ၼွင်သွမ်း ၸဵမ်ၸိူဝ်းၼႆႉ ။