ၵေႃႁူမ်ႈသၢင်ႈၵူၼ်းၼုမ်ႇတႆး   Tai Youth Network  ဢွၼ်ႁူဝ်ၵူၼ်းၼုမ်ႇ မိူင်းတႆးပတ်းပို်ၼ်ႉ ၵူႈတီႈတီႈသေ တေၶိုၼ်ႈပၵ်း တုင်းၸိူဝ်ႉၸၢတ်ႈ ၼိူဝ်သၼ်လွႆတႄးမိူင်း မိူင်းၸေႈလၢၼ်ႉ (AD – 1311 တေႃႇ AD – 1364) ။

ဝၼ်းတီႈ 25.4.2015 တေမႃးၼႆႉ ၵေႃႁူမ်ႈသၢင်ႈၵူၼ်းၼုမ်ႇတႆး တေဢွၼ်ႁူဝ်ၵူၼ်းၼုမ်ႇတႆး ပတ်းပိုၼ်ႉမိူင်းတႆး ၶို်ၼ်ႈပၵ်းတုင်းၸိူဝ်ႉၸၢတ်ႈ ၼိူဝ်သၼ်လွႆတႄးမိူင်း(သုင် 3774 ထတ်း) ဢၼ်မီးၼႂ်း မိူင်းၸေႈလၢၼ်ႉသေ  တေဢွၼ်လဵပ်ႈႁဵၼ်းပႃး ဢွင်ႈတီႈၵိုၵ်းပို်ၼ်းမိူင်းၸေႈလၢၼ်ႉ  ၸတ်းႁဵတ်းပၢင်တၢၼ်ႊၶႆႈ ပၼ်တၢင်းႁူႉၵဵဝ်ႇလူၺ်ႈ ပိုၼ်းမိူင်းၸေႈလၢၼ်ႉထႅင်ႈ - ဝႃႈၼႆ။

 ဝၼ်းတီႈ 24.4.2015 ၵူၼ်းၼုမ်ႇၵူႈတီႈတီႈ တေႁူပ်ႉၵၼ်တီႈ ၸေႈလၢၼ်ႉသေ ၽွတ်ႈႁႅၼ်း ၵေႃၽႄတႃႇၶိုၼ်ႈလွႆ၊  ၸႅၵ်ႇပုၼ်ႈၽွၼ်းၵၼ်ယဝ်ႉတေလိုဝ်ႈၼွၼ်းတီႈဝဵင်းၸေႈလၢၼ်ႉ။ ဝၼ်း တီႈ 25  ၵၢင်ၼႂ်ၸဝ်ႉ တေလုၵ်ႉၼပ်ႉယမ်ၸဝ်ႈမိူင်းသေယဝ်ႉ တေဢွၼ်ၵၼ် ၶိုၼ်ႈပၵ်းတုင်း ၼိူဝ်လွႆ တႄးမိူင်း၊ ဝၢႆးဝၼ်းသမ်ႉၶိုၼ်းလူင်းလဵပ်ႈႁဵၼ်းၼႂ်းၶူးဝဵင်း ၵူႈတီႈတီႈ မိူင်းၸေႈလၢၼ်ႉ။  ဝၼ်းတီႈ 26  ၵၢင်ၼႂ် 8 မူင်း တေတေႇပၢင်တၢၼ်ႈၶႆႈ ပၼ်ပိုၼ်ႉႁူႉ။ ဝၢႆးၼၼ်ႉၵိၼ်ၶဝ်ႈႁူမ်ႈ မူႇၵၼ် သေ ပွၵ်ႈၶိုၼ်းႁိူၼ်းၽႂ်မၼ်း- ဝႃႈၼႆ။

ၶေႃႈယိူင်းဢၢၼ်းလွင်ႈလႆႈၶို်ၼ်ႈလွႆ မီး(7) ၶေႃႈ ၊ ပၵ်းပိူင် (7) ၶေႃႈ၊ ၶေႃႈတုၵ်းယွၼ်း (5) ၶေႃႈ၊ ၽႅၼ်ၶၵ်ႉၵၢၼ်မီး (11) ၶၵ်ႉလႄႈ ၵပ်းသိုပ်ႇပၼ်သဵၼ်ႈမၢႆ လႆႈၼႂ်းဝၼ်းတီႈ 18.4.2015 တေႃႇ ထိုင် 22.4.2015 ဝႃႈၼႆ။

ၵေႃႁူမ်ႈသၢင်ႈၵူၼ်းၼုမ်ႇတႆးၼႆႉ ယၢမ်ႈဢွၼ်ဢဝ်ၵူၼ်းၼုမ်ႇ ပတ်းပို်ၼ်ႉမိူင်းတႆး ၶိုၼ်ႈလွႆပၵ်း တုင်း လဵပ်ႈႁဵၼ်းသိင်ႇဝႅတ်ႉလွမ်ႉလႄႈ လွင်ႈယူႇလွင်ႈၵိၼ်ၵူၼ်းၼႂ်းပိုၼ်ႉတီႈမႃး ထူၼ်ႈထိုင် ပွၵ်ႈၵမ်း (5)  ယဝ်ႉ။ ပွၵ်ႈၵမ်း(1)ၶိုၼ်ႈလွႆလဵင်း သုင်သုတ်းၼႂ်းၸိုင်ႈတႆး 8777 ထတ်း၊ ပွၵ်ႈ ၵမ်း(2) ၶိုၼ်ႈလွႆၸၢင်ႉမိူင်းၶိူဝ်း၊ ပွၵ်ႈၵမ်း(3) ၶိုၼ်ႈလွႆႁႃႈယွတ်ႈ ၸေႈဝဵင်းၵူတ်ႉၶၢႆ ၊ ပွၵ်ႈၵမ်း(4) ၶိုၼ်ႈလွႆၸၢင်ႉမိူင်းၵိုင် သေဢွၼ်ႁူဝ် သၢၼ်ၶတ်းႁေႉႁၢမ်ႈ ၵၢၼ်ၶုတ်းႁႄႈ ၶုတ်းထၢၼ်ႇ။