လူၺ်ႈလႆႈၼိမၼ်တၼ သင်ၶၸဝ်ႈ 5 တူၼ် ႁွတ်ႈထိုင်တီႈႁွင်ႈၵၢၼ် ဢွင်ႈတီႈၸုမ်းၶၢဝ်ႇၽူႈတွႆႇႁွၵ်ႈ ၼႂ်းၵဵင်းမႆႇ ၸိုင်ႈထႆးသေ လူႇတၢၼ်းသူတ်ႇမူၼ်းသူင်ႇပွလ်း ယိုၼ်ႈမွပ်ႈတၢင်းလီၼႃးမုၼ် ႁႂ်ႈတူၵ်းႁွတ်ႈထိုင် တူဝ်ထိုင်ၶိင်း ဝိၺၢၼ်ႇၶႂၼ်ငဝ်းၸၢႆးသႅင်ၸိုၼ်ႈ ႁူမ်ႈတင်း မင်းၵလ(မင်ၵလႃႇ) ပိုတ်ႇႁွင်ႈၶၢဝ်ႇ ႁၢင်ႈသဵင် TV News ဢွၼ်ႊလၢႆႊ ပိူဝ်ႈတႃႇဢွၵ်ႇပိုၼ်ၽႄႈၶၢဝ်ႇငၢဝ်း တၢင်းႁၢင်ႈသဵင်မိူဝ်ႈၼႃႈ။

ၼႂ်းပၢင်ႁႅၼ်းတၢၼ်းၼႃးမုၼ် ၶွပ်ႈ 3 ပီတဵမ် ပၼ်ၸၢႆးသႅင်ၸိုၼ်ႈ တီႈႁွင်ႈၵၢၼ်ၸုမ်းၶၢဝ်ႇၽူႈတွႆႇႁွၵ်ႈ ၵမ်းၼႆႉ မီးပီႈၼွင်ႉၶႅၵ်ႇၽူႈယႂ်ႇၵူၼ်းလူင် ၶွင်ႊသီႊဢဝ်ၶိုၼ်းၸိုင်ႈတႆး/ တပ်ႉသိုၵ်းၸိုင်ႈတႆး လၢႆၸဝ်ႈလႄႈ ၵူၼ်းၼုမ်ႇတႆးလၢႆၸုမ်း ၸဵမ်ၸုမ်းၵပ်းသၢၼ် လွင်ႈၼၢင်းယိင်းတႆး၊ ၸုမ်းသိုဝ်ႇႁႅင်းၼုမ်ႇ၊  ၸုမ်းၵဝ်ႉငဝ်ႈသုၼ်ႇလႆႈၵူၼ်း ၸိုင်ႈတႆး၊ ၸုမ်းတူင်ႇဝူင်းၵူၼ်း၊ ၸုမ်းႁႅင်းၵၢၼ်ၽွမ်ႉႁူမ်ႈ ဢိၵ်ႇတင်း ၵူၼ်းၶဝ်ႈႁူမ်ႈပၢင်လူႇတၢၼ်း 50-60 ၵေႃႉ။

လိူဝ်ၼၼ်ႉ တၢင်းမေးၼၢင်းၸၢႆးသႅင်ၸိုၼ်ႈ ၼၢင်းလွၼ်ႉယိုၼ်းၵေႃႈ လႆႈဢွၼ်ႁူဝ်လုၵ်ႈတဝ်ႈ ႁႅၼ်းၸတ်း ပၢင်လူႇတၢၼ်းပၼ်ၸၢႆးသႅင်ၸိုၼ်ႈ ဢၼ်လႆႈသဵင်ႈၵမ်သုတ်းမုတ်ၵႂႃႇၶွပ်ႈတဵမ် 3 ပီ ၼႂ်းဝၼ်းတီႈ 15/09/2014 ၼႆႉသေ ယၢတ်ႇၼမ်ႉၶႂမ်ႈတဝ်ႈ ႁဵတ်းတၢင်းလီၼႃးမုၼ် ၵႂႃႇတီႈဝၢၼ်ႈတိၼ်ထၢတ်ႈ (လၵ်းတႅင်ႇ) လႅၼ်လိၼ်တႆး-ထႆး။