ယိူင်းဢၢၼ်းၶႂ်ႈႁႂ်ႈၵူၼ်းမိူင်းႁူႉၽွၼ်းၸႃႉယႃႈမဝ်းၵမ် ၼင်ႇႁိုဝ်ပေႃးတေဢမ်ႇတူၵ်းပဵၼ်ၶီႈၶႃႈ ယႃႈမဝ်းၵမ်လႄႈၵႆယၢၼ်ယႃႈမဝ်းၵမ် ။
ၸဝ်ႈၶူးသီရိထမ်မ ဝတ်ႉၾႃႉဝဵင်းဢိၼ်း လၢတ်ႈဝႃႈ - “ လၢႆသိပ်းပီမႃးယဝ်ႉ ဢၼ်ၵူၼ်းမိူင်းတႆးလႆႈ တူၵ်းပဵၼ်းယိူဝ်ႇ ၊ ၶီႈၶႃႈယႃႈမဝ်းၵမ် ႁဵတ်းႁႂ်ႈၵူၼ်းမိူင်းတႆး တၢင်းယၢမ်ႈလူႉ ၸပ်းတိတ်းယႃႈပေႃး ၸပ်းယႃႈယဝ်ႉႁဵတ်းၵႃႈပဵၼ် ယဵၼ်းပဵၼ်ၵႂႃႇၶီႈလၵ်ႉၵူၼ်းၸူၼ် ၊ ပဵၼ်ၵူၼ်းယွင်ႇၵူၼ်းမႃႈၵႂႃႇၵေႃႈမီး ။ ၵွပ်ႈၼၼ်လႄႈ ႁဝ်းၸင်ႇႁူမ်ႈၵၼ်သေၸတ်းႁဵတ်းမႃးယူႇၶိူဝ်းယႆးပွၵ်ႈၼႆႉပဵၼ်ပွၵ်ႈတီႈ 38 ဝၢႆးသေ လႆႈၸတ်းႁဵတ်းယဝ်ႉ ႁၼ်ဝႃႈၵူၼ်းမိူင်း ပွင်ႇၸႂ်ၼိူဝ်ၽွၼ်ႉၸႃႉယႃႈမဝ်းၵမ် ” ဝႃႈၼႆ ။
မိူဝ်ႈဝၼ်းတီႈ 25/05/2016 ၼၼ်ႉၵေႃႈသင်ၶၸဝ်ႈလႄႈၽူႈၵွၼ်းဢိူင်ႇ လႄႈၵူၼ်းမိူင်း ၼႂ်း 13 ဢိူင်ႇ 4 ၸႄႈဝဵင်း မိူၼ်ၼင်ႇဝဵင်းပၢင်လူင်၊ လၢႆးၶႃႈ ၊ မိူင်းၵိုင်လႄႈႁူဝ်ပူင်းႁူမ်ႈၵၼ်သေဢုပ်ႇၵုမ်ၵၼ်တႃႇ ႁႃလၢႆးတၢင်းဢွၵ်ႇယႃႈမဝ်းၵမ် ။ ၽူႈၶဝ်ႈႁူမ်ႈတင်းမူတ်း 365 ၵေႃႉ ။
ပၢင်တြႃးတိုၵ်းတေႃးယႃႈမဝ်းၵမ်ၼႆႉယူႇတီႈၸဝ်ႈၶူးသီရိထမ်မ ဝတ်ႉၾႃႉဝဵင်းဢိၼ်းဢွၼ်ႁူဝ်သင်ၶ ၸဝ်ႈၵူၼ်းမိူင်းၼႂ်းပိုၼ်ႉတီႈသေႁူမ်ႈၵၼ်ၸတ်းႁဵတ်းမႃးတႃႇသေႇမိူၼ်ၼင်ႇတၢင်ႉယၢၼ်း ၊ ထုင်ႉပူင်း ၊ သီႇသႅင်ႇ ၊ ပၢင်လူင် ၊ မိူင်းၼွင် ၊ လႃႈသဵဝ်ႈ ၊ ၼမ်ႉၸၢင် ၊ ၵူတ်ႉၶၢႆ ၸဵမ်ၸိူဝ်းၼႆႉ ပွၵ်ႈၼႆႉ ပဵၼ်ပွၵ်ႈတီႈ 38 ယဝ်ႉ ။