ၸဝ်ႈတူၼ်ၶူး ပၼ်ႇတိတ လၢတ်ႈဝႃႈ - ၵၢၼ်လိၵ်ႈလၢႆး ၵၢၼ်ၾိင်ႈငႄႈႁဝ်းတေ ၶိုၼ်ႈယႂ်ႇတိူဝ်း တွၼ်းမႃးလႆႈၼၼ်ႉလူဝ်ႇမီးၵေႃႉၵမ်ႉယၼ်ပၼ်ႁႅင်းၾၢႆႇလင်မိူၼ်ၼင်ႇၸုမ်းပွင်ၵၢၼ်ၼႃႈဝၢၼ်ႈတႃသူၼ်လႄႈပေႃႈမႄႈလုၵ်ႈႁဵၼ်း ပေႃးႁဵတ်းၸိူင်ႉၼႆၸိုင် ၵေႃႉၽူႈႁၢပ်ႇၵၢၼ်ၶဝ်ၵေႃႈၸင်ႇငၢႆႈလူမ်ၸႂ်သေ မီးႁႅင်းၸႂ်သိုပ်ႇၶတ်းႁဵတ်းသၢင်ႈၵႂႃႇမိူဝ်းၼႃႈၶၢဝ်းၵႆ ။
ၸၢႆးသၢမ်မူၼ်ႇ ႁူဝ်ပဝ်ႈၵေႃလိၵ်ႈလၢႆးလၢတ်ႈဝႃႈ - “ ဢွၼ်တၢင်းသုတ်း ၶွပ်ႈၸႂ်ထိုင်သင်ၶၸဝ်ႈ ၊ ၵူၼ်း မိူင်း၊မေႃသွၼ်လႄႈလုၵ်ႈႁဵၼ်းၵူႈၵေႃႉတီႈဢွၼ်ၵၼ်ၶတ်းၸႂ်မႃး။ယိူင်းဢၢၼ်းၵေႃလိၵ်ႈလၢႆးႁဝ်းမီးဝႆႉဝႃႈ “ ၵဵပ်းႁွမ် - သိမ်းပႅင်း - ယုၵ်ႉယွင်ႈ လိၵ်ႈလၢႆးလႄႈၾိင်ႈငႄႈယွၼ်ႉလိၵ်ႈလၢႆးလႄႈၾိင်ႈ ငႄႈၼႆႉ မၼ်းပဵၼ်ငဝ်ႈပိုၼ်ႉတႃႇၸိူဝ်ႉၶိူဝ်းလႄႈဝၢၼ်ႈမိူင်းတေႁိူဝ်ႈႁိူင်း ”- ဝႃႈၼႆ ။
ပၢင်သွၼ်လိၵ်ႈတႆးတီႈဝၢၼ်ႈၵုၼ်လူင်ၼႆႉ တႄႇသွၼ်မႃးမိူဝ်ႈဝၼ်းတီႈ 06/03 – 30/04/2016 ၶၢဝ်းတၢင်းၸမ် 2 လိူၼ် သေၸတ်းပွႆးလူင်းပၢင်သွၼ်ၵႂႃႇမိူဝ်ႈဝၼ်းတီႈ 29/05/2016 သင်ၶၸဝ်ႈ လႄႈၵူၼ်းမိူင်းႁူမ်ႈၵၼ်သေၸတ်းႁဵတ်းမႃး ။