ၸုမ်းၶႅၵ်ႇလီပၢင်ၸႃႉ ဝဵင်းလိူဝ်ႇလႄႈ တူၼ်ႈတီး ႁူပ်ႉထူပ်းၵၼ်

ၸုမ်းၶႅၵ်ႇလီပၢင်ၸႃႉ ဝဵင်းလိူဝ်ႉတင်း  ဝဵင်းတူၼ်ႈတီး ႁူပ်ႉထူပ်းဢုပ်ႇဢူဝ်းပိၼ်ႇပၢႆႇ လႅၵ်ႈလၢႆႈ လွင်ႈတူင်ႉၼိုင်ၸုမ်းၽႂ်ၸုမ်းမၼ်း သၢင်ႈလွင်ႈမိုတ်ႈၵိုဝ်းၸမ်ၸႂ်ၵၼ်  တီႈႁူင်းႁေႃၵေႃလိၵ်ႈလၢႆး လႄႈၾိင်ႈငႄႈတႆး တူၼ်ႈတီး ၼႆယဝ်ႉ ။

ဝၼ်းတီႈ 21/05/2016 ယၢမ်း 10:30 မူင်း လုင်းၸၢႆးပၢၼ်းသႅင် ဢွၼ်ႁူဝ်ၸုမ်းၶႅၵ်ႇလီပၢင် ဝဵင်းလိူဝ်ႇ ဢဵၼ်ႁႅင်းၵူၼ်း 50 ပၢႆ ႁူပ်ႉထူပ်း ၽူႈၼမ်းၵေႃလိၵ်ႈလၢႆးလႄႈၾိင်ႈငႄႈတႆး တူၼ်ႈတီး ၸဝ်ႈထဝ်ႈ ဢွၼ်ဢဝ် လုၵ်ႈၸုမ်း 30 ပၢႆသေ ဢုပ်ႇဢူဝ်း ပိၼ်ႇပၢႆႇလႅၵ်ႈလၢႆႈၵၼ် တင်းသွင်ၾၢႆႇ ၼင်ႇႁိုဝ် မုၵ်ႉၸုမ်းပေႃးတေယိုၼ်းယၢဝ်း ၵႂႃႇမိူဝ်းၼႃႈၼၼ်ႉ တေႁဵတ်းၸိူင်ႉႁိုဝ်ၵႂႃႇ ။


ၼၢင်းၼူၼ်းမူဝ် ၽူႈပွင်ၵၢၼ် ၵေႃလိၵ်ႈလၢႆးလႄႈၾိင်ႈငႄႈတႆး တူၼ်ႈတီးလၢတ်ႈဝႃႈ “ ယူႇတီႈၸုမ်းၶႅၵ်ႇလီပၢင်ၸႃႉ ဝဵင်းလိူဝ်ႇ မႃးႁူပ်ႉထူပ်းၵေႃလိၵ်ႈလၢႆး တူၼ်ႈတီးၼႆႉ ၼင်ႇႁိုဝ် ႁဝ်းၶႃႈပေႃးတေမီးလွင်ႈၵပ်းသိုပ်ႇၵၼ် ၊ ယဝ်ႉၵေႃႈသပ်းလႅင်းၼႄ မုၵ်ႉၸုမ်း ႁဵတ်းႁိုဝ် ပဵၼ်မႃး ၊ လွင်ႈၵၢၼ်ၸုၵ်းမၼ်ႈမႃး ၼိူဝ်မူႇၸုမ်း ၊ ၵၢၼ်တူင်ႉၼိုင် တႃႇလိၵ်ႈလၢႆး ၾိင်ႈငႄႈသမ်ႉ ႁဵတ်းၸိူင်ႉႁိုဝ် သေ တူင်ႉၼိုင် တင်းသွင်ၾၢႆႇလႅၵ်ႈလၢႆးတင်းႁူႉၵၼ်ၵႂႃႇၼင်ႇၼႆႉ ။ ယဝ်ႉၵေႃႈ ယိူင်းဢၢၼ်းမိူဝ်းၼႃႈ ၼင်ႇႁိုဝ် မုၵ်ႉၸုမ်းပေႃးတေယိုၼ်းယၢဝ်းၵႂႃႇလႆႈၼၼ်ႉ ႁဝ်းတေလႆႈၸုၵ်းမၼ်ႈၵႂႃႇၸိူင်ႉႁိုဝ် ” ဝႃႈၼႆ ။


ယူႇတီႈၸုမ်းၶၢဝ်ႇၶႅၵ်လီပၢင်ၸႃႉ ဝဵင်းလိူဝ်ႇသေ ယၢမ်း 12 မူင်းပၢႆၼၼ်ႉ သိုပ်ႇၵႂႃႇႁူပ်ႉထူပ်း ၸုမ်းၶႅၵ်ႇလီပၢင်ၸႃႉ ၼမ်ႉၶူင်း တီႈငဝ်ႈလုမ်းတူၼ်ႈတီးထႅင်ႈ။ ၼွၵ်ႈလိူဝ်သေၼၼ်ႉ ယၢမ်းဝၢႆးဝၼ်း 2 မူင်းပၢႆ သိုပ်ႇၵႂႃႇၶဝ်ႈႁူမ်ႈ ပွႆးတၢင်ႇထီးၵွင်းမူးၵၢတ်ႇၵူႇ ၼႆယဝ်ႉ ။