ဝၼ်းတီႈ 29/05/2016 ယၢမ်း 17:30 မူင်းပၢႆၼၼ်ႉ ရူတ်ႉၵႃး သိပ်းသွင်လေႃႉ လုၵ်ႉတၢင်းၵျွၵ်ႉမႄး တေဢၢၼ်းၶိုၼ်ႈၵႂႃႇတၢင်းသီႇပေႃႉ ယွၼ်ႉသဵၼ်ႈတၢင်းၵႅပ်ႈ ၾူၼ်တူၵ်းႁႅင်း သဵၼ်ႈတၢင်းမိုၼ်ႈ ပလၢပ်ႈတူၵ်းတၢင်း တမ် / ၽႃႇႁူဝ်ႉၵူၼ်းဝၢၼ်ႈလုၵွႆၼမ် တီႈဝၢၼ်ႈၼွင်ဢၢင်း ဢိူင်ႇႁွင်ႈမိူင်း ၸႄႈဝဵင်းၵျွၵ်ႉမႄး ၸိုင်ႈတႆး ပွတ်းႁွင်ႇ ။
ၸၢႆးမိူင်းသိူဝ်ၵွင် ၵူၼ်းၼႂ်းပိုၼ်ႉတီႈ ဝၢၼ်ႈၼွင်ဢၢင်း လၢတ်ႈဝႃႈ “ ယွၼ်ႉၾူၼ်တူၵ်းႁႅင်း သဵၼ်ႈတၢင်းမိုၼ်ႈ သမ်ႉပဵၼ်ရူတ်ႉလူင် ဝႄႈရူတ်ႉၵၼ် လႆႈဢဝ်ပလၢပ်ႈတူၵ်းတၢင်း ၵႂႃႇ ၊ ရူတ်ႉၵႃး သိပ်းသွင်လေႃႉၼႆႉ လုၵ်ႉတင်းၵျွၵ်ႉမႄး တေၶိုၼ်ႈၵႂႃႇတၢင်းသီႇပေႃႉ လႃႈသဵဝ်ႈ ၼႂ်းရူတ်ႉသမ်ႉ ဢမ်ႇလႆႈတၢင်ႇၵုၼ်ႇသင်မႃး ပဵၼ်ရူတ်ႉပဝ်ႇသေ ၶိုၼ်ႈမႃးၵူၺ်း ” ဝႃႈၼႆ ။
ၵဵဝ်ႇၵပ်းလူၺ်ႈ ရူတ်ႉၵႃး သိပ်းသွင်လေႃႉပလၢပ်ႈတူၵ်းသဵၼ်ႈတၢင်းသေ တမ်သႂ်ႇႁူဝ်ႉၵူၼ်းဝၢၼ်ႈ ႁူဝ်ရူတ်ႉၵႃး လုလႅဝ်ၵမ်ႈၽွင်ႈ ၊ မၢၼ်ႇတင်းၼႃႈရူတ်ႉတႅၵ်ႇ ၊ ၾႆးရူတ်ႉတင်းၼႃႈ လုၵွႆ လႄႈ ႁူဝ်ႉဢုတ်ႇ ၵမ်ႈၽွင်ႈ ၵုၼ်ႇပၢင်းၼမ် ၵူၼ်းၶပ်ႉရူတ်ႉလႄႈ ၵူၼ်းမႃးၸွမ်းတႄႉ ဢမ်ႇတၼ်းလႆႈမၢတ်ႇၸဵပ်းသင် ဝႃႈၼႆ ။