 |
| Photo By - Sai Hseng Hsorm |
မေႃသွၼ်လူင် လုင်းၸၢႆးၸၢမ်ႁွမ် ၵေႃႈလၢတ်ႈဝႃႈ - “ လိၵ်ႈတႆးၼႆႉတႅမ်ႈၸိူင်ႉႁိုဝ်ၵေႃႈလူဢွၵ်ႇသဵင် မိူၼ်ၼၼ် သဵင်လၢတ်ႈလႄႈတူဝ်လိၵ်ႈတိုၼ်းၸပ်းပဵၼ်ႁွႆးလဵဝ်ၵၼ် ၵွပ်ႈၼႆၸိုဝ်ႈဝၢၼ်ႈၸိုဝ်ႈသူၼ် ၸိုဝ်ႈဝဵင်းႁဝ်းတၵ်းထုၵ်ႇလီလႆႈ တႅမ်ႈပႃးလိၵ်ႈတႆးယဝ်ႉ ၊ တီႈပွင်ႇၵေႃႈ ၸင်ႇတေဢမ်ႇၸၢင်ႈပၢႆႈပိူင်ႈ ” - ဝႃႈၼႆ ။
ၽူႈၵွၼ်းႁွင်ႈႁဵၼ်း ၸၢႆးဢၢႆႈသိူဝ် လၢတ်ႈဝႃႈ - “ ႁဝ်းဢမ်ႇမေႃဝႆႉၵႃႈၶၼ်လိၵ်ႈလၢႆးပၢႆပေႇၸဝ်ႈၵဝ်ႇ ဢမ်ႇသူင်ဢမ်ႇဝႆႉၼၵ်းတေႃႇၵၢၼ်ပၢႆးပၺ်ႇၺႃႇ ဢၼ်ပဵၼ်ၶွင်တႆးတႄႉတႄႉလႄႈ ႁူင်းႁဵၼ်းတႆး ဢွင်ႈသွၼ်လိၵ်ႈတႆး၊ ၵေႃႈၸင်ႇလႆႈယၢပ်ႇယဵၼ်းဝႆႉ ” ဝႃႈၼႆ ။
ပၢင်သွၼ်လိၵ်ႈတႆးၶၢဝ်းမႆႈၼႆႉတႄႇမႃးမိူဝ်ႈ ဝၼ်းတီႈ 21/03– 18/05/2016 မီးမေႃသွၼ် 3 ၵေႃႉ ၸၢႆး 1 ၵေႃႉ ယိင်း 2 ၵေႃႉ လုၵ်ႈႁဵၼ်းမီး 73 ၵေႃႉ ၸၢႆး 28 ၵေႃႉ ယိင်း 45 ၵေႃႉ ။