ဝၼ်းတီႈ 23/05/2016 သင်ၶၸဝ်ႈလႄႈၵူၼ်းမိူင်းထုင်ႉလွႆႁူဝ်သိူဝ် ၸတ်းႁဵတ်းပွႆးလူင်းပၢင်သွၼ် လိၵ်ႈတႆးလႄႈႁူင်းႁဵၼ်းထမ်မ မီးသင်ၶၸဝ်ႈ မေႃသွၼ် ၊ လုၵ်ႈႁဵၼ်း ၵူၼ်းမိူင်းၶဝ်ႈႁူမ်ႈတင်းၼမ် ။ ၸတ်းႁဵတ်းၵႂႃႇတီႈဝတ်ႉ (ၵျွင်း) ဝၢၼ်ႈၵုင်းၶမ်းပၢင်ႇၶမ်း ထုင်ႉလွႆႁူဝ်သိူဝ် ၸႄႈမိူင်းၶၢင် ။
ၸဝ်ႈၸၢင်း ဢႃႇၸိင်ႇၼ လၢတ်ႈဝႃႈ - “ ၼင်ႇႁိုဝ်လုၵ်ႈလၢၼ်တႆး ပေႃးတေႁဵၼ်းဢဝ်လိၵ်ႈလၢႆးတႆး ႁႂ်ႈမေႃလိၵ်ႈတႆးၵူႈၵေႃႉ ၊ ႁႂ်ႈႁူႉလွင်ႈၾိင်ႈငႄႈပုတ်ႉထၸဝ်ႈ ၼင်ႇႁိုဝ်ၾိင်ႈငႄႈ ပုတ်ႉထၸဝ်ႈလႄႈ လိၵ်ႈလၢႆးတႆးပေႃးတေႁိူဝ်ႈႁိူင်းၵႂႃႇပၢင်သွၼ်ၸိူင်ႉၼႆၼႆႉတေဢၢၼ်းၸတ်းႁဵတ်းၵႂႃႇၵူႈပီ ” ဝႃႈၼႆ ။
ပၢင်သွၼ်ၼႆႉ ၸဝ်ႈၸၢင်း ဢႃႇၸိင်ႇၼ ၊ ႁူဝ်ပဝ်ႈၼႂ်းဢိူင်ႇဝၢၼ်ႈ ၵုင်းၶမ်း ၊ မေႃသွၼ်ၵူၼ်းမိူင်းႁူမ်ႈ ၵၼ်သေတႄႇၸတ်းႁဵတ်းမႃးၸဵမ်မိူဝ်ႈ ပီ 2015 တေႃႇထိုင် ဝၼ်းတီႈ 23 /05/ 2016 ၶၢဝ်းတၢင်းႁိုင် 10 လိူၼ် မီးလုၵ်ႈႁဵၼ်း 70 ပၢႆ မေႃသွၼ်မီး 23 ၵေႃႉလုၵ်ႈႁဵၼ်း ဢၼ်ဢွင်ႇပူၼ်ႉ ၸၼ်ႉမီး 51 ၵေႃႉ ။