ၸၢႆးတေႃး ၵေႃႉၶႃႈႁႅမ်မေးၼၢင်း လႄႈပေႃႈၸဝ်ႈ (ပေႃႈၾၢႆႇမေး) မိူဝ်ႈဝၼ်းတီႈ 21/11/2016 ၼၼ်ႉ မၼ်းၸၢႆးၵိၼ်ယႃၶႃႈယိူဝ်ႈသေ လူႉတၢႆ ၵႂႃႇႁူင်းယႃၼၶွၼ်းၽိင်း ဝဵင်းၵဵင်းမႆႇ ဝႃႈၼႆ ။


ၸၢႆးတေႃး ဢႃယု 44 ပီ ပဵၼ်ၵူၼ်းၸႃတိ ၸႄႈဝဵင်းၶူဝ်လမ် ပွၵ်ႉ 2 ၶႃႈႁႅမ်မေးၼၢင်း ၼၢင်းယူင်ႇလႄႈ ပေႃႈၾၢႆႇမေးလုင်းၼႃႇလိင်ႇ မိူဝ်ႈဝၼ်းတီႈ 21 ၼၼ်ႉသေ မၼ်းၸၢႆးၵိၼ်ယႃၶႃႈယိူဝ်ႈ ၶိုင်ဢၢၼ်းၶႃႈတူဝ်တၢႆၸွမ်း။ ၸဝ်ႈၼႃႈတီႈပလိၵ်ႈၸႄႈဝဵင်းမႄႈရိမ်း တီႉၺွပ်းလႆႈယဝ်ႉ ၶဝ်ႈသူင်ႇယႃတူဝ် တီႈႁူင်းယႃၼၶွၼ်းၽိင်း ၸႄႈဝဵင်းမႄႈရိမ်း ၸႄႈတွၼ်ႈၵဵင်းမႆႇ ၸိုင်ႈထႆး၊ ၵူၺ်းၵႃႈ ယႃဢမ်ႇတၼ်းၶိုတ်းသေ မၼ်းၸၢႆးလႆႈလူႉတၢႆၵႂႃႇတီႈႁူင်းယႃ မိူဝ်ႈဝၼ်းတီႈ 25/11/2016 ယၢမ်းဝၢႆးဝၼ်း 02:00 မူင်းပၢႆ ။


ၸၢႆးလိူၼ်ၶမ်း ၽူႈတူင်ႉၼိုင်တူင်ႇဝူင်းတႆး ၼႂ်းၵဵင်းမႆႇ လၢတ်ႈဝႃႈ “ ပီႈၼွင်ႉၸၢႆးတေႃး မႃးလၢတ်ႈဝႃႈ ၸွႆႈထႅမ်မၼ်းၸၢႆး ၵိၼ်ယႃၶႃႈယိူဝ်ႈၸဵမ် မိူဝ်ႈဝၼ်းဢၼ် မၼ်းၶႃႈႁႅမ် မေးမၼ်း တေဢၢၼ်း ၶႃႈတူဝ်တၢႆ။ ၵူၺ်းၵႃႈ ယႃႈယႃၼႆႉဢမ်ႇႁႅင်းလႄႈဢမ်ႇ တၢႆၵမ်းလဵဝ်၊ ၸင်ႇၵႂႃႇတၢႆတီႈႁူင်းယႃ။ တၼ်းလႆႈၶိုၼ်ႈႁူင်းယႃ မွၵ်ႈ 1-2 ဝၼ်း” ဝႃႈၼႆ ။


သိုပ်ႇလၢတ်ႈထႅင်ႈဝႃႈ ယူႇတီႈပီႈၼွင်ႉၾၢႆႇၸၢႆးတေႃးၵေႃႈ “ မွပ်ႈၶၢပ်ႈတူဝ် တၢႆၸၢႆးတေႃးပၼ် ႁူင်းယႃႁႂ်ႈလုမ်းလႃးယဝ်ႉ ” ဝႃႈၼႆ ။


ပူၼ်ႉမႃး မိူဝ်ႈဝၼ်းတီႈ 21/11/2016 ယၢမ်းၵၢင်ၶမ်ႈ 9 မူင်းပၢႆ ၸၢႆးတေႃးလႄႈမေးၼၢင်းၽိတ်း မေႃးၵၼ်လွင်ႈၼႃႈႁိူၼ်း တႃယေးသေ ၶႃႈႁႅမ်မေးၼၢင်း ပေႃႈၾၢႆႇမေးသမ်ႉၶႄလႄႈ ထုၵ်ႇၶႃႈႁႅမ် ၼင်ႇၵဝ်ႇ။ တၢႆထင်တီႈတင်း 2 ပေႃႈလုၵ်ႈ။ ထိုင်မႃး ဝၼ်းတီႈ 22/11/2016 ၸဝ်ႈၼႃႈတီႈပလိၵ်ႈ ၸႄႈဝဵင်းသၼ်သၢႆး တီႉၺွပ်းလႆႈတူဝ် ၸၢႆးတေႃး ဝႃႈၼႆ ။


ၸၢႆးတေႃး တၢင်းၼၢင်းယူင်ႇၼႆႉ ဢမ်ႇမီးလုၵ်ႈႁူမ်ႈၵၼ်။ ၵူၺ်းၵႃႈ ၼၢင်းယူင်ႇၼႆႉမီး လုၵ်ႈ 2 ၵေႃႉ လူၺ်ႈၽူဝ်ၵေႃႉဢွၼ်တၢင်း ။