သင်ၶၸဝ်ႈလႄႈ တၵ်းၵႃႇသတ်ႉထႃး ၼပ်ႉႁူဝ်ပၢၵ်ႇ  ႁပ်ႉတွၼ်ႈၸဝ်ႈတူၼ်ၶူး ဝုၼ်းၸုမ်ႉ (ၸဝ်ႈ သိလ်ထမ်းဝုၼ်းၸုမ်ႉ) ဢွၵ်ႇဝႃႇသႃ တီႈထမ်ႈႁူဝ်ၼမ်ႉဝူင်း ဢိူင်ႇမိူင်းပူးဢွၼ်ႇ ၸႄႈဝဵင်းမိူင်းပဵင်း မိူင်းတႆးပွတ်းဢွၵ်ႇ ။

ဝၼ်းတီႈ 16/10/2016 ယၢမ်းၵၢင်ၼႂ် 10:00 မူင်း လိူၼ်သိပ်းဢဵတ်းမူၼ်း ဝၼ်းဢွၵ်ႇဝႃႇသႃ သင်ၶ ၸဝ်ႈလႄႈ ပီႈၼွင်ႉတၵ်းၵႃႇသတ်ႉထႃး ႁူမ်ႈၵၼ်ပႂ်ႉႁပ်ႉတွၼ်ႈ ၸဝ်ႈၶူးဝႃး ဝုၼ်း ၸုမ်ႉ ဢွၵ်ႇထမ်ႈ တီႈထမ်ႈႁူဝ်ၼမ်ႉဝူင်း ဢိူင်ႇမိူင်းပူးဢွၼ်ႇ ၸႄႈဝဵင်းမိူင်းပဵင်း ၸႄႈတွၼ်ႈ ၵဵင်းတုင် ၸိုင်ႈတႆး ပွတ်း ဢွၵ်ႇၶူင်း ဢၼ်ၸဝ်ႈၶဝ်ႈထမ်ႈ တိုဝ်းၵမ်မႃးၶၢဝ်းတၢင်း 3 လိူၼ် ၽွင်းၼႂ်းဝႃႇသႃ ပီၼႆႉ ဝႃႈၼႆ ။


ၸၢႆးပေႇတ ၽူႈၵွၼ်းဢိူင်ႇ မိူင်းပူးဢွၼ်ႇ လၢတ်ႈဝႃႈ “ ယူႇတီႈ ၸဝ်ႈသိလ်ထမ်းပေႃႈဝုၼ်းၸုမ်ႉ ၶဝ်ႈတိုဝ်းၵမ် ၼႂ်းဝႃႇ 3 လိူၼ် တီႈထမ်ႈႁူဝ်ၼမ်ႉဝူင်း ပီၼႆႉတေလႆႈဝႃႈ ပဵၼ်ပီဢွၼ်တၢင်းသုတ်း ၶႃႈယဝ်ႉ၊ ယူႇတီႈ ၸဝ်ႈႁဝ်းသေ လၢတ်ႈဝႃႈ တေမႃးၶဝ်ႈ တိုဝ်းၵမ်ထႅင်ႈယူႇ တီႈထမ်ႈၼႆႉ” ဝႃႈၼႆ ။


သိုပ်ႇလၢတ်ႈထႅင်ႈဝႃႈ ၶၢဝ်းတၢင်း 7 ဝၼ်းၼႆႉ ယူႇတီႈၸဝ်ႈသိလ်ထမ်းပေႃႈဝုၼ်းၸုမ်ႉလႄႈ တၵ်ႉၵႃႇ သတ်ႉထႃး တေႁူမ်ႈၵၼ်ၵေႃႇသၢင်ႈ ထၢတ်ႈၸဝ်ႈတၼ်းၸႂ် တီႈႁိမ်းထမ်ႈႁူဝ်ၼမ်ႉဝူင်း သူႇၼိုင်ႈ ဝႃႈၼႆ ။


ဝၼ်းဢွၵ်ႇဝႃႇသႃ လိူၼ်သိပ်းဢဵတ်းမူၼ်းၼႆႉ ၸဝ်ႈသိလ်ထမ်းပေႃႈဝုၼ်းၸုမ်ႉ မျၢတ်ႈတႃႇ တြႃးပၼ် ပီႈၼွင်ႉတၵ်းၵႃႇသတ်ႉထႃး ယၢမ်းၵၢင်ၼႂ်၊ ထိုင်မႃး ယၢမ်းၵၢင်ၶမ်ႈသမ်ႉ ဢွၼ်ဢဝ်ပီႈၼွင်ႉ ပေႃႈမႄႈ ၵူၼ်းမိူင်း ဝႆႈၽြႃးသေ မျၢတ်ႈတႃႇတြႃးထႅင်ႈ ဝႃႈၼႆ ။


ဝၼ်းဢွၵ်ႇဝႃႇသႃၼႆႉ မီးပီႈၼွင်ႉတၵ်ႉၵႃႇသတ်းထႃး တီႈၸမ်/ၵႆ ပႂ်ႉႁပ်ႉတွၼ်ႈ ၸဝ်ႈတူၼ်ၶူးဝႃး ဝုၼ်းၸုမ်း မိူၼ် မူႇၸႄႈ၊ ၼမ်ႉၶမ်း၊ တၢင်ႉယၢၼ်း၊ လႃႈသဵဝ်ႈ၊ သႅၼ်ဝီ။ ႁူမ်ႈလူၺ်ႈ ပီႈၼွင်ႉတၵ်ႉၵႃႇ သတ်ႉထႃး တၢင်းပွတ်းၸၢၼ်းလႄႈ ပွတ်းဢွၵ်ႇၶူင်း ၸဵမ်ၸိူဝ်းၼႆႉ ဝႃႈၼႆ ။


ထိုင်မႃး လိူၼ်သိပ်းဢဵတ်းလွင်ႈ 3-4 ၶမ်ႈသမ်ႉ ယူႇတီႈၸဝ်ႈတူၼ်ၶူးဝႃးဝုၼ်းၸုမ်ႉ တေယေႃး မုၼ်ၶဝ်ႈသိမ်ႇ တီႈဝိႁၢရ်ၵျွင်းၶုမ်ႉ ဢိူင်ႇမိူင်းပူးဢွၼ်ႇ။ ဝၢႆးၼၼ်ႉ တေၵႂႃႇလူႇတၢၼ်း မႄးၵေႃႇ ၵုမ်းလုမ်းလႃး တီႈထၢတ်ႈၸွမ်ၸဵင်။ သိုပ်ႇၼၼ်ႉ တေယေႃးတူဝ်/ၵႂႃႇပၢင်လူင် ၸႄႈတွၼ်ႈလွႆလႅမ် ၸိုင်ႈတႆး ပွတ်းၸၢၼ်း ။