ၾႆးမႆႈႁိူၼ်းၼႂ်းဢိူင်ႇမၢၼ်ႈဝဵင်း ၸႄႈဝဵင်းမၢၼ်ႈၸႄႈ ပဵၼ်ၽွင်းၸဝ်ႈႁိူၼ်းဢမ်ႇယူႇလႄႈၾႆးမႆႈ   လူႉသုမ်းတင်းလင် ။

ဝၼ်းတီႈ18/09/2016 ၶၢဝ်းယၢမ်းဝၢႆးဝၼ်း03:15 ၾႆးမႆႈ ႁိူၼ်းဢူးဢွင်ႇမျၢတ်ႈ တီႈပွၵ်ႉ 5 ၸႄႈဝဵင်း မၢၼ်ႈၸႄႈ လႅၼ်လိၼ်တႆး-ၶၢင် ။


ၵူၼ်းဝၢၼ်ႈလႄႈၾၢႆႇၶႄၾႆးၸွႆႈၵၼ်ႁူတ်းၾႆးလႄႈၾႆးမွတ်ႇၵႂႃႇ ၽွင်းၶၢဝ်းယၢမ်း 05:00 မူင်း။ ပဵၼ်ၽွင်းၸဝ်ႈႁိူၼ်းဢမ်ႇယူႇႁိူၼ်းသေၵေႃႉလႄႈ ပဵၼ်ၽဝ်ႇပႅတ်ႈ တင်းလင် ။


ၽူႈၸွႆႈၶႄၾႆးၵေႃႉၼိုင်ႈလၢတ်ႈဝႃႈ - “ၾႆးၼႆႉမႆႈတီႈၼႂ်းႁွင်ႈမိုဝ်ႉ(သွင်ႇၾႆး)သေလၢမ်းၶဝ်ႈၼႂ်းႁိူၼ်း ။


ၽွင်းၼၼ်ႉသမ်ႉမႅၼ်ႈမိူဝ်ႈၸဝ်ႈႁိူၼ်းဢမ်ႇယူႇလႄႈၾႆးလႆႈလၢမ်းမႆႈၵႂႃႇပႅတ်ႈတင်းလင်ပဵၼ်ႁိူၼ်း ပႅၼ်ႈ2 ၸၼ်ႉၵႃႈၶၼ်းလူႉသုမ်းပႆႇၸၢင်ႈလၢမ်းၶၢတ်ႈ” ဝႃႈၼႆ။


ၸိူင်ႉၼၼ်ၼင်ႇၵဝ်ႇၼႂ်းဝၼ်းလဵဝ်ၵၼ် ၶၢဝ်းယၢမ်းၵၢင်ၼႂ် 10:45 မူင်းၼၼ်ႉ ၾႆးမႆႈႁိူၼ်း တီႈပွၵ်ႉ3 ႁိမ်းၵၢတ်ႇလူင် လွႆယဵဝ်ႈ ဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇ ။ လႆႈႁူႉဝႃႈပဵၼ်ၾႆးတဵၼ်းတီႈ ၶဵင်ႇၽြႃး မႆႈလူင်းၼႂ်းႁိူၼ်း - ဝႃႈၼႆ ။