ႁွင်ႈၵၢၼ်ၾၢႆႇယူႇလီ ၸႄႈဝဵင်းလႃႈသဵဝ်ႈ ၶုတ်းႁၼ်မၢၵ်ႇမိုဝ်ႈၸိုၼ်းယၢမ်း ပၢၼ်သိုၵ်းလုမ်ႈၾႃႉပွၵ်ႈ 2



ႁွင်ႈၵၢၼ်ၾၢႆႇပၢႆးယူႇလီ ၸႄႈဝဵင်းလႃႈသဵဝ်ႈ တေၵေႃႇသၢင်ႈႁိူၼ်း၊ ၶုတ်းလိၼ်ႁၼ်မႅၼ်ႈၺႃး မၢၵ်ႇမိုဝ်ႈၸိုၼ်းယၢမ်း ပၢၼ်သိုၵ်းလုမ်ႈၾႃႉပွၵ်ႈ 2 ၊ ၸဝ်ႈၼႃႈတီႈပလိၵ်ႈ ဢဝ်ၵႂႃႇဝႆႉတီႈႁူင်းပလိၵ်ႈမၢႆ 2 လႃႈသဵဝ်ႈ ။


မိူဝ်ႈဝၼ်းတီႈ 13/01/2017 ၼၼ်ႉ တီႈပွၵ်ႉၼိုင်ႈ ဝဵင်းလႃႈသဵဝ်ႈ၊ ႁွင်ႈၵၢၼ်ၾၢႆႇပၢႆးယူႇလီၸႄႈဝဵင်းၶဝ်ၶုတ်းလိၼ် ပိူဝ်ႈတႃႇၵေႃႇသၢင်ႈႁိူၼ်းၼႆသေ ၶုတ်းၺႃးမၢၵ်ႇမိုဝ်ႈၸိုၼ်းယၢမ်း မၢၵ်ႇၵွင်ႈ ၸဵမ်မိူဝ်ႈပၢၼ်သိုၵ်းလုမ်ႈၾႃႉပွၵ်ႈ 2 တင်းၼမ်တင်းလၢႆ- ၼႆယဝ်ႉ ။


ၵူၼ်းပွၵ်ႉၼိုင်ႈဝဵင်းလႃႈသဵဝ်ႈ ၵေႃႉၼိုင်ႈလၢတ်ႈဝႃႈ- ဢၼ်ၶဝ်ၶုတ်းလႆႈၼႆႉ ပဵၼ်မၢၵ်ႇၵွင်ႈလၢႆႊၽိူဝ်ႊလ် .303 (Rifle .303) ႁၼ်ပဵၼ်ႁႃႈပၢၵ်ႇပၢႆ ၸမ်ႁိမ်းႁူၵ်းပၢၵ်ႇ။ မၢၵ်ႇၵွင်ႈၵဝ်ႇၸိူဝ်းၼႆႉ ယၢမ်းလဵဝ်ဢဝ်ၵႂႃႇဝႆႉတီႈတပ်ႉပလိၵ်ႈမၢႆ 1 ယဝ်ႉ။ ၵေႃႉဢဝ်ၵႂႃႇမၼ်းၵေႃႈပဵၼ် ၵႅမ်ၽူႈၵွၼ်းတပ်ႉပလိၵ်ႈ ၵျေႃႇၼၢႆႇ၊ ၶဝ်တေဢဝ်ၵႂႃႇတၢင်းလႂ်ထႅင်ႈတႄႉပႆႇႁူႉ- ဝႃႈၼႆ ။


ၵူၼ်းၼႂ်းပိုၼ်ႉတီႈၵေႃႉၼိုင်ႈလၢတ်ႈဝႃႈ- ၸိူဝ်းၸွမ်းႁိမ်းႁွမ်းၼၼ်ႉၵေႃႈ လႅပ်ႈတေမီးထႅင်ႈမေႃႈၶမ်းၸိူဝ်းၼႆႉလႄႈ ၶဝ်ယင်းၶိုင်ဢၢင်ႈတေၶုတ်းထႅင်ႈယူႇ တီႈႁိမ်းႁွမ်းၼၼ်ႉ၊ ဢၼ်ၼၼ်ႉၵေႃႈလီပၵ်းတႃပႂ်ႉတူၺ်း။ ၵူၺ်းၵႃႈလွင်ႈၼႆႉ ယူႇတီႈၸုမ်းၶၢဝ်ႇၽူႈတွႆႇႁွၵ်ႈ ပႆႇယိုၼ်ယၼ်လႆႈ ။




 
© 2012 All Rights Reserved | Asean Celebrity | Fonts @ AtFonts | Free Templates