ၵူတ်ႇထတ်းသဵၼ်ႈမၢႆၶႅၵ်ႇသေ ၺွပ်းၺႃး ၵူၼ်းၵႃႉယႃႈ



ၸုမ်းၾၢႆႇၽွင်းငမ်းလႄႈ ၸုမ်းၽဵဝ်ႈမူၺ်ႉ ယႃႈမဝ်းၵမ် ဝဵင်းသီႇပေႃႉ လူင်းပိုၼ်ႉတီႈ ၵူတ်ႇထတ်းသဵၼ်ႈမၢႆၶႅၵ်ႇ တီႈႁိူၼ်း ၼၢင်းဢူႉ လုၵ်ႈယိင်း လုင်းတိ ၺွပ်းၺႃး ၵူၼ်းၵႃႉယႃႈ လႆႈပႃးယႃႈမႃႉ ႁဵင်မဵတ်ႉလိူဝ်လိူဝ် လႄႈ ယႃႈၽိူၵ်ႇ ယႃႈလမ် တင်းၼမ်။



ဝၼ်းတီႈ 16 / 4/ 2015 ၵၢင်ၶိုၼ်း 11 .00 မူင်းၼၼ်ႉ ၸုမ်းၾၢႆႇၽွင်းငမ်းလႄႈ ၸုမ်းၽဵဝ်ႈမူၺ်ႉယႃႈမဝ်းၵမ် ဢိူင်ႇဝၢၼ်ႈလီ ႁူမ်ႈမိုဝ်းၵၼ် ၶဝ်ႈၵူတ်ႇထတ်း သဵၼ်ႈမၢႆၶႅၵ်ႇ တီႈႁိူၼ်းၼၢင်းဢူႉ ဢႃႇယု 35 လုၵ်ႈယိင်း လုင်းတီႉ  ( လုၵ်ႉ- ႁူဝ်ၶၢႆး - ၸႄႈဝဵင်းမိူင်းၵိုင် ၶၢႆႉမႃးယူႇ ဝၢၼ်ႈလီႈ ) လႄႈလႆႈၺွပ်းၺႃး ၸၢႆးဝၼ်း ဢႃႇယု 36 ပီ လုၵ်ႈၸၢႆး လုင်းပၢင်ႇ + ပႃႈၼူႉ  ဝၢၼ်ႈၶူဝ်ႁၵ်း ယူႇၼိူဝ်သဵၼ်ႈတၢင်း လႃႈသဵဝ်ႈမိူင်းၵိုင်  လုၵ်ႉဝၢၼ်ႈၵုင်းႁေႃ ၵေးသီး ၶၢႆႉမႃးယူႇ ၶူဝ်ႁၵ်း  လူၺ်ႈတၢင်းယႃႈမႃႈ 1709  မဵတ်ႉ ၊ ယႃႈလမ် 8 ၵျၢပ်ႈ ၊ ယႃႈၾိၼ်ႇၽိူၵ်ႇ သီၶွၼ်ႇ တဝ်ႈသႅၼ်းလီ တဝ်ႈ ၼမ်ႉဝၢၼ် 150 ၼိုင်ႈတဝ်ႈ ၊ တဝ်ႈယႃႈယႃ ( ယေႇသူႇသေးပျႃး ) ၼိုင်ႈတဝ်ႈပၼႄႊသရိၼ်ႊ ၼိုင်ႈတဝ်ႈ ၼႂ်းလွတ်ႇ 14 ပွတ်း ႁူမ်ႈတင်း ၶွၵ်ႇၾူၼ်ႊဢၼ်ၵဝ်ႇ 4 လုၵ်ႈ မၢၵ်ႇၵွင်ႈ M-22 ၼိုင်ႈလုၵ်ႈ ငိုၼ်း တႃႇသူႇယႃႈ ၼိုင်ႈၵဵၼ် မူၵ်ႇသတီႊ ၼိုင်ႈမူၵ်ႇ တဝ်ႈသူဢယႃႈမႃႉ 2 တဝ်ႈ  ယႃႇၸူႇႁိဝ်ႈယႃႈ ၼိုင်ႈဢၼ်လႄႈ လူတ်ႉၶိူင်ႈၼိုင်ႈလမ်း ။

ၵေႃႉပဵၼ်ၸဝ်ႈႁိူၼ်း ၼၢင်းဢူႉ တင်း ၶႅၵ်ႇၸၢႆးဝၼ်း ဢၼ်ၵႃႉၶၢႆယႃႈလႄႈ တီႉၺွပ်းဝႆႉၼၼ်ႉ ၸုမ်းၽဵဝ်ႈမူၺ်ႉယႃႈမဝ်းၵမ် ဢိူင်ႇဝၢၼ်ႈလီႈၶဝ် ဢဝ်သူင်ႇမွပ်ႈပၼ် ၸဝ်ႈၼႃႈတီႈ မၢႆ 9  တပ်ႉၵွင် 377 RCSS ၼႆ - လႆႈႁူႉၼင်ႇၼႆ။




 
© 2012 All Rights Reserved | Asean Celebrity | Fonts @ AtFonts | Free Templates