ပႃႇတီႇမႂ်ႇသုင်ၸိုင်ႈတႆး ဢွၵ်ႇၶေႃႈပိုၼ်ၽၢဝ်ႇ ထိုင်ၵူၼ်းသိုၵ်း ဢိၵ်ႇ ၵူၼ်းမိူင်း
ငဝ်ႈငုၼ်း ပႃႇတီႇမႂ်ႇသုင်ၸိုင်ႈတႆး ဢွၵ်ႇၶေႃႈပိုၼ်ၽၢဝ်ႇ ထိုင် ၵူၼ်းသိုၵ်း
ၵူၼ်းမိူင်း ၵူႈႁွင်ႈၵၢၼ် ႁၢမ်ႈၵဵဝ်ႇၶွင်ႈ ယႃႈမဝ်းၵမ်၊ ႁၢမ်ႈၽိတ်းမေႃး
ႁဵတ်းႁၢႆႉတီႈၵၼ်၊ ႁၢမ်ႈပူၼ်ႉပႅၼ်ၶေႃႈၸီႉသင်ႇ။
ၼႂ်းၶေႃႈပိုၼ်ၽၢဝ်ႇလၢတ်ႈဝႃႈ -
ၵူၼ်းသိုၵ်းဢိၵ်ႇၵူၼ်းမိူင်း ၼႂ်းပိုၼ်ႉတီႈၼႃႈလိၼ်
ပႃႇတီႇမႂ်ႇသုင်ၸိုင်ႈတႆး/ တပ်ႉသိုၵ်းၸိုင်ႈတႆး (SSPP/SSA) တင်းသဵင်ႈ
တၵ်းတေဢမ်ႇလႆႈ ၵဵဝ်ႇၶွင်ႈၸွမ်းယႃႈမဝ်းၵမ် (သူႇ/သမ်း/ ၵိၼ်/ၶၢႆ)
လၵ်ႉလွမ်တေႃႉသူင်ႇ ၶဝ်ႈဢွၵ်ႇ။
ၵူၼ်းသိုၵ်းဢိၵ်ႇၵူၼ်းမိူင်း
ၼႂ်းပိုၼ်ႉတီႈၼႃႈလိၼ် SSPP/SSA ၵုမ်းၵမ်ၼၼ်ႉ ပေႃးမီးလွင်ႈႁၼ်ထိုင်
ဢမ်ႇမိူၼ်ၵၼ်သေ ၵိူတ်ႇၵၢၼ်ၽိတ်းၽႅၵ်ႇထဵင်မေႃးၵၼ်ၸိုင်
တေဢမ်ႇလႆႈၸႂ်ႉတိုဝ်းၶိူင်ႈမိုဝ်း ၵွင်ႈၵၢင်ႇ၊ ၽႃႉ/ လႅဝ်း/ မိတ်ႈ/
ႁွၵ်ႇလၢပ်ႇ ဢၼ်ၸၢင်ႈဢဝ်ၵူၼ်းတၢႆ/ ဝၢတ်ႇၸဵပ်း ႁဵတ်းတီႈၵၼ်။ တေလႆႈဢဝ်လၢႆး
ဢူၼ်ႈဢွၼ်ႇ သိုဝ်ႈသႂ် ဢုပ်ႇဢူဝ်းၵႄႈလိတ်ႈၵၼ်ၵႂႃႇ
ၸွမ်းၼင်ႇပိူင်မၢႆမီႈမီးဝႆႉ။
Tags: Military, News