ပၢင်ႁူပ်ႉထူပ်းဢုပ်ႇၵုမ် ၸုမ်းတူင်ႉၼိုင် တူင်ႇဝူင်းၵူၼ်း ၸိုင်ႈတႆး



ယိူင်းဢၢၼ်း ႁႂ်ႈၸုမ်းတူင်ႉၼိုင်တူင်ႇဝူင်းၵူၼ်း ၼႂ်းမိူင်းမၢၼ်ႈ/ ၼႂ်းၸိုင်ႈတႆးၵႅၼ်ႇၶႅင်၊  ႁႂ်ႈလႆႈ ၵွင်ႉသၢၼ်ႁူမ်ႈမိုဝ်းၵၼ်ၵႂႃႇ ၼႆသေ မီးၵၢၼ်ၸတ်း ပၢင်ႁူပ်ႉထူပ်းဢုပ်ႇၵုမ် တီႈဝဵင်းတူၼ်ႈတီး၊ မီးၵူၼ်းၶဝ်ႈႁူမ်ႈၼပ်ႉႁူဝ်ပၢၵ်ႇ။

ဝၼ်းတီႈ 17-19/09/2014 (မိူဝ်ႈၼႆႉ) ၶူင်းၵၢၼ်ပူၵ်းပွင်ၸၢတ်ႈၸိုင်ႈ ၽွမ်ႉႁူမ်ႈ (UNDO) ဢွၼ်ႁူဝ်သေ ၸတ်းပၢင်ႁူပ်ႉထူပ်းဢုပ်ႇၵုမ် ၸုမ်းတူင်ႉၼိုင်တူင်ႇဝူင်းၵူၼ်း ၼႂ်းၸိုင်ႈတႆးပတ်းပိုၼ်ႉ တီႈႁူင်းႁေႃ ၵေႃလိၵ်ႈလၢႆးလႄႈၾိင်ႈငႄႈတႆး ဝဵင်းတူၼ်ႈတီး ၸိုင်ႈတႆးပွတ်းၸၢၼ်း။ မီးတူဝ်တႅၼ်းလၢႆမူႇၸုမ်း ၸိူဝ်းတူင်ႉၼိုင်တူင်ႇဝူင်းၵူၼ်း၊ ၵဵဝ်ႇၵပ်းၾိင်ႈငႄႈၾိင်ႈထုင်း ၵူႈၸၢဝ်းၶိူဝ်း ၼႂ်းၸိုင်ႈတႆး ပွတ်းႁွင်ႇ/ၸၢၼ်း/ဢွၵ်ႇ တင်းသၢမ်တွၼ်ႈ ၶဝ်ႈႁူမ်ႈတင်းမူတ်း 270 ပၢႆ- ၼႆယဝ်ႉ။

ဢူးၼေႇမဵဝ်း ၵေႃႉပဵၼ်ၵႅမ်ၽူႈၼမ်းၼႂ်း တႃႇပွင်ပဵၼ်ပၢင်ၵုမ် လၢတ်ႈဝႃႈ- ၶႂ်ႈယုၵ်ႉယွင်ႈပၼ်ၼမ်ႉၵတ်ႉ ၸုမ်းတူင်ႉၼိုင်တူင်ႇဝူင်းၵူၼ်း ၼႂ်းၸိုင်ႈတႆး ၵူႈမူႇၵူႈၸုမ်း၊ ယွၼ်ႉၼၼ်လႄႈ လႆႈႁွင်ႉပၢင်ၵုမ်- ဝႃႈၼႆ။

ၸၢႆးယီႈဝၼ်း တူဝ်တႅၼ်း ၵေႃလိၵ်ႈလၢႆးလႄႈၾိင်ႈငႄႈတႆး ဝဵင်းသီႇပေႃႉ ၵေႃႈလၢတ်ႈဝႃႈ- တေဢဝ်လွၵ်းလၢႆး/ ပိူင် ဢၼ်တီႈၼႆႈတမ်းဝၢင်းၼႄၼၼ်ႉ မိူဝ်းၸႂ်ႉၼႂ်းမူႇၸုမ်း၊. ပဵၼ်ဢၼ်ၶဝ်ႈတၢင်းတိုဝ်းတႄႉတႄႉ- ဝႃႈၼႆ။

ပၢင်ဢုပ်ႇၵုမ် ဢၼ် UNDP ဢွၼ်ႁူဝ်ၸတ်းႁဵတ်းၼႆႉလႆႈၸတ်းမႃးယဝ်ႉ 4 ပွၵ်ႈ။ ပွၵ်ႈဢွၼ်တၢင်းသုတ်း တီႈဝဵင်းလိူဝ်ႇ (မၼ်းတလေး)၊ ပွၵ်ႈတီႈသွင် ၸတ်းတီႈမေႃႇလမႅင်ႇ၊ ပွၵ်ႈတီႈ 3 ၸတ်းတီႈပတဵင်ႇ၊ ပွၵ်ႈတီႈ 4  တီႈဝဵင်းတူၼ်ႈတီး ၸိုင်ႈတႆးပွတ်းၸၢၼ်း ပွၵ်ႈၵမ်းၼႆႉ- ၸုမ်းလုၵ်ႈႁဵၼ်းၵူၼ်းၼုမ်ႇ ဝဵင်းတူၼ်ႈတီး လၢတ်ႈၼႄၼင်ႇၼႆ။




 
© 2012 All Rights Reserved | Asean Celebrity | Fonts @ AtFonts | Free Templates