ပေႃႈမႄႈလုၵ်ႈဢွၼ်ႇႁူဝ်ယႂ်ႇ ၶႂ်ႈလႆႈတၢင်း ၸွႆႈထႅမ် တႃႇၽႃႇတတ်း
ဢွၼ်ႇယိင်းဢွၼ်ႇ ဝၢၼ်ႈၶိူဝ်းၼိမ်း ၸႄႈဝဵင်းၼမ်ႉၸၢင် ၵိူတ်ႇမႃးပဵၼ်တၢင်းပဵၼ်
ႁူဝ်ယႂ်ႇ၊ ပေႃႈမႄႈ ၶႂ်ႈလႆႈတၢင်းၸွႆႈ ထႅမ် ပိူဝ်ႈတႃႇၽႃႇတတ်း
လုမ်းလႃးယူတ်းယႃလုၵ်ႈလၢင်း။
ၵေႃႉပဵၼ်မႄႈ ၼၢင်းၶွင်ႇ ႁွပ်ႇဝႆႉၵေႃႉပဵၼ်လုၵ်ႈယိင်းဢွၼ်ႇ |
ဢွၼ်ႇယိင်းဢွၼ်ႇ (ႁွမ်သႅင်)
ၵေႃႉၵိူတ်ႇမိူဝ်ႈဝၼ်းဢင်းၵၢၼ်း တီႈ 10/06/2014 (လိူၼ်ၸဵတ်းမႂ်ႇ 13 ၶမ်ႈ)၊
ယၢမ်းလဵဝ် ဢႃႇယု 1 လိူၼ်ပၢႆၼၼ်ႉ ဝၢႆးၵိူတ်ႇမႃးယဝ်ႉ ၸပ်းပဵၼ်တၢင်းပဵၼ်
ႁူဝ်ယႂ်ႇ။ ယၢမ်းလဵဝ် ပေႃႈမႄႈ ၶႂ်ႈလႆႈတၢင်းၸွႆႈထႅမ် လႄႈ ငိုၼ်းတွင်း
ပိူဝ်ႈတႃႇၵႃႈၽႃႇတတ်းယူတ်းယႃတၢင်းပဵၼ်။
ဢွၼ်ႇယိင်းဢွၼ်ႇၼႆႉ
ပေႃႈမႄႈယူႇဝၢၼ်ႈၶိူဝ်းၼိမ်း ဢိူင်ႇၼႃးပွႆး ၸႄႈဝဵင်းၼမ်ႉၸၢင်
ၸႄႈတွၼ်ႈလွႆလႅမ်။ ပေႃႈၸိုဝ်ႈ ၸၢႆးၼေႃႇမိူင်း၊ မႄႈၸိုဝ်ႈၼၢင်းၶွင်ႇ။
ဢိင်ၼိူဝ် ပၢႆးယူႇလီ ၼွင်ႉဢွၼ်ႇၼႆႉသေ ယၢမ်းလဵဝ် ပေႃႈမႄႈလႆႈဢဝ်မႃး
ယူႇသဝ်းဝႆႉတီႈႁိူၼ်းပီႈႁိူၼ်းၼွင်ႉ တီႈဝဵင်းၶူဝ်လမ် (ၶူဝ်ၶမ်း) ပွၵ်ႉ 3 ။
မိူဝ်ႈလဵဝ် တၢင်းယႂ်ႇႁူဝ်ဢွၼ်ႇယိင်းဢွၼ်ႇၼႆႉ တႅၵ်ႈလႆႈ 53
သႅၼ်ႊတီႊမီႊတိူဝ်ႊ- ၼႆယဝ်ႉ။
ဢွၼ်ႇယိင်းႁွမ်သႅင် |
ဢွၼ်ၼႃႈၼႆႉ မိူဝ်ႈၵိူတ်ႇႁၼ်ၼႃႈ/
လဵင်ႉလူမႃးၵေႃႈ တူဝ်မၼ်းယႂ်ႇႁႅင်းဝႆႉလႄႈ ပေႃႈမႄႈလႆႈဢဝ်ၵႂႃႇၽႃႇ တီႈႁူင်းယႃ
သိုၵ်း ၼမ်ႉၸၢင်။ မေႃယႃသိုၵ်းၶဝ် တီႈၼမ်ႉၸၢင် ၼႄႉၼမ်းဝႃႈ
ၸူဝ်ႈလုပ်ႇမၼ်းပႆႇၸပ်းၵၼ်ၼႆႉ ၸဵဝ်းၽႃႇၼႆႉ ၸဵဝ်းလီ။
ပေႃးလုပ်ႇမၼ်းၸပ်းၵၼ်ယဝ်ႉ တေဢမ်ႇၸၢင်ႈၽႃႇ။ မိူဝ်းၽႃႇတီႈတႃႈၵုင်ႈ
(ယၼ်ႇၵုင်ႇ)ၵေႃႈလီ၊ ပေႃးၵႂႃႇၽႃႇ မိူင်းထႆး ၶႅၼ်းလီ- ဝႃႈၼႆ။
မႄႈ ယိင်းဢွၼ်ႇႁွမ်သႅင် လၢတ်ႈဝႃႈ-
မိူဝ်ႈလဵဝ် ၸဵမ်ၸုမ်းၾၢႆႇၸွႆႈထႅမ်၊ ၾၢႆႇလူင်ပွင်ၸိုင်ႈၸိူဝ်းၼႆႉ ဢမ်ႇမီးၽႂ်
တိတ်းတေႃႇၵပ်းသိုပ်ႇမႃး၊ ႁဝ်းၶႃႈတႄႉ
ပဵၼ်ၵူၼ်းႁဵတ်းၵိၼ်ၵၢၼ်သူၼ်ၶဝ်ႈၵၢပ်ႇသူၼ်ငႃး ၸိူဝ်းၼႆႉၵူၺ်း၊ ႁဵတ်းတႃႇ
ၼိုင်ႈႁိုဝ်ႉ ၵိၼ်တႃႇၼိုင်ႈပီၸိူဝ်းၼႆႉၵူၺ်းၵေႃႈ ပေႃးၶႂ်ႈယၢပ်ႇယဝ်ႉ။
ႁဝ်းၶႃႈ ၶႂ်ႈလႆႈတိုဝ်ႉတၢင်း လုမ်းလႃးလုၵ်ႈလၢင်း ႁႂ်ႈမၼ်းပေႃးပဵၼ်ၵူၼ်းၵႂႃႇ၊
ၶႂ်ႈၸွႆႈထႅမ်တီႈသုတ်း၊ ၵူၺ်းၵႃႈ ဢမ်ႇမီးငိုၼ်းတႃႇတေၸွႆႈ။ ၵွပ်ႈၼၼ်
မုင်ႈမွင်းၸဝ်ႈၽူႈ ၸေတၼႃးလီၶဝ်၊ တၢင်ႇမူႇတၢင်ႇၸုမ်းၶဝ်
ၸွႆႈထႅမ်ပၼ်ႁဝ်းၶႃႈသေ ႁႂ်ႈလႆႈဢဝ်လုၵ်ႈႁဝ်းၵႂႃႇ ယူတ်းယႃဝႆးဝႆး ယူႇဢေႃႈ-
မႄႈဢွၼ်ႇယိင်း ၸိုဝ်ႈၼၢင်းၶွင်ႇ လၢတ်ႈၼင်ႇၼႆ။
Tags: Health, News