တဝ်တိူဝ်ၵျိင်း ပပ်ႉဝႃႈလူၺ်ႈသဵၼ်ႈတၢင်း လႄႈ ဢူငဝ်း ၵၼ် 23-27
တဝ်တိူဝ်ၵျိင်း ပပ်ႉဝႃႈလူၺ်ႈသဵၼ်ႈတၢင်း လႄႈ ဢူငဝ်း ၵၼ် 23-27 ။ လၢတ်ႈဢေႇ
ပဵၼ်သဵၼ်ႈတၢင်းၶွင်သၽႃႇဝ လူမ်းႁႅင်း ဢမ်ႇထွင်းတင်းၼႂ် ၾူၼ်လူင်ၵိုင်ႉၵၢင်ႉ
ဢမ်ႇႁၢတ်ႇတင်းဝၼ်း ၽႂ်ပွင်ႁႂ်ႈပဵၼ်ၼင်ႇၼႆ ? ပဵၼ်ၾႃႉလိၼ်။
ၵၼ် 23
လၢတ်ႈဢေႇ ပဵၼ်သဵၼ်ႈတၢင်းၶွင်သၽႃႇဝ
လူမ်းႁႅင်း ဢမ်ႇထွင်းတင်းၼႂ်
ၾူၼ်လူင်ၵိုင်ႉၵၢင်ႉ ဢမ်ႇႁၢတ်ႇတင်းဝၼ်း
ၽႂ်ပွင်ႁႂ်ႈပဵၼ်ၼင်ႇၼႆ ?
ပဵၼ်ၾႃႉလိၼ်။
ပေႃးၾႃႉလိၼ် ဢမ်ႇထွင်း ဢမ်ႇႁၢတ်ႇႁိုင်ၼၢၼ်း
ၽူႈၵူၼ်းသမ်ႉတေၶႂ်ႈႁဵတ်းၸိူင်ႉႁိုဝ် ?။
ၽူႈၵူၼ်းသမ်ႉတေၶႂ်ႈႁဵတ်းၸိူင်ႉႁိုဝ် ?။
ၸင်ႇဝႃႈ ၸိူဝ်းၸွမ်းတဝ်ၼၼ်ႉ
ၸိူဝ်းၵႂႃႇတၢင်း ပဵၼ် တၢင်းၵႂႃႇ
ၸိူဝ်းလႆႈ တိူဝ် ပဵၼ်ၵႂႃႇတိူဝ်
ၸိူဝ်းလႆႈ ၶၢတ်ႇႁၢႆ ပဵၼ်လွင်ႈၶၢတ်ႇႁၢႆၵႂႃႇ။
ၸိူဝ်းၵႂႃႇတၢင်း ပဵၼ် တၢင်းၵႂႃႇ
ၸိူဝ်းလႆႈ တိူဝ် ပဵၼ်ၵႂႃႇတိူဝ်
ၸိူဝ်းလႆႈ ၶၢတ်ႇႁၢႆ ပဵၼ်လွင်ႈၶၢတ်ႇႁၢႆၵႂႃႇ။
တင်းသဵင်ႈ ယူႇၼႂ်းတဝ်
ႁူမ်ႈတင်းတဝ် တဝ်ၵေႃႈတွၼ်ႈႁပ်ႉ
ႁူမ်ႈတင်းတိူဝ် တိူဝ်ၵေႃႈတွၼ်ႈႁပ်ႉ
ႁူမ်ႈတင်းၶၢတ်ႇႁၢႆ လွင်ႈၶၢတ်ႇႁၢႆ တွၼ်ႈႁပ်ႉ။
ႁူမ်ႈတင်းတဝ် တဝ်ၵေႃႈတွၼ်ႈႁပ်ႉ
ႁူမ်ႈတင်းတိူဝ် တိူဝ်ၵေႃႈတွၼ်ႈႁပ်ႉ
ႁူမ်ႈတင်းၶၢတ်ႇႁၢႆ လွင်ႈၶၢတ်ႇႁၢႆ တွၼ်ႈႁပ်ႉ။
ပေႃးဢမ်ႇဝၢင်းၸႂ်လႆႈလွင်ႈၼႆႉ
လွင်ႈဝၢင်းၸႂ်ၼၼ်ႉ ဢမ်ႇမီးလႆႈ။
လွင်ႈဝၢင်းၸႂ်ၼၼ်ႉ ဢမ်ႇမီးလႆႈ။
မၢႆတွင်း
ပေႃးတဝ် ပဵၼ် ထမ်း/ထမ်ႇမၵေႃႈ
တိူဝ် ပဵၼ် ဢူငဝ်း ဢဵၼ်ႁႅင်း/ဢႃႇၼႃႇၼၼ်ႉယဝ်ႉ။
ၸင်ႇမီးၵူၼ်းပိၼ်ႇၽႃႇသႃႇဝႃႈ
တဝ်တိူဝ်ၵျိင်း = ပပ်ႉလွင်ႈသဵၼ်ႈတၢင်းလႄႈဢႃႇၼႃႇ။
ၵမ်ႈၽွင်ႈၵေႃႈဝႃႈ “ပပ်ႉလွင်ႈဢႃႇၼႃႇ ဢၼ်လႆႈမႃး လူၺ်ႈသဵၼ်ႈတၢင်းထမ်း”။
ၵၼ် 24
ၵေႃႉယႅင်ႇယႄႈ ဢမ်ႇၸၢင်ႈၸုၵ်းႁိုင်
ၵေႃႉယၢင်ႈႁၢင်ႇ ဢမ်ႇၸၢင်ႈၵႂႃႇၵႆ
ၵေႃႉဢၢတ်ႇတူဝ် ဢမ်ႇၸၢင်ႈႁိူဝ်ႈပိူင်း
ၵေႃႉဝူၼ်ႉဝႃႈတူဝ်ၵဝ်ႇၵူၺ်းထုၵ်ႇမႅၼ်ႈ ဢမ်ႇၸၢင်ႈလႆႈတၢင်းတွၼ်ႈႁပ်ႉ
ၵေႃႉဢုပ်ႇတၢင်းလီတူဝ်ၵဝ်ႇၼၼ်ႉ ဢမ်ႇမီးတၢင်းလီ
ၵေႃႉမႅၼ်းႁႅၼ်ႇ ဢမ်ႇၸၢင်ႈၶိုၼ်ႈၼႃႈ။
ၸိူဝ်းၼႆႉ တဝ် ႁဵၵ်ႈဝႃႈတၢင်းၵိၼ်လိူဝ်ပူၼ်ႉ
ပဵၼ်ႁၢပ်ႇလိူဝ် ၼႂ်းၵၢၼ်ၵႂႃႇတႃႈပႆတၢင်း
ပဵၼ်တီႈလီမိူဝ်ႇၸၢၼ်ႈ။
ပဵၼ်ႁၢပ်ႇလိူဝ် ၼႂ်းၵၢၼ်ၵႂႃႇတႃႈပႆတၢင်း
ပဵၼ်တီႈလီမိူဝ်ႇၸၢၼ်ႈ။
ၸင်ႇဝႃႈ ၽူႈၸွမ်းတဝ် ဢမ်ႇဢဝ်သႂ်ႇၸႂ်
သိုပ်ႇပူၼ်ႉၵႂႃႇ။
သိုပ်ႇပူၼ်ႉၵႂႃႇ။
ၵၼ် 25
မၼ်းပဵၼ်သိင်ႇဢမ်ႇမီးႁၢင်ႈ ၵူၺ်းၵႃႈထူၼ်ႈတူဝ်
မီးဝႆႉဢွၼ်တၢင်းၾႃႉလိၼ်
ယူႇႁင်းၵူၺ်း လႄႈ တဵတ်ႇယဵၼ်
ၸုၵ်းႁင်းတူဝ်ၵဝ်ႇ ဢမ်ႇလႅၵ်ႈလၢႆႈ
ၸိုမ်းၶဝ်ႈၵူႈသမ်ႇသိင်ႇ ဢမ်ႇမီးလႅၼ်ၵၼ်ႈ
မိူၼ်ပဵၼ်မႄႈတင်းသဵင်ႈတႂ်ႈၾႃႉ
ၵဝ်ဢမ်ႇႁူႉဝႃႈ မၼ်းၸိုဝ်ႈသင်
ၸင်ႇႁဵၵ်ႈမၼ်းဝႃႈ “တဝ်”
လႄႈ ႁဵၵ်ႈမၼ်းဝႃႈ “ယိင်ႈယႂ်ႇ”။
ယိင်ႈယႂ်ႇ ပွင်ႇဝႃႈသိုပ်ႇပူၼ်ႉၵႂႃႇ
သိုပ်ႇပူၼ်ႉၵႂႃႇ ပွင်ႇဝႃႈၵႂႃႇၵႆ
ၵႂႃႇၵႆပွင်ႇဝႃႈ ပွၵ်ႈဝၢႆႇ။
သိုပ်ႇပူၼ်ႉၵႂႃႇ ပွင်ႇဝႃႈၵႂႃႇၵႆ
ၵႂႃႇၵႆပွင်ႇဝႃႈ ပွၵ်ႈဝၢႆႇ။
ၸင်ႇဝႃႈ
တဝ်ၼႆႉယိင်ႈယႂ်ႇ
ၾႃႉၼႆႉယိင်ႈယႂ်ႇ
လိၼ်ၼႆႉယိင်ႈယႂ်ႇ
ၵူၼ်းၼႆႉယိင်ႈယႂ်ႇ။
တဝ်ၼႆႉယိင်ႈယႂ်ႇ
ၾႃႉၼႆႉယိင်ႈယႂ်ႇ
လိၼ်ၼႆႉယိင်ႈယႂ်ႇ
ၵူၼ်းၼႆႉယိင်ႈယႂ်ႇ။
မီးသီႇ ယိင်ႈယႂ်ႇၼႂ်းလူၵ်ႈ
ၵူၼ်းပဵၼ်ၼိုင်ႈၼႂ်းၼၼ်ႉ။
ၵူၼ်းပဵၼ်ၼိုင်ႈၼႂ်းၼၼ်ႉ။
ၵူၼ်းၸွမ်းသဵၼ်ႈတၢင်းလိၼ်
လိၼ်ၸွမ်းသဵၼ်ႈတၢင်းၾႃႉ
ၾႃႉၸွမ်းသဵၼ်ႈတၢင်းတဝ်
တဝ်ၸွမ်းသဵၼ်ႈတၢင်းၶွင်မၼ်း။
လိၼ်ၸွမ်းသဵၼ်ႈတၢင်းၾႃႉ
ၾႃႉၸွမ်းသဵၼ်ႈတၢင်းတဝ်
တဝ်ၸွမ်းသဵၼ်ႈတၢင်းၶွင်မၼ်း။
ၵၼ် 26
ၼၵ်း ပဵၼ်ႁၢၵ်ႈငဝ်ႈၶွင်မဝ်
ၼိမ် ပဵၼ်ၸဝ်ႈၶွင်လေႃလႄ။
ၽူႈလူင်ႉတွင်ႈတဵဝ်းတင်းဝၼ်း
ဢမ်ႇၽၢတ်ႇလေႃႉတၢင်ႇၶူဝ်း
ထုၵ်ႇလွမ်ႉႁွပ်ႈလူၺ်ႈ တီႈမုင်ႈသႃႇတင်းၼမ်သေၵေႃႈ
ၵိုတ်းယူႇ ယဵၼ်လႄႈၼိမ်။
ဢမ်ႇၽၢတ်ႇလေႃႉတၢင်ႇၶူဝ်း
ထုၵ်ႇလွမ်ႉႁွပ်ႈလူၺ်ႈ တီႈမုင်ႈသႃႇတင်းၼမ်သေၵေႃႈ
ၵိုတ်းယူႇ ယဵၼ်လႄႈၼိမ်။
ပေႃးဝႃႈ ၸဝ်ႈ မိုၼ်ႇလေႃႉမႃႉ
ယူႇမဝ်မၢင်ၼႂ်းလူၵ်ႈ
မဝ် တေၶၢတ်ႇႁၢမ်းငဝ်ႈ
လေႃလႄ တေၶၢတ်ႇၸဝ်ႈမၼ်း။
ယူႇမဝ်မၢင်ၼႂ်းလူၵ်ႈ
မဝ် တေၶၢတ်ႇႁၢမ်းငဝ်ႈ
လေႃလႄ တေၶၢတ်ႇၸဝ်ႈမၼ်း။
ၶေႃႈသပ်းၸႅင်ႈ
ၶုၼ်ၼႆၼၼ်ႉ တေလႆႈမီးတၢင်းၼၵ်းၼႅၼ်ႈ မီးတၢင်းၼိမ်သဝ်းၸိုင်
တေၵႄႈလႆႈပၼ်ႁႃၵူၼ်းမိူင်း။ ၵႂႃႇတႃႈပႆတၢင်းယူႇၵေႃႈ ၼႃႈတီႈပုၼ်ႈၽွၼ်းတူဝ်ၵဝ်ႇ
ဢၼ်မီးတေႃႇၵူၼ်းမိူင်းၼၼ်ႉ ဝႆႉမိူၼ်လေႃႉတၢင်ႇၶူဝ်းၼၼ်ႉသေ ဢမ်ႇၽၢတ်ႇယၢၼ်ၵႂႃႇ။
ၵၼ် 27
ၵႅပ်ႉတၢင်းဢမ်ႇပႅတ်ႈဝႆႉႁွႆးတိၼ်
ၵႂၢမ်းလီ ဢမ်ႇပႅတ်ႈဝႆႉငိူၼ်ႈ
ၼပ်ႉလီ ဢမ်ႇတၢပ်ႈဝႆႉ မႆႉၼပ်ႉ။
ၽၵ်းတူလီ ဢမ်ႇမီးသႄႈ
ၵူၺ်းဢမ်ႇပိုတ်ႇလႆႈငၢႆႈ
မတ်ႉလီ ဢမ်ႇမီးၸိူၵ်ႈ
ၵူၺ်းဢမ်ႇၵႄႈလႆႈငၢႆႈ။
ၵူၺ်းဢမ်ႇပိုတ်ႇလႆႈငၢႆႈ
မတ်ႉလီ ဢမ်ႇမီးၸိူၵ်ႈ
ၵူၺ်းဢမ်ႇၵႄႈလႆႈငၢႆႈ။
ၸင်ႇဝႃႈ ၽူႈလူင်ႉၼႆႉၸွႆႈၵူၼ်း
ဢမ်ႇမီးၽႂ်ထုၵ်ႇပၢၵ်ႈဝႆႉ
ၸွႆႈပၼ်တင်းသဵင်ႈတင်းလၢႆ
ဢမ်ႇမီးသိင်ႇလႂ်ထုၵ်ႇၶၢမ်ႈပူၼ်ႉၵႂႃႇ
လွင်ႈၼႆႉ ပိူၼ်ႈဝႃႈတိုဝ်းၵမ်သၢႆလႅင်းၼႂ်းတူဝ်။
ဢမ်ႇမီးၽႂ်ထုၵ်ႇပၢၵ်ႈဝႆႉ
ၸွႆႈပၼ်တင်းသဵင်ႈတင်းလၢႆ
ဢမ်ႇမီးသိင်ႇလႂ်ထုၵ်ႇၶၢမ်ႈပူၼ်ႉၵႂႃႇ
လွင်ႈၼႆႉ ပိူၼ်ႈဝႃႈတိုဝ်းၵမ်သၢႆလႅင်းၼႂ်းတူဝ်။
ၸင်ႇဝႃႈ ၵူၼ်းလီ ပဵၼ်ၶူးမေႃသွၼ်ၵူၼ်းၸႃႉ
ၵူၼ်းၸႃႉ ပဵၼ်ပွင်ႈႁဵၼ်းၶွင်ၵူၼ်းလီ
ဢမ်ႇဝႆႉၵႃႈၶၼ်ၼိူဝ်ၶူးမေႃသွၼ်
ဢမ်ႇႁၵ်ႉမိုတ်ႈပွင်ႈႁဵၼ်းၸိူဝ်းၼႆႉ
ၽူႈမီးသတိပၺ်ႇၺႃႇၵေႃႈ ယင်းၸၢင်ႈလူင်တၢင်း။
ၵူၼ်းၸႃႉ ပဵၼ်ပွင်ႈႁဵၼ်းၶွင်ၵူၼ်းလီ
ဢမ်ႇဝႆႉၵႃႈၶၼ်ၼိူဝ်ၶူးမေႃသွၼ်
ဢမ်ႇႁၵ်ႉမိုတ်ႈပွင်ႈႁဵၼ်းၸိူဝ်းၼႆႉ
ၽူႈမီးသတိပၺ်ႇၺႃႇၵေႃႈ ယင်းၸၢင်ႈလူင်တၢင်း။
ၼႆႉပဵၼ် တၢင်းလပ်ႉသုတ်းယွတ်ႈ။
ၶေႃႈသပ်းၸႅင်ႈ
ငိူၼ်ႈ = ၵမ်ႈၽွင်ႈပိၼ်ႇဝႃႈ “တီႈၼႄး”
ပွင်ႈႁဵၼ်း= ၵမ်ႈၽွင်ႈပိၼ်ႇဝႃႈ “ၶေႃႈသင်ႇသွၼ်”
“တပႄး” (charge)
ၶေႃႈသပ်းၸႅင်ႈ
ငိူၼ်ႈ = ၵမ်ႈၽွင်ႈပိၼ်ႇဝႃႈ “တီႈၼႄး”
ပွင်ႈႁဵၼ်း= ၵမ်ႈၽွင်ႈပိၼ်ႇဝႃႈ “ၶေႃႈသင်ႇသွၼ်”
“တပႄး” (charge)
Tags: Feature, General Knowledge