1) ပၢင်ပွႆးပီမႂ်ႇတႆး (ပီလပ်းမဵတ်ႉ-ပီပႄႉ - ပီတႆး 2109) ဢၼ်ႁူမ်ႈတွမ်ႁႅင်းၸႂ်ၵၼ်တင်း ၵူၼ်းၶိူဝ်းတႆး ပတ်းပိုၼ်ႉ ၵမ်းတီႈ 2 ဢၼ်တေႁဵတ်းတီႈဝဵင်းလူင်တူၼ်ႈတီး(ငဝ်ႈဝဵင်းႄၸႈမိူင်းလူင်ၸိုင်ႈတႆး) ဝၼ်းတီႈ 20-22/11/2014 ငဝ်ႈငုၼ်းၵေႃလိၵ်ႈလၢႆးလႄႈၾိင်ႈငႄႈတႆးဝဵင်းတူၼ်ႈတီး ဢွၼ်ႁူဝ်သေ ၵေႃလိၵ်ႈလၢႆးလႄႈၾိင်ႈငႄႈတႆး ၵူႈၸႄႈဝဵင်း ၼႂ်းမိူင်းတႆးပတ်းပိုၼ်ႉႁူမ်ႈၵၼ်ၶိုင်ပွင်ႁဵတ်းသၢင်ႈ။ တေမီးတင်းၵၢၼ်သမ်မၼႃး (Seminar) လွင်ႈပိုၼ်းလႄႈၾိင်ႈငႄႈ လိၵ်ႈလၢႆးၵူၼ်းၶိူဝ်းတႆး (မိူၼ်မိူဝ်ႈပွၵ်ႈၵမ်းၼိုင်ႈ 2107 ဢၼ်ႁဵတ်းတီးဝဵင်းၵဵင်းတုင် မိူင်းတႆးပွတ်းဢွၵ်ႇ)ၼႆ။

2) ပၢင်ပွႆးၶိုၼ်ႈႁေႃၶမ်း တဵမ် 100 ပီ ၸဝ်ႈၾႃႉလူင်ၸဝ်ႈၶုၼ်သၢင်ႇတူၼ်ႈႁုင်း မိူင်းသႅၼ်ဝီ (1914 – 2014) တေၸတ်းႁဵတ်း ဝၼ်းတီႈ 26-30/11/2014 တီႈရႃးၸဝင်းသႅၼ်ဝီ ၸႄႈဝဵင်းသႅၼ်ဝီႄလႈ တေမီးတင်းပၢင်ဢုပ်ႇဢူဝ်း လွင်ႈသႃသၼႃဝၼ်းၼိုင်ႈလႄႈလွင်ႈၾိင်ႈငႄႈလိၵ်ႈလၢႆးတႆးဝၼ်းၼိုင်ႈသေ လိူဝ်ၼၼ်ႉပဵၼ်ၵၢၼ်ၼႄလွင်ႈၾိင်ႈငႄႈ ၸဝ်ႈၾႃႉတႆး 33 မိူင်း။ တေၸတ်းႁဵတ်းတီႁွင်ႈၼႄပိုၼ်းၾိင်ႈတႆး 12 လိူၼ်ၸွမ်း ပိူဝ်ႈတႃႇၵူၼ်းတၢင်ႇၶိူဝ်းၶဝ် မႃးဢႅဝ်ႇတွင်ႈတဵဝ်းလႄႇလၢဝ်း လဵပ်ႈႁဵၼ်း။

3) ပၢင်ပွႆးလူႇတၢၼ်း/ယွင်ႈမုၼ်မင်ၵလႃ ဝၼ်းၵိူတ်ႇ ၸဝ်ႈၶူးလူင်ဢွၵ်ႉသ်ၾိူတ်ႊ တွၵ်ႉတိူဝ်ႊ ၶမ်းမၢႆ ထမ်မသႃမိ ဝတ်ႉဢွၵ်ႉသ်ၾိူတ်ႉပုတ်ႉထဝိႁႃရ ဝဵင်းဢွၵ်ႉသ်ၾိူတ်ႉ မိူင်းဢိင်းၵလိသျ်ႊ တဵမ် 50 ပီ(ဝၼ်းၵိူတ်ႇပီၵွၼ်းၶမ်းၸဝ်ႈ) တေၸတ်းႁဵတ်းဝၼ်းတီႈ 24-25/12/2014 တီႈဝတ်ႉၸွင်းတေႃႇ ဝဵင်းလၢႆးၶႃႈ မိူင်းတႆးပွတ်းၸၢၼ်း။

4) ပၢင်ပွႆးသမ်မၼႃးလိၵ်ႈလူင်ပွၵ်ႈၵမ်း (2) တေၸတ်းႁဵတ်းဝၼ်းတီႈ 26-28/12/2014 တီႈဝတ်ႉၸွင်းတေႃႇ ဝဵင်းလၢႆးၶႃႈ  မိူင်းတႆးပွတ်းၸၢၼ်း (သိုပ်ႇတီႈပွႆးဝၼ်းၵိူတ်ႇပီၵွၼ်းၶမ်း ၸဝ်ႈၶူးလူင်လၼ်ႊတၼ်ႊၵမ်းလဵဝ်)။